(مايستريح اللي عزمله رجاجيل) تبقا عندما يذهب صاحبها؟رثاء
عندما يرحل الكبار يبكيهم صغارهم فمنهم من يعبر بدمعه ومنهم من يعبر بشعره ومنهم من يعبر بهما الأثنتان
لقد اخترت من سيرة الشيخ يوسف سليمان السرحاني(يرحمه الله) الطيبه والكثيره(مايستريح اللي عزمله رجاجيل)ابيات عزيت بها نفسي ونزولاً عند رغبة من طلبها مني اهديها لهم عبر هذا المنتدى الغالي والى اعضائه العزيزين والى نفسي:
واتمنا ان تنال اعجابكم ودمتم
أرتاح من ماضي زمانه لنا قال=مايستريح اللي عزمله رجاجيل
أرتاح من يضرب لنا بطيبه امثال=تفقده كل اجيالنا وخص هالجيل
أرتاح والاحزان بقلوبنا جبال=كلن يكفكف دمعته بالمناديل
أهً على يوسف وأهً على الحال=وأهً علينا بالليال المقابيل
محدً يلوم العين لو دمعها سال=ولحدً يلوم اللي يعاف التعاليل
أنا ادري ان الناس نازل ورحال=وانا ادري انك رحت ماهي بقاويل
الهم من فرقاك بالصدر ينهال=واصبح مرار الحزن ليه محاصيل
من عرض غيري صرت للحزن مدهال=أمعزبً وافي لضيفاً تهاويل
أمكدر الخاطر لي بكل الاحوال=عقبه يحط الحزن بالصدر ويشيل
لا ياعريب الجد والعم والخال=لا يالكريم الشهم راع المعاميل
يابن الرجال اللي لهم مبطي افعال=صيتك تعدى نجمة الجدي وسهيل
عساك في جنه بها الخير همال=جنة اله الكون منشى المخاييل
وتصبح قرارك عقب ممشا وترحال=وتهنا بنعمه مالها دوم تبديل
وصلاة ربي عد ماوادياً سال=على نبياً حافظاً كل تنزيل
