قصيده من روائع الشاعر : محمد سالم الميهوبي

محمد سالم الميهوبي
.....

شاعر جزل ومبدع

بالقصيد و بالمحاوره .. اليكم هذه

الرائعه لشاعرنا ..
___________________________

انا لني بغيت ارقد هواجيس الحشاء عين = يقولن المنام لمن مريحٍ دالهن باله
اليا نامت عيون الناس هن قامن وقالن غن = تعلم من زمانٍ درسك شعره ومواله
تعلم والحياه دروس ماتمشي حسب ماتظن = اذا ماتشيل حملك وين تلقى ناس تشتاله
وقلت بجاه ربي ياهجوسٍ بالحشاء تكفن = تلطفن بضميرن درسه وقته وسواله
شرابيك العقود اللي صعيباتن ولا يحلن = يخلن السليم اللي معافا تنبري حاله
مادام بداخلي تلجن اكيد بما جرى تدرن = وتعرفن الحقيقه ويش شمس القلب وظلاله
وقالن نم بمان الله تريح / وقلت أقفن = وخلن من سهر ليله ينام وخاطره داله
بعد ليلٍ طويل يشيّب الجاهل صغير السن = عفن عن من سهر ليله وحيدٍ جالس لحاله
وبغيت ارقد ولا من غيرهن باقي طواري جن = وقالن قم نعلمك الزمان ومعدن رجاله
وجلست وقلت مادام الخبر هذا أسرعن هاتن = علوم الوقت وابغى اعرّف قصديره من رياله
وقالن لا ترافق من ضحك بالوجه ضحكة سن = ضحوك لحاجته واليا أنقضت ماجاك مرساله
ولا ترافق رجل لا جيت جاب علوم هن / وهن = ترى لقفيت ماقاله بهن .. بغيبتك قاله
لترافق غير رجلٍ لا بخصته صافي المعدن = اليا منه برك للحمل زيزومٍ ويشتاله
وسيع المعرفه لو اليالي بينن واخفن = سميح البال طيبه وارثه من سالف أجياله
على هالحال ليل البارحه لين اذن المذن = اراجع صفحة ايامي وهم الوقت واحواله
هذي حالي ماهي ليله ليالي قبلها فاتن = ومن تقصير يمينه ماتفيده مدة اشماله
لكن اجحد واجاحد واتصبر وبحشاي اكن = امورٍ لو بغيت اعدها اقصارات وطواله

الشاعر : محمد سالم الميهوبي

تسلم ابوسالم
وجزل
ولن تنقل إلا الجزل
وطاروق جميل
صح لسانك ولسان كاتبها

ولك مني كل
محبه


عبدالله

وقالن لا ترافق من ضحك بالوجه ضحكة سن

ضحوك لحاجته واليا أنقضت ماجاك مرسالـه

عايد السميري

مشكور على النقل المميز

وصح الله لسان الشاعر

محمد سالم

وتقبل تحياتي

اسلم اسلم
ياعايد
مشكور على النقل
وصح لسان الشاعر الجزل محمد الميهوبي
ننتظر المزيد
.

سلمت لهذاالبوح العذب

وتسلم اناملك علىالنقل

تحيتي

شماليه وفتخر

محمد سالم غني عن التعريف وشكراً لنقل الرائعة

تسلم ياعايد على هاالنقل الجميل والمميز وابو سعد شاعر ولاهناك شك ويستاهل وقصيده رائع ولكم خالص التقدير00

صح اللسانك اخوي عايد

واللسان الشاعر محمد سالم الميهوبي

غني عن التعريف

عايــــد السميري ،،

ألف شكر لك لاتحافنا بهذا الجمال العـــــذب ..

ارويت ذائقتنا شعراً ورب الكعبه ..

صح لسانك ولسان العذب .. محمد الميهوبي

سلمان العرادي