ياخادم البيتين يا درع الاسلام ( الى الملك عبدالله بن عبدالعزيز آل سعود ) حفظه الله

قصيدة نظمتها في خادم الحرمين الشريفين الملك عبدالله بن عبدالعزيز آل سعود حفظه الله ورعاه ..
وقد نشرت هذا اليوم في صفحة ( في وهجير ) بجريدة اليوم ..

ابدى بذكر الخالق مكون الكون= الاول والآخر ذو الجلالي والاكرام
الخالق الدايم وخلقه بيفنون= الدايم الخلاق والخلق ما دام
عالم خفايا الخلق واللي يكنون = سبحانه اللي للخفيات علام
وبعد الذكر للقاف مبدى وقانون= وللشعر شعار ونقاد واعلام
وللشعر قيفان وطواريق والحون= والشعر فن وذوق وابداع والهام
وانا لعسف القاف عاشق ومفتون= خص ليا صار الهدف عالي سام
سلام مني والوفا فيه مكنون= يا خادم البيتين يا درع الاسلام
اعداد ما تنشي وما تبرق امزون =يمطر مطرها والرعد يرزم ارزام
واعداد ناس للمشاعر يزورون= واعداد من صلى الفرايض ومن صام
يالحاكم اللي بحكمك العدل مضمون= يا الصارم الصاطي على الكود جزام
انت الذي اتطوع الصعب ويهون= لا عمّست لريا وصرّن الاقلام
وانت الذي اعداك منك يهابون= حتى ولو شافوك في طيف الاحلام
دستورك القرآن والسيف مسنون= سيف شطير للمعادين لطام
وانت الذي لافعالك الشعب يثنون= وانت الذي خيرك شمل كل الانام
وانت الذي سددت عن كل مديون= وانت الذي كفلت حاجات الايتام
وانت الذي عفيت عن كل مسجون= وانت الذي فرجت عن كل منضام
وانت الذي وظفت ناس يعانون = قل الوظايف والدهر فوقهم ضام
وانت الذي سكنت ناس يعيشون= بلا مساكن يستظلون بخيام
عهد الولاء شعبك عليه يتواصون= جيل ورا جيل وعام بعد عام
سمعتهم في كل فج يحيون= عاش المليك ابن المليك ابن الامام
وحصلتهم في كل مجلس يباهون= بفعل الكريم ابن الكريم ابن الاكرام
وصاروا على اسمك يابو متعب يسمون= واسمك على من يحمله تاج ووسام
وشاهدتهم في حي يشيلون = بيارق التوحيد رايات واعلام
وسمعتهم في كل صوب ينادون= تعيش السعوديه وآل سعود حكام
يا سيدي بامرك ترى الشعب مرهون= رهن الاشاره لك جنود من شمام
شعبك جنود للخطر ما يبالون = بواسل تاطا المنايا بالاقدام
اليا زهمت لواحد جاك مليون= مليون ضرغام على الموت مقدام
بامرك يابو متعب على الحرب يمشون= لو في الطريق اجيوش واسياج والغام
لا دقت اجراس الخطر ما يهوزون= ضرب الركد ما فيه تضليل واوهام
وتكفى يابو متعب على حرب صهيون= اعلن ترى حنا معاطيش واحيام
نبي ندك اعلوج واوكار واحصون= آكالة الخنزير عباد الاصنام
ونحرر الاقصى من الذل والهون = بفعل تخلده الليالي والايام
فعل يعز اللي على الذل مغبون= شعب تجرع علقم الذال واللام
اخواننا في كل يوم يهانون= ذاقوا عذاب ابشع اساليب الاجرام
واخواننا في كل يوم يبادون = بظلم وتفجير وتدمير واعدام
ولا غير ابو متعب من الخلق ينخون= ليث الشهامه والشجاعه والاقدام
وفي نخوتك يا سيدي ما يلامون= يا خادم البيتين يا درع الاسلام

بصوتي

الرائع خليل بن هدلان
..
صح كلك .. قصيده رائعه في شخص نحبه ونغليه
..
تقبل مروري المتواضع
..

رضا البلوي

الشيخ / خليل بن هدلان

http://www.bluwe.com/bluwesgnature/traheb/3.gif


والله انك مبدع بمعنى الكلمه

صح لسانك وسلم بنانك

والى المزيد من الدرر

تحياتي

الشاعر /خليل بن هدلان

صح لسانك يالمبدع ..قصيدة جزله
كالعادة ودائما ..درر وحكم من قصائدك

تسلم ويسلم تفكيرك

اخوك

صح لسانك

لا هنت أخي الغالي

الشاعر /خليل بن هدلان

صح لسانك والله يطول بعمرك

ويستاهل ابو متعب الله يطول بعمره ذخر للاسلام ثم الوطن يارب

الشاعر
خليل بن هدلان

صح لسانك وسلم بنانك

ويستاهل ابو متعب الله يطول بعمره ذخر للاسلام ثم الوطن يارب

سجل اعجابي
ومتابعتي لكل ماتكتب

عبدالله الوحيشي

ابن هدلان
صح لسانك والله انها قصيده غاليه من شخص غالي وفي شخص غالي له مكانه في قلوب الشعب والعرب 00 صح لسانك مليون ودمت بهذا الحضور ولك الموده

خليل بن هدلان ،،

صح لسانك وعلى شأنك ..

أطربت ناظرنا بقرائتها أيها العذب

أطيب المُــنــى ،،

سلمان العرادي

أإأإأإأســـــلم ... أإأإأإســـــلم
قصيدهـ.. روعــــة..وشــــاعرهـا.. أإأإأإروعـ..

صحـ..لسانكـ.
خليلـ. بنـ. هدلانـ.
.

الشاعر /خليل بن هدلان

صح لسانك والله يعطيك العافية على هالقصيدة الجزله..


ودمت في خير وعافيه

هنا

الشعر /

هنا

الابداع ...

هنا ..

وبطريقتي الخاصه

احببت ان ارحب بضيفنا .. الشاعر : خليل بن هدلان

وارجو المعذره

اذا كان بالقول نقصان .

عداد ما دندن رعد غر الامزان = واعداد مادارن دولايب الأفلاك
واعداد ما داعب ثرى البيد هتان = يامرحبا / حياك / حياك / حياك
اقولها لك .. ياخليل بن هدلان = حياك من ممشاك .. وارحب بملفاك
يامرحبا بك بين صدقان واخوان = اقلط ( هلا ) ياجعلنا نكسب رضاك
عاداتنا ياطيب الساس من كان = نفرح بشوف الكفو .. ( يالكفو) .. شرواك
واخر كلامي ياخليل بن هدلان = ( يامرحبا / حياك / حياك / حياك )

* عايد السميري

خليل بن هدلان ,,


,

هكذا يكون حضور الكبار ..

وهكذا يكون قدوم الابداع

,

واهلاً بك .. هنا ..

,

مصافحة اولى للترحيب ..

,

ولن تكون الاخيرة ..

,

خليل بن هدلان

صح لسانك عدد بلا مدد

قصيده جزله

ويستاهل أبو متعب المدح كله

الله يخليه لنا ذخر ويطول بعمره

تحياتي لك

http://www.alamuae.com/gallery/data/media/123/0464.gif

الشاعر / خليل بن هدلان
صح اللسانك ولاهنت
قصيدة رائعة وقوية

http://reemah999.jeeran.com/.gifيعطيك.gif

مع تمنياتي لكم بدوام الصحة والتوفيق

http://www.alamuae.com/gallery/data/media/123/0465.gif

\\\الشاعر الكبير خليل ابن هدلان\\ صح السانك قصيده جميله ويستاهل من كتبها به


\\اخووك حمود البلوي \\

خليل بن هدلان

يالله حيه ,,

صح لسانك يالذيب ,,

جزله من جزل ,,

للمره الثانيه بعد ديوان العرب اقرائها ولكن !!

كل مره ارها تزداد بالجمال ,,

دمت في شموخ ,,

محبتي ,,

أسعد السحيمي

رضا محمود

صح بدنك

مرورك شرف

تحياتي