صــــــوتـــ //// وصـــــــدى...

ب1

أقدم بين أيديكم قصيده للشاعر / بندر بن بدر الرشيدي
التي يقدمها للشاعر / عبدالله محمود المعيقلي
وذلك إعتذاراً منه لعدم حضوره حفل زفاف عبدالله محمود
...
وتليها قصيدة الرد من عبدالله محمود المعيقلي
..
أترركم مع عذب الكلام

الوقت جهد وساميات المطاليب=والادمي ماياخذ إلا حصيله
يالله فرجك بساعةٍ طفلها يشيب = ثبّت خطانا يامنجي دخيله
بإحماك تحمينا من الخطل والعيب = ياواحدٍ ماخاب من ينتجي له
بإسمك وفي عونك بديت المكاتيب = آخذ جزيل القاف وأترك هزيله
في مطلب العليا تهون المتاعيب = نوب الجهود .. تحقق المستحيله
سود الليالي شفت منها التعاجيب = إصروفها كيف الفتى ماتجي له
من كف تسقينا قراح المشاريب = والكف الآخر علقمٍ حنظليله
لو أوصّّف وصفها عسر وصعيب = والرابح اللي صار عقله دليله
أدي الفروض وطيب النفس تطييب = وإبعد عن دروب الردى والرذيله
ومن بعد سوق القاف بالمسك والطيب = تحيه تشف النفوس العليله
أبيات أهذبها عن النقد تهذيب = وأشدها بالحرف مع كل شيله
إمرتبات أفكارهن دون ترتيب = وليا تكرر قاف نلقى بديله
تلفي لعبدالله عريب المجاذيب = أنعم وأكرم بالنسب والقبيله
لعلها تلقى قبولٍ وترحيب = إن وصلته في يوم ولا بليله
لايلحقك من يمي الشك والريب = مثلك ولو طال الطريق نعني له
لكن حدنـّي مخلفات المواجيب =حكم القدر مالي بدفعه وسيله
أمره وحكمه لاحكم عالم الغيب = لو حاول الإنسان مافيه حيله
لاناوي أتأخر .. ولا ناوي أغيب = وكلمت للتأكيد قبله بليله
ياللي مجالس مثلكم فخرٍ وطيب = منبع دروس المعرفه والفضيله
ياأهل السيوف المرهفات المحاديب = ياعادلين الوقت وإن جار ميله
أهل الرماح المعطبات المضاريب = أهل الفعول الوافيات الجزيله
تاريخكم .. شمسٍ.. أبت شمسه تغيب = وظلال لا شح الزمن في مقيله
من هاجسٍ له داخل الروح تأنيب = في خافقي ياصعب وزنه وكيله
قدمت عذري يمّكم يالمعازيب = بيّنت فيه العلم .. ياأهل النفيله
والعفو عند أهل الوفا والتراحيب = إمكرمين .. الضيف حزّة نزيله
يطمع به اللي حده الكايد يغيب = حكم القدر ماله بدفعه وسيله

الشاعر/ بندر بن بدر الرشيدي

قصيدة الرد ..

الحكم لله والليالي دواليب = للعمر ودروب المعالي طويله
يالله بأمانك عن حصاد الكلاليب = حين الصراط المستقيم وسبيله
الله كريم ومن طلب غيره يخيب = واحد أحد نسجد له وننحني له
قريب يسمع دعوة العبد ويجيب = آمنت فيه وعزتي له ذليله
من بعدها نجبت الأفكار تنجيب = لبيوت شعرٍ وارفاتٍ ظليله
فن العرب ماهو بحاجه لتعريب = ديوانهم والجاهليه جهيله
الشعر لا من لم ولعه وتدريب = الشاعر أمسك في يديه الجديله
وليا إكتمل عرفٍ وخبره وتجريب = توافقوا مثل الخليل وخليله
سحر البيان يذوّب القلب تذويب = يحرك إحساس الفطن والهبيله
ولا بانت وزانت عليها المساحيب = وفاح القصيد ولاح برق المخيله
تمطر بنات أفكار غيداً رعابيب = ينبت نماهن مثل نبت الفسيله
أبطيت أسامر "ضّو" ماشبه كليب = وهجوس قلبي باللحن تستميله
خمسة ليال أقلب الفكر تقليب = حتى تحدر كل سيل بمسيله
حي الرساله والحروف المناديب = عد القميري والحمام وهديله
وعد الجبال الحُمر هن والغرابيب = وعد الزهور الناميات بخميله
يامرحبا ترحيب مثني بترغيب = تحيا به الأرض اليباس المحيله
حي الحروف المترفات بهناديب = الموفيه حق العميل وعميله
لها القبول الكامل بدون تثريب = مقدارها مقدار من تنتمي له
توقيع بندر والتراحيب للذيب = والنعم في بندر ومنهو سليله
أهل المواقف بالظروف اللواهيب = على الوفا ياكاسبين الجميله
الأوله ماصابني فيك تكذيب = مصّدق ومن غاب عذره كفيله
والثانيه مابين الأخوه معاتيب = أنت أول اللي ساق بنه وهيله
والثالثه والطيب فالطيّب يثيب = خذ بنه وهيله على زنجبيله
عذرك على عيني وللخط تعقيب = والمعتذر بعد العذر وش يبيله
له مني أرفع رايته بالمراقيب = ويمنى تخط بيوت ماهي بخيله
كلك وفا يامركب القاف تركيب = منك الكلام وخذ كلاماً مثيله
بيوت مافيهن عيوب وعذاريب = تاقاك عن درب الخجل والفشيله
لو كان ودي في حظور الأصاحيب = الطيبين أهل القلوب الأصيله
لكنها أقدراً من القادر تصيب = والمومن يشيل الحمول الثقيله
وغيابكم ماشعب الحفل تشعيب = ولافـَرق بين الحليل وحليله
والمعرفه ربح العرب والمكاسيب = والرجل من ينقى رجاجيل جيله
أهل المواقف بالليال الشلاهيب = الصادقين أهل الفعول النبيله
ولاضاق صدرك وأتعبتك المناشيب = إزبن على اللي كل همٍ يزيله
هذا وأنا موجز على غير تطنيب = والقيل يكفي عن كثيره قليله
أبني عظم .. وأزيد فالبني تشطيب = من البيوت الشامخات الجليله
تمت ودورات الليالي دواليب = للعمر ودروب المعالي طويله

عبدالله محمود الجحرش

....
تحياتي ... رضا محمود الجـــ ح ــــرش ....

حضور أول ..
و لي عودة للقراءة و الاستمتاع بهذه العذوبة و هذه الروائع .

أبو نادر ..

بإنتظار عودتك
.
تحياتي

رضــا الجحرش ،،

أعجبني الصوت .. وأسرني الصــــــــدى

لك القلب على هذهـ المعاني التي أتحفتنا بها

أطيب المُــنــى ،،

سلمان العرادي

سلمان ..

أعجــــبـــني .. وأســــرني .. مرورك ..

..

تقبل تحياتي
.

رضـــــــــــــ الجـ ح ــــرش ـــــــــــــا

محمود
كل ماتقدمه جزل
صح لسانك ولسان الشاعرين
المعيقلي والرشيدي

ولك كل موده

عبدالله

عبدالله سليمان الوحيشي ..

صح ذاتك .. مرورك رائع
.
تقبل خالص مودتي
..

الجــــــــــــ ح ــــــــــــرش

أبداع من الشاعر بندر بن بدر الرشيدي
وتميز من شاعرنا الغالي
عبدالله محمود الجحرش
والله كلام عذب وكلام ينطلق من لسان وبرهانه يكتب في البنان
أسال الله ان يوفق شاعرنا
أبو محمود
وتقبل محبتي
رضا الجحرش تقبل مودتي

تسلم على امتاعنا بالرائعتين ... وصح لسان شاعريها

دمت بخير يا رضا ويعطيك العافيه

صوت
واعتذار رائع

وصدى

اروع لشاعرنا الغالي : عبد الله محمود

رضاء

شكراً لك

فعلاً عــــــــــــذب الكـــــلام
ويعطـــــــــــيك العافـــــــــــيه

صح لسان الشاعرين على هذهـ الروائع

رضا

كل الشكر لك يالغلا

تحياااتي

محمد الرموثي,,,

رضـــــــا ..

سلمت يمينك .. والله يعطيك العافية ..

صوت رائع .. وصدى مميز ..

لك خالص الشكر ..

ولا تحرمنا من طرح مثل هذا لابداع للغالي عبدالله ..

.

لك كلي

.

=الشاعر رضاء محمود الجحرش=اولاّ اعتذر عن تقصيري معك\ ثانياّ - لك الشكر الجزيل على ماامتعتنا به في تلك القصيدتين وافدتنا والشكرموصول للشاعرين وانت لاعدمناك\

=محبك اخوك= ابو سامي

=الشاعر رضاء محمود الجحرش الف شكر على تلك القصيدتين ولي عوده اخرى تقبل مروري دمت بخير=


=محبك ابو سامي

نواف ..

مودتك مقبوله
ومرورك رائع
..
لاعدمناك
..

إبن رويحل
..
عافاك ربي
.
صح بدنك
..
تحياتي لذاتك

عايد السميري
..

ومرور أروع وأروع وأروع
..
تحياتي لك

اخي رضا الجحرش
صح لسان الشاعرين وهذه الروائع والاعتذار المقبول 00 فسلمت على النقل وبارك الله بك

رضا الجرش

صح لسان الشاعرين

نصين قمه

وتقبل تحياتي

الفــــــــــــــواز
..
مرورك زاد للنصين عذوبه

..
تحياتي لك
,,
رضـــــا

محمد الرموثي
.
صح بدنك .. ومرورك شرف
..
تحيـــــاتيــ لكــ

محمود ..
الإبداع حضورك بحد ذاته
..

لاتحرمنا من طلتك
..

أخوي وحبيبي أبو سامي
أبد مامنك قصور
..
كلك وفا
.
أسعدني حضورك
..
لك مودتي

أبو عاطف .
مرورك أسعدني .. وشرفني
لك.. مودتي .. ياغالي
..
الجحرش

سلطان السميري ..
مرورك أسعدني ..
..
تحياتي لك ..

الاخ:
,.,رضــــــــــــا,.,

يعطيك العافيه,,
وصح لسان الشاعرين,,



,

الحقيقه ان للجزاله شعارها

وعبدالله محمود سيد من اسياد الشعر بدون مجامله

يعرف كيف يخرج البيت ويعرف كيف يدخل على البيت

صوت وصدى في قمة الروعه


رضا لك كل الشكر على نقل هذة الروائع وهذا يدل على قمة الذوق

لك خاص تحياتي