محاوره بين الشاعر عيد عقيل السرحانى( ودبابه)

عيد
غيرت مشروعى على السكس دباب=مايخذالاسايقه مع خويه
سيارت الجهال ماهي للاشناب=شرابت الكافي عن الشاذليه
الدباب
اناتراي احسن من السكس قلاب=ألزم حدودك لاتعدى عليه
أجيبلك خمسين من غير الأتعاب=وأحيان احط بجيبتك فوق ميه
عيد
لاتكثر علومك ترى خاطرى طاب=مابيك لوصفيت لي خمسميه
راكبك وموديك للسوق جلاب=اما بثمن والا عطيتك هديه
الدباب
لواستلمت سلاح ابن غانم اذياب=حسب جوابك منت راضي عليه
لاتنتهج بي سالفت حرب الاعصاب=ترى الخوي يحزن لفرقا خويه
عيد
طبيت بك ياطبت البين ياغراب=مجبور بك مادامت النفس حيه
خوي طريق وتنتظرنى على الباب=الى نويت ارتاح عند الوليه
الدباب
اللين واجب بيننا خلنا اصحان=نعفي بعضنا من الشروط القويه
نشوف حال السوق ونجيب طلاب=نأخذ مقاضينا ونرجع سويه
عيد
أماقبلت الشرط من شايبنا شاب=ولأعطيتك شلت الصالحيه
تصيرعقب اسبوع يالذيب سكراب=مكينتك نيه وشاصيك نيه
الدباب
قابل شروطك دون تدقيق وحساب=موافقة مشتاق خذها هديه
أن ردتني حمال وان ردتني ركاب=وان ردتني لاعب على السمسميه

doPoem(0)

هالله الله

يعطيك العافيه

ويا كثر الدبابات عندكم في تبوك

ولا عطــــــــــيتــــــــك شــــــــــلــــــة الـــــــــــصــــــــــالحــــيـه
صح لسان الشاعر
وشكرا لك ياصالح
والدباب اكيد مايبي شلة الصالحيه

صالــح السرحاني ..

يعطيك العافيه على هالمحاورهـ ولاهنت ..

سلمان العرادي

صالح السرحاني ,

سلمت يمينك . والله يعطيك العافية على هذة المحاورة ,

لك شكري

صالح السرحاني يعطيك العافيه على هذه المحاوره الشيقه
وسلمت يمينك وننتضر جديدكــ****

يعطيك الف عافيةوسلمت يمناك صالح صح لسانك وصح لسان عيد عقيل
سيارت الجهال ماهي للاشناب=شرابت الكافي عن الشاذليه

اخوك سالم السرحاني