السلام عليكم ورحمة الله وبركاته
من هو MESSI
http://www.eqla3.com/vb/attachment.p...0&d=1141591265
Lionel Andrés Messi
http://www.eqla3.com/vb/attachment.p...1&d=1141591265
ليو ميسي (ابو الحروف)
اللاعب اللي وصل للشهره باسرع وقت يعني عمره 18 و شهرته الحين تقارن في شهرة اكبر اللاعبين مثل رونالدينهو و زيدان
المهم خلنا نشوف وش قصته
http://www.eqla3.com/vb/attachment.p...2&d=1141591265
بطاقة الاحوال ( اقصد البطاقة الشخصية)
الاسم : ليونيل اندريس (آل) ميسي
ظهوره للدنيا : عام 1987 شهر 6 يوم 24 (<== يعني قبل سنتين كان يمديه يدخل ملاهي الخيمه)
مكان الولاده : (في مستشفى الشميسي) روساريو ,الارجنتين
الطول : 170
الوزن :67
النادي : العداله – الحساء ( <== اكيد برشلونه اسبانيا)
الموهبه و المرض
http://www.eqla3.com/vb/attachment.p...3&d=1141591265
ميسي بدا يطق طق كوره من يومه بزر عمره 5 سنين في نادي "كلوب جاندولي" النادي اللي ابوه جورج كان يشتغل فيه او يديره و بعدها
راح لنادي المنطقه نفسها و اسم النادي "نيو ويلس اولد بويس" و كان اخوه رودريجو يلعب في نفس النادي
(نفس نظام خالد مسعد و محمد مسعد)<== لا تشبه مره ثانيه تكفى
المهم الرجال لعب لين سنة 2000
http://www.eqla3.com/vb/attachment.p...4&d=1141591265
وكان مدربه في ذاك النادي انريكي دومينكيز يدري ان ذا الاعب بيسوي شي و كان يقول " ميسي عنده موهبه
تتحدى قوانين الفيزيائيه للجسم . والشخص الوحيد اللي فيه هذي الموهبه هو ديجو مارادونا"
استمر ميسي لين وصل عمر 13 و كان خلاص بيروح لريفر بليت لكن....
اكتشفو مرض في ميسي و هونقص في هرمونات العظام واللي يتسبب في ضعف النمو ...
و طبعا العلاج يعتبر مكلف على نادي نيو ويلس و حقين ريفير بليت هونوا ... و ابو ميسي ورط لانه ما يقدر يوفر العلاج .....
وش الحل يا ابو ليو ؟
طبعا ابو ليو قال ما بدهاش خلني اكلم عيال عمي في اسبانيا او بالتحديد في ليديا في وسط كاتلونيا... و بعدها اقنعوا حقين برشلونه انهم يجربونه
بعد ما استفسرو من احد كشافين برشلونه في الارجنتين.
جا ميسي و اهله لبرشلونه عشان يجربونه .
http://www.eqla3.com/vb/attachment.p...1&d=1141591376
التجربه الاولى
في اول تجربه في مباراة لناشئين برشلونه و كان عمره 13 و طوله 140 سم وقتها
وش تتوقعون سوا ؟؟
جاب هدف ؟ لا
هدفين ؟لا لا
ثلاثه ؟ يعني هاتريك برضو لا
اجل وش سوا
5 اهداف ذا القروي في اول مباراة
طبعا قالو بسرعه اقرب مستشفى عشان نعالجه و بعدها تكفل النادي في علاج الاعب و وقعوا معاه
العلاج و البدايه
وكان العلاج يكلف 750 يورو في الشهر(يعني 4 الاف ريال تقريبا)
و برشلونه تكفل فيه لين صار الحين طوله 170 سم
http://www.eqla3.com/vb/attachment.p...1&d=1141591376
و بعد ما دخل لناشئين برشلونه سجل الجبيب 37 هدف لين صار انتقل لفريق لبرشلونه "ب"
منتخب اسبانيا طلب ميسي عشان يكون في منتخبهم للشباب ويعطونه الجنسيه لانه هو يستحقها
لكن ميسي قال لا ابي العب للارجنتين و لعب اول مباراة ضد الباراجواي
مع الفريق الاول
http://www.eqla3.com/vb/attachment.p...2&d=1141591376
ميسي ما طول ميسي في برشلونه بي لان في اخر موسم 2004\2005 ريكارد احتاج لاعب يغطي نقص المهاجمين
اللي عنده بعد اصابة لارسون و ماكسي و كان ميسي مبدع مع فريق "ب"
واستدعا ريكارد ميسي و كانت اول مشاركه ضد اسبانيول في اخر الدقايق و فاز برشلونه في هذي المباراة
1-0 لكن ميسي ما امداه يسوي شي
طبعا ميسي قد لعب قبل مع الفريق الاول في مباراة وديه ضد بورتو
البداية
http://www.eqla3.com/vb/attachment.p...3&d=1141591376
في اخر مباريات الموسم 2005\2004 شارك ميسي في اخر 5 دقايق ضد الباسيك و كسر رقم جديد و صار اصغر
لاعب يجيب هدف في الدوري الاسباني في تاريخ برشلونه
بعد ما جاب الهدف الثالث
http://www.eqla3.com/vb/attachment.p...4&d=1141591376
وكان في هذي المباراة شي يضحك و هو ان اول ما دخل ميسي في الدقيقه 41 حطله رونالدينهو كوره و ميسي انفرد
و حطها من فوق الحارس لكن الحكم حسبها تسلل و هي هدف صحيح مافيه اي تسلل
و جا الحارس يطببطب و يدلع .. اقصد يحط يده على راس ميسي
و قصده اثقل توك صغير
بس الحارس نسى ان باقي 3 دقايق
و نفس الكور من رونالدينهو و الوقح ميسي كان يمديه يحطها في الباب عادي لكن
من فوق الحارس زي الكوره اللي قبلها
وهذي تعتبر بداية ميسي في ذاكرة جمهور برشلونه
