((( الـعــروس ))) للشاعر مبارك خليف
السلام عليكم ورحمة الله
اليوم جايب لكم قصيده رائعه
للشاعر
مبارك خليف البلوي
عزام
وقد ابدع شاعرنا في وصف حايل وجمالها
حتى
البسها ملابس العروس في ليلة زفافها
وقد اضفى عليها اميرنا المحبوب سعود بن عبدالمحسن
البشت الحساوي
وحايل تقع بين جبلي اجاء وسلمى
المتكونة من صخور الجرانيت المائل للحمره
والذي اصبح هو حمرة في خدين العروس حايل
ويقع في وسط المدينه جبل السمراء الذي اصبح حبة خال فوق ثغرها
ويحيط بها من الشمال النفود الي اصبحت في نظر شاعرنا
هي اللزم عقد يحيط بصدر عروس الشمال او عروووس الغيد
ونجم السماء الذي اصبح تاج فوق رأس عروسنا
واأليكم القصيده
العرووووووس
.................................................. .....................................
هاضت هجوسي فاض منها جديدها=هيض ٍ و غيض وفيض يرفع رصيدها
تلاطمت كــالموج في غبة البحر =لامــن عطته الريح من جل كيدها
غنت لها الورقى على غصن شوقها =تطرب مسامع من يثمن نشيدها
جرت نوايحها وانا الشوق جرني =جر السواني للــدلــو من وريدها
يم العروس اللي لها الحب والغلا =روحي لها والقلب مرهون بيدها
غيدا عطاها الله من الحسن والبها = فيها ارتياح الروح لو هي بقيدها
الغيد منها غايرات ٍ ومحرجه =يفنى صباها والليالي تبيدها
ريضانها تزهر بليلة زفافها = وفيما بعد تذبل ولا تستعيدها
تفنى لياليها الجميله وتنقضي = تقفي مثل خيلٍ تقافا طريدها
والا عروس الغيد في ريعة الصبا =تزهو جمالا كل ما عاد عيدها
مياسة ٍ بـأثـمن دررها تزينت = مع كل صبح وليل تلبس جديدها
احبها حب ٍ على واضح النقا = حب الملا لصقر العروبه وسيدها
حايل بعد حيي لها مني الوفا = من حبها ما ودي اطا صعيدها
واحب اهلها حب مالي بغيرهم = حب العرب لأرض السلام وفقيدها
نسايمه ريح افخر العود ريحها =ومزونه الغر التحايا رعيدها
احبها من قلب واعشق نسيمها = عشق البدو للسيل والا يزيدها
مشاعري لا من طرت لي تهيضت = تنثر على خد الحبيبه قصيدها
حايل جمال الله بأرضه ومنبعه =الوقت لأعمار الصبايا يعيدها
اسبغ عليها الله جماله وعزها =حايل بــ هـلـها جوهره نستفيدها
معذور يا قلب ٍ مولع ومغرما = ناره غلا حايل وحبه وقيدها
دار ٍ كريمه في كرمها تميزت = زمانها يشهد وربي شهيدها
الجود فيها للعرب مضرب المثل = بيرق فخر لأهل العلوم وحميدها
يــامــا على اشناب النشاما تدللت = ويـامـا اطربتهم بالغنا وتغريدها
فتانة ٍ تغــوي وتغري وتسحرا =فنون الغناجه والتدلل تجيدها
سلمى واجا وجنات حمرٍ بخدها = وحمر الطعوس الــلـزم عقد ٍ بجيدها
والسمر حبة خال من فوق ثغرها= تفرق عروس الغيد عن كل غيدها
و نجم السما تاج ٍ يجمل عروسنا = واحجارها الجوهر بصحصاح بيدها
حاتم عطاها من جزايل مكارمه = هو رمزها بسود الليال وعضيدها
ومن وقته وهي دوم للعز ترتقي= ترقى على اعتاب الذهب هي نضيدها
واليــوم جاها سعود في وجهه السعد = هو صقر حايل هو سماها وعميدها
اضفى الحساويه عليها وشالها = وشقر الحرار من الجزيلات صيدها
له بالثريا عالي القدر والثنا= وله بالثرى زرع القلوب وحصيدها
متجمل ٍ فيها وهي به تجملت = لبست جواهرها وتطلب مزيدها
ان ماوفالــه شعري اللوم يلحقه= شعري لها والقلب ساعي بريدها
الشعر مرقاب ٍ له الطول والبقا = للي لهم حل العق وتعقيدها
وسلامتكم
رد: ((( الـعــروس ))) للشاعر مبارك خليف
الله يسلمك يامبارك
وصح الله لسانك
وشكرا يابندر
