* وين الشيوخ اللي تشن الحروبـي .....؟
قصيده من قديم والدي / الشاعر : رويشد بن عبد الله السميري البلوي
عسى ان تنال رضاكم
..........................
ياماحلا الفنجال قبل الغروبي = فالعصر الاول والمجالس كباره
مجلس فضا ريف لخطاة القلوبي = عيال عم وهرجهم في وقاره
ذباحت الحايل كبار العصوبي = ويقدرون اللي يجيهم زياره
رجالهم لوهو صغيراً ينوبي = يقضي لك اللازم بحسب اقتداره
قلط معاميله ونوع الحبوبي = ومد الفراش وشب ضوالمناره
وقلط لها حماس ماهو لعوبي = يدرى على البن الخضر عن مراره
تفرها يمناه في كل صوبي = ياما تساوى لونها باختياره
وجاب الدلال البيض سمر الجنوبي = بلغودهن تلقى شهود الحراره
تلقى طفيح الهيل فوق العقوبي = من كثر ماتدحل على جال ناره
واستكمل الفنجال من كل نوبي = سوقه على الربع القروم الخياره
سوقه على نزال جنب الدروبي = اللي على الضيفان ساق البشاره
وسوقه على فشاش غيض القلوبي = ياخذ حلال عداه غصب وشطاره
وسقها على اللي بالطلايب ينوبي = يضحك لخصمه لين يمسك فقاره
وباق الملا ماله عليكم عتوبي = قهوه من الثنوى وقلل بهاره
خله يعرف إنه ردي امهزوبي = لاتمدح الانذال مدحك خساره
وخلاف ذا يامنتوين الركوبي = شدو على جمساً وسيع الغماره
ماهزه البطناج وعفن الدروبي = ولا وقفه بالسوق ضو الاشاره
توه جديد ومن حفيز الحروبي = الحربي اللي مشتريهن تجاره
ادفع له القيمه ولا انت مغلوبي = وتر ان سوق الجمس فن ومهاره
إلى تساوى مع اسفلت الجنوبي = وشيم حر ومنصرم من وكاره
يلفي الابو مروان رجل محسوبي = واعز عندي من رجالاً كثاره
هذا الصحيح اللي تكن القلوبي = ماقلتها ياحمود قصدي قماره
ياحمود يامشكاي كثرة ذهوبي = واصبر كما يصبر كسير الجباره
والقلب لونه من حجاراص يذوبي = ذوب الحديد اللي هوا الكير كاره
لا واهني مريحين القلوبي = ماشافو احداث الزمان وغياره
ماشافو اللي للقبايل يلوبي = يوماً من اليمنى ونوباً يساره
وين الشيوخ اللي تشن الحروبي = راحت بهم سود السنين القصاره
الشاعر : رويشد بن عبد الله السميري
رد: * وين الشيوخ اللي تشن الحروبـي .....؟
سلطان السميري
الله يعافيك وصح لسانك
ولسان والدنا جميعا
الشاعر
رويشد السميري
قصيده جزله استمتعنا بها
رد: * وين الشيوخ اللي تشن الحروبـي .....؟
ابن شذيان
اسعدني مرورك
وتقبل تحياتي
رد: * وين الشيوخ اللي تشن الحروبـي .....؟
مقبول الميهوبي
اسعدني مرورك وتسلم
وتقبل تحياتي
رد: * وين الشيوخ اللي تشن الحروبـي .....؟
محمود الجذلي
سلمت اخوي واعدني مرورك
وتقبل تحياتي
رد: * وين الشيوخ اللي تشن الحروبـي .....؟
بندر المساوي
اسعدني مرورك وسلمت
وتقبل تحياتي
