اعطيك موجــــــــز للشاعر حماد بن عوض التلفيه ( رحمه الله)
ياخم قلبي خمت الذيب للشاة=لاراح فيها والعرب مادروبه
اقفى بها سرحان والناس تتلاه=ذيب الخلا محداً ينير دروبه
يامال قلبي اللي على حد ملواه=حد الشفا قامت تلفه هبوبه
تلعب به الارياح يلالي ملالاه=نوبات شرقياً ونوباً جنوبه
يموي كما معلوق مقطوع برشاه=بين السماء والارض نحفت جنوبه
ان صار شياً قلت ان العفولله=كلاً يجازا في سبايب ذنوبه
العبد لنه عال يرجع لموله=يقرب من الرحمه الى حد التوبه
اعطيك موجز للمنافق ودعواه=الي على الجيران عفناً سلوبه
بعماله الي دب الايام تبراه=يم الخلا جعله تلفه لهوبه
فسقان شاوي ماعرف ويش معناه=يعد عيوب الناس وينسى عيوبه
والعيب في جيبه وحثله ويمناه=ومن قد سرواله الى ذيل ثوبه
والبيض يشدن الذهب عند مشراه=شي مغشوش وشي صافي شروبه
فهن كما الفضه نقيه منقاه=وفيهن تنك مربوب سودا جنوبه
وفيهن تخلي جوزها الهم ينشاه=وتسليه لو قلبه همومه تلوبه
خفره هنوفاً مشيها بالمداراه=تدرى قدمها عن طريق العيوبه
وفيهن تخلي جوزها الهم يطلاه=تعاقبه قبل تجيه العقوبه
والعقل راح وجهها باردٍ ماه=مثل الذي يفسخ على الدرب ثوبه
رد: اعطيك موجــــــــز للشاعر حماد بن عوض التلفيه ( رحمه الله)
اقتباس:
المشاركة الأصلية كتبت بواسطة عواد سلامه الرموثي
رحم الله حماد التلفيه وادخله فسيح جناته
جزل المعاني
يعطك العافيه وبارك الله فيك
تحياتي
عبدالكريم مسعود الشنوطي حفيد حماد عوض التلفه رحمه الله
رد: اعطيك موجــــــــز للشاعر حماد بن عوض التلفيه ( رحمه الله)
الله يرحم الشاعر الكبير حماد عوض معوض التلفيه رحمه الله :bka::(
رد: اعطيك موجــــــــز للشاعر حماد بن عوض التلفيه ( رحمه الله)
اقتباس:
المشاركة الأصلية كتبت بواسطة عبد الكريم الشنوطي
الله يرحم الشاعر الكبير حماد عوض معوض التلفيه رحمه الله :bka::(
هلابك عبد الكريم
جزاك الله خير
رد: اعطيك موجــــــــز للشاعر حماد بن عوض التلفيه ( رحمه الله)
رحمك الله ياابو عبدالله ويسكنك فسيح جناته ويدخلك الفردوس:bka:
