يا وجودي وجد
ياوجودي وجد من في طرقته ضيع خويه = في ظلام الليل وسباع الخلا قامت تنادي
ماعرف وين الطريق ولاعرف وين النحيه = ولامعه حتى الطعام ولامعه شربا وزادي
ولامعه مطرق ولاخوصه ولاشي بندقيه = مسبل الليدين حتى لاقدوح ولازنادي
وقام يركض من خلاه وحالته ماهي هنيه = وارتكب سود الجبال وتاه من وادي لوادي
نوب يسمع له عويل ونوب يسمع صوت حيه = والحذا راحت بدربه في جبال وفي حمادي
ويوم بان الصبح والياء مامعه هذه وذيه = غير ثوبا منشلح من عند خصمه والايادي
حالتي حاله كذا واخس واطقع شويه = وان سئلني واحدا قلت الحقيقه شي عادي
سبت اللي جابني واقفى وخلاني شريه = حطني شاره مابين الناس من مادا لمادي
عنق ريما شاف بالمرتاع زول بوارديه = واستذار وراح يركض مع سهاسيه الصمادي
لارحم جده ذبحني بالعيون الخربزيه = حط رمحه بالضلوع وعلقه وسط الفوادي
ماقدرت انسى غرامه والليال السامريه = قمت اغني وتغنى بأسمها شادي وشادي
هلت ادموع العيون البينه قبل الخفيه = ماهنينا بالمنام ولاهنينا بالرقادي
راحت الهقوه وانا اللي في ضميري كل هيه = مانفع قو الصميم ولانفع كثر العنادي
قامت الدنيا تصافقنا على كور المطيه = بعد محنا ماسكين احبالها فوق الشدادي
نوب شرق ونوب غرب ونوب نظرب كل نيه = لين حددنا البحور ولين حددنا البلادي
والليال تخلي الهقوات تذهب قيد نيه = مثل ريح الصيف لاهبت على دق الرمادي
والليالي مابها لأهل المحبه مرحميه = هكذا الايام بعضا بيض واكثرها سوادي
ماسلم منها المهلهل ماسلم مثله وزيه = ولاسلم منها ذياب الخيل والشيخ المهادي
ولاسلم منها الخفاجي والهنوف العامريه = ولاسلم منها عنود الريم قطاع البيادي
واكثر المخلوق في جسمه علولا داخليه = لوضحك ساعه وساعه فيه مر وبه نكادي
ضحكت المعلول تعرف من حجاجه من شفيه = من تقاسيم الزمان اللي على الحجان بادي
يعرفوها أهل المعرفه والرجال الصيرميه = ماخفاء شيئا على المخلوق من حضر وبوادي
اكتبوها وسجلوها يأهل المعنى عليه = سجلوها بالصحافه سجلوها بالروادي
والسلام ورحمة الله والثناله والتحيه = قالها شاعريعرف الشعر ويعرف المبادي
