يـــــالله يا منـــــــشي تباريق وخــــــيال = يامرسل المــــــــــزنات بخير دفـــيقه
يامـــــعطي وعطايك كبـــــيرات وجزال = تفرج على كل مـــــــسلم فيه ضيــــقه
يا لحوني جــــــودي بتعابير وامــــــثال = لطيبين ماتعجب اهل الوجيه الصفيقه
يقول ابو نهار من عـــقب غـــــــــربال = لا يعجبك بعض الذهـــــــب في بريـقه
لا تنشد عن المكيال انشد من الي كال = ترى المكيال ما عـــــدت له ســــريقه
ما كل من يركب على الخــــــيل خيال =ولا كل من صــادق ينصـــــــح صـديقه
ياكثر من يعـــجبك وتقــــــول رجـــــال = وليا تكلم هــرجه صـــــــــــعب تطـيقه
ان جاء في مجلســاً للحــــــــــق عيال = تجنف لسانه تقلب وضــــــع الحـقيقه
بعض العرب لو مرة به عــــــدة اجيال = مازاد عمره ياكـــــــود بغـض لرفيقه
بعض العرب بالحيل بالكـــيد حــــــــبال= يحبل حبايل تقــطع وصل وثيقـــــــــــه
الله يجازي راعــــــــــــي الحقـــد شيال = دافق زيته رامـــــــــي صــــرة دقيقه
الي رزقــــــه الله بنات وعيـــــــــــــــال = واسعر في جوف عقبه حقد وحريقه
ولا علمهم تقـــــدير عماً وخـــــــــــــال = مثل المــــــعيزا ورى راعي العليقه
وصلاة ربـــي عد طلــــــــــــــــع الهلال = على نبـــــــي الخــير هادي الخليقه
