ترف
الزين لا من خالطه لين وترف = يجتاح روح المُغرم ويحتلـّها
ما كن قلبي شاف , ماكنّه عرف = إلا العيون الناجلات وظلـّها
بنتٍ لها بأقصى معاليقي غُرف = جابت مفاتيح القلوب بدلـّها
ممنوعه من الصرف والقلب إنصرف = يعرب محاسنها وينعت فـُلـّها
الله عطاها تاج من حسن وشرف = وأنا عطيت البنت روحي كلها
مالوم قلبي لو نظرها وإنحرف = لو ضمّها مية سنه ما ملـّها
من شفتها والشوق مسرف بي سرف = يسوق روحي يمها ويتلـّها
وأنا أرتجي من وابل الغيمه طرف = وإن شح وابلها تجود بطلـّها
والزين لامن خالطه لين وترف = أقصى معاليقي " ترف " تحتلها
عبدالله محمود البلوي
.
تحياتي للجميع
..
.
