أكيـد كل الناس للناس تحتــــــــــــــــــــــاج
(هذه القصيده من القديم المتجدد )
الله خلق للهم مدخل ومخراج= نفسا رحل منها ونفسا سكنها
من خلقة الدنيا بها ضيق وفراج= كم وزنتا طاحت على من وزنها
الارض تسكنها مخاليق وافواج=احدا سكن فيها واحد شد منها
الارض فيها جبال وتلاع وفجاج= وأهل الضعن تلقى مسالك ضعنها
أكيد كل الناس للناس تحتاج= هذي حوال الناس وان سئل عنها
لويلبس أبن أدم حرائر وديباج= سود الليالي منهو اللي ضمنها
احدا يجيه الوقت غاره وسوهاج= مثل الذلول اللي تلاعب رسنها
واحدا يجيه الوقت صكات ميراج= واحدا توريه الليالي فتنها
والعله اللي مالها طب وعلاج= لقيتها وشميتها من عفنها
علة حسد عله لها ابواب ودراج= لعنتها من ظمن حيا لعنها
الحسد مثل النار يوهج توهاج= عزي للناسا حسدها هو لحنها
صحيح بعض الناس قلبه كما الصاج= والياء لقاله علتا يحتضنها
ضارب طريق الغي والفكر من عاج= ولو تنصحه بعض الحقائد دفنها
يضرب لك الامثال من عصر حجاج= ويفتي فتاوي بالصلاه أوسننها
مايدري انه دج والفكر دجاج= لما يوارى للقبور وكفنها
ضائع عنى ماله مقرا ومنهاج= نفسه على بعض المعاصي رهنها
00 وســـــــــــــلامتكــــــــــــــــــــــم00
