ودعت ناجح من مطار القريات...((قصيده الشراري))
قالها شاعر من القريات يكنى بأبو فهد الشراري
][/B]
 |
|
 |
|
http://www.asmilies.com/smiliespic/gif_pics/003.gif
وادعت ناجح مـن مطـار القريـات
يـوم ركبونـا الطائـره وشلعتـنـا
لفت ودارت وامرجت بيـن لحظـات
لـولا الكراسـي والمحـازم رمتـنـا
طاروا بنا حمـر العلابـي خواجـات
زغـل العيـون وجيههـم هولتـنـا
تكفى تشهد يا ( فهد ) واقـرأ آيـات
المـوت جانـا والظـروف اجبرتنـا
جانا المضيف وقال وش فيه خدمات
قلـت نزلونـا بطـونـا موجعتـنـا
من قبل اشوف الغيم دون السمـوات
واليوم اشوفه يـا فهـد مـن تحتنـا
عز الله اني ما حسبـت الحسابـات
والا تــرى سيـارتـي موصلتـنـا
يا زين ممشى الارض لو هي مسافات
إلنـا بشعيـب ٍ مجهزيـن قهوتـنـا
وش جابنـي لطائـره والمطـارات
والله مـا عُـو د ركوبهـا إن نزلتنـا
لو تنفجر قامـت تذيـع المحطـات
رح عـاد دور قشنـا مـع جثثـنـا
القصيده صوتيه في المرفقات أو من هنا |
|
 |
|
 |
يا أخوان فيه قصيده أخرى لشراري رد على اللي رد عليه بعد هذه القصيده اللي عنده أتمنى منه أنه ينزلها ....وشكرا لكم ..عاد ردوا ولو مع جبتكم
رد: ودعت ناجح من مطار القريات...((قصيده الشراري))
المتناسي
يعطيك العافيه على الرد ..
ولي عــــــــــــوده لتحميل..
لان الجهاز مو جهازي:D :D :D
:||angr|: :||angr|: :||angr|:
((الموضوع قديــــــــــــــــــــم لي بس لقافه حبيت أرفعه :D :D :D ))
ههههههههههه
رد: ودعت ناجح من مطار القريات...((قصيده الشراري))
ابو جهاد الله يعطيك العافيه
رد: ودعت ناجح من مطار القريات...((قصيده الشراري))
***********قصيدة الشراري الاولي*********
ودعت ناجح من مطار القريات
يوم اركبونا الطائرة واشلعتنا
لفت ودارت وامرجت بين لحظات
لولا المحازم الكراسي ضربتنا
طاروا بنا حمر العلابي خواجات
صغر العيون وجيههم هولتنا
تكفى تشهد يافهد واقرا آيات
الموت جانا والظروف اجبرتنا
جانا المضيف وقال وش فيه خدمات
قلت نزلونا بطونا موجعتنا
من قبل أشوف الغيم من دون السموات
واليوم أشوفه يافهد من تحتنا
عزالله إني ماحسبت الحسابات
والا ترى سيارتي موصلتنا
يازين ممشى الأرض لو هي مسافات
لنا بشعيب مجهزين قهوتنا
وش جابني للطائرة والمطارات
والله ماعود ركوبها لو نزلتنا
لو تنفجر قامت تذيع المحطات
رح عاد دور قشنا مع جثثنا
*******
***********رد العنزي عليه************
يامودع ناجح بمطار القريات ** قصتك لو تضحك ترا حيرتنا
ياليت ماقالو ترانا شرارات ** ليت الخوي قال لخويه سكتنا
هذي قبيله تنعرف بالشجاعات ** كلن تقول من القبايل غزتنا
بالطايرة لو مت من عرض من مات ** ولاقلت ان الطايرة خوفتنا
بالطايرة خايف وبالقلب دقات ** قلت العيون اللي تبينا بكتنا
لاتفتخر بالخوف وتسجل ابيات ** ولو انت ماسجلتها ماشمتنا
الناس يابن الناس ترقا درجات ** هذي تجارب وقتنا علمتنا
شف الشجاع اللي رقا بالطويلات ** فوق القمر يحمل علم مملكتنا
سلطان ابن سلمان زبن الونيات ** اللي فعوله بالدول شرفتنا
هذا كلام الوايلي بالاشارات ** يوم الشمالي قصته زعلتنا
والختم صلو بسم رب السموات ** على الرسول المصطفى خاتمتنا
*******
************رد الشراري**********
هذا حديد مايعرف الشجاعات ** ولاهو آدمي وتخوفه مرجلتنا
عنتر بلش بالثور صابه مخافات ** لما سلم من بلشته وسلمتنا
يالوايلي لاتشك مابنا مشكات ** هالاوادم كلها عارفتنا
حنا نحب الضحك بالشعر وابيات ** لو قلت خوف الناس ماصدقتنا
كل ماسمعته بالقصيده دعايات ** لايصيبك شك الطايره خوفتنا
المرجله ماعنا عليها شهادات ** ان ماشريناها تراها شرتنا
لو ندعي بالخوف مزح وخرافات ** والحرب خطه للجيوش اجهلتنا
إذا أنسحب يرجع بقوه وهجمات ** لاين العدو ينحاش من منطقتنا
ون كان سلطان أرتفع للمجرات ** قبله أمريكيا وروسيا سابقتنا
خل المحور بيني وبينك بالذات ** لاتدخل الأمار في سالفتنا
**********************************************
ولكم مني اجمل التحيه
رد: ودعت ناجح من مطار القريات...((قصيده الشراري))
وش جابنـي لطائـره والمطـارات
والله مـا عُـو د ركوبهـا إن نزلتنـا
لو تنفجر قامـت تذيـع المحطـات
رح عـاد دور قشنـا مـع جثثـنـا
صح لسان ابن مطرود
رد: ودعت ناجح من مطار القريات...((قصيده الشراري))
شكرا لكم على ايراد القصيد وصح لسان الشّعار
