ضرب بشار ابن برد العمى حكمه تواسيني=يقول ان الاذن تعشق قبل عشق النظر أحيان
وانااقول العمى مّيت على شوف المزاييني=مع انه جا يواسيني لقيته طايح الأركان
حشا ماقال اناسمعي غنيٍ عن نظر عينـي=وحشاماقال اناقلبي على عذب النغم قنعان
اذا حتى العمى ماقال عذب الصوت يكفيني=اجل ياويش قول اللي خلقه الله بصير اعيان
بصير العين مايقنع على هزج البساتيني=ولايقنع على صوت المطر..والموج..والمرجان
اناوسط الربيع وحالتي حال المساجيني=اجرّ الصوت مع جـــّرة صدى طيرٍ يجرالحان
أبي لوبسّ اشوف اللي سجع زين التلاحيني=ولولمحة سنابرقٍ نهاره يشتعل نيــران
أطير من الفرح واكفخ كماكفخ الشياهيني=واقول اليوم شفت العشب والازهاروالغدران
كفى يابنت اناماكنت اعرف الياس بسنيني=الين اني وصلتك وانطعنت بخنجر الحرمان
مادام اني قطعت الياس من دنيا عناويني= علامك ناويه قطع الرجامن دنية الولهان ؟؟
اجي لك لوتقولين المجره بينك وبينـي =واجي لك لوتقولين اللقافي نجمة الميزان
دخلت السجن من شانك.. ولاعمرك تزوريني=قضى عمري على شانك ..وانابين اربعة جدران
على شوفك يطيب الجرح ياليتك تداويني=دوا خلٍ لقى خله.. جريحٍ..طايحٍ ...ظميــان
ابرمي لك حبل شوقي واقول بساع شديني=قبل لاينفجر قلبٍ يثور بداخله بركــان
متى يوم اللقاكانك على قولك تحبيني ؟؟؟؟=متى يبتلّ ريقي منك يارعادة الامزان؟؟؟؟
اناقاعٍ محل قالت :الا يامزنه اسقيني= عقب صوت الرعد هلّي على قاع المحل هتان
وسلامتـــــــــكم
سعود ابن كايد العصباني البلوي
(( عشير الّطيب ))
ْْ
ّ
