الحلقه الثانيه من( عودة الاصدقاء)

بسم الله الرحمن الرحيم
السلام عليكم ورحمة الله وبركاته

هذا المسلسل برعاية مزارع قرية ابوراكه
للتمور والفواكه

7

7
فاصل أعلاني
طفل يتمرمط من الجوع والاب يقول للام
عوذا انتي يا مره ليه ما تسكتين عيلنا اللي من
كثر الوقيق أنرقع حلقه
الام وهي تمكشر وجهها والعيل يتبرعص بين
ايديها قالت : والعيل كيف ودك اياه يسكت وهو من طلعتكم انت وياه لبو راكه
صام عن الاكل جلييل السعوف ذبحه الجوع وغدا مثل القشل
الاب : واكوبتي والسيريلاك اللي ملي المطبخ أدسينه ألمن ليه
ما تعطينه أياه
الام ومازال العيل يتقلب بين ايديها من الجوع
يابن الحلال العيل ما حولك عيل وده من تمرة الحلوه
والبرنيه اللي من نخل ابو راكه
الاب : يا عوينننننني من عويل
واثرته قرمان وده تمر ابو راكه
يا وليدي كلنا قرمانين لتمر ابوراكه وفواكها
مير مشينا وانا ابوك لمزارع ابو راكه
الام : الحين غير انتم خرمانين تمر .. حتى انا قرمانه لتمر
ابو راكه
وتشد العائله رحالها متجهه لمزارع ابو راكه وهي
فرحه سعيده وهي تجر الهجيني :
في قرية ابو راكه ...... أجود أنواع التمور والفواكه
بس خلااااص
أنتهى الفاصل الاعلاني


والان يحلو لنا متابعة الحلقه الثانيه
مسلسل ( عودة الاصدقاء )



مقدمة المسلسل


انا البارحه ساهرتن عيونـــي*** ياليت الغضي سهري عيني قريبه
تهيضتي وبديتي صافي لحوني*** ولا رضت العين ترقد غصيبــــــه
الا ياهل الحبي لاتزعلونـــــــــي*** مقاسيمي والكلِ يطرد نصيبـه
صوت مسجل يلعلع من سيارة زيدان وفايز ومعيض وواحد متمغط بالحوض ومتقوبع له
فروه ويوم وقفت السياره وهم يتطابحون ويركضون نحو سالم بن عيد وقوقل
اللي كانوا منهكين من وطيس المعركه اللي دارت بينهم
زيدان : عساكم طيبين
رشيد : مهنا خلاف طيبين كلها طقشه بالرفرف
معيض : الحمد لله على السلامه يوم سلموا اهلها الحديد بذلوفه
سالم : وين بذلوفه .... أأأه واغبني من غبنك يا قوقل انا ما سددت قيمة موتري الى هالحين
زيدان : يابن الحلال ... عاااااادي عاااادي .. ترا عندنا بتبوك
حوااااادث كثيره .... حادثكم هاذا.... ولا شي معه بين كل لحظه واختها
والاسعاف متعدي مشغل السفتي له وطيط
قوقل : فاتح فمه ويسأل رشيد : رشيد رشيد هو وشو يقول وشو يعني سفتي
وشو يعني حادث وشو الاسعاف ولحظه واختها منهن بناته
رشيد متكي على كبوت السياره وحاط يده على خده وقال: يا قوقل
زيدان ما حولك زيدان جلس بتبوك له اسبوع وتفندى الاخ
وجاي يرطن علينا يا اخوي يا زيدان اهرج مثل هرجك يوم انك كنت عندنا وعلمنا
وشو السفتي
زيدان : اسمع يارشيد والهرج لك يا قوقل الاسعاف >> سياره بيضا
طويله هي مثل شاحنة الحماليه بس أنها كلها صندوق واحد ومركب على
تندتها قطعة لمبات اشكال والوان لهن مغامزه يوم يضونهن
وبها حاجه كذه..... كيف اوصفها ....كيف اوصفها ياربي ..... يعني زي
ما نقول عندنا بتبوك تشبه القمع .....ياربي شسمه...... ياربي شسمه عندكم
ياالبدو ......أيه.. هذاك اللي لما تعبون الخزانات على ظهور الجمال تستخدمونه
رشيد: وايتمي أنت ودك اللي يحطونه بالروي حقت الما
زيدان : أيوه.... أيوه ....شسمه ....ياشيخ ذاك ؟؟؟؟
رشيد : أسمه( المحقاااااان) ما يمديك نسيته وانت الى امس تصمل على
الزمل
سالم: انتم ما ودكم تريحونا من هالنشايد وتعلمنا بخوياك يا زيدان
اللي معك
زيدان : أيه فعلاً فعلاً نسيت لا أعرفكم على الاساتذه اللي معي
ويشر على معيض هذا رئيس نادي دمج لكورة القدم ويدور له لعيبه
يضمهم لناديه ووصفتكم له وجاي يشوف لعبكم يارشيد انت وقوقل بعد مدحي لكم عنده
وهذاك ويشر على فايز ابن رويحل دكتور الفريق والمسؤول عن
الكشف الطبي
سالم : هذول واعرفناهم لكن هذاااااك اللي بالحوض متمدد
منهو
معيض : يا اخوان رجائن بدون أزعاج هذا زميلي الرقيقيص المسؤول
عن أعاشة النادي وصايبته التخمه من عقب مبارة فريقنا بلبنان طاح بالتبوله والكبه النيه
ومن بعدها مهو نصيح
ومطلعه معي الديره غديه مع المطاب والمطانيج يطيب من هالعله
اللي صايبته هالايام
رشيد : هههههه اسمع ياقوقل يقول المطاب والمطانيج
تطيب خويه أنا أول مره أسمع هالكلام لا بالله ما تطيبه تدوخه مار ألحق على خويك وصحه ودور له قشوع بعيثران وجعده وعطه اياهن تراهن عن وجع الكبد
ما ينعلم بهن
معيض : يااخوي هذا ماهو متعود على هالعلاجات الي انت توصفها
هذا من يوم طلع وهو بتبوك ولا يتعالج غير بزنتاك وديسفلاتيل
مايتريح غير عليهن
سالم : يوم انه ما يعرف لقشوعنا ولا يقدر يلهمها سوو له شاهي
ومصوها به
معيض : فعلا مثل ما قلت بس أنت سوي الشاي وانا والدكتور
فايز نبغى نجري الكشف الطبي على رشيد وقوقل و نشوف لياقتهم
ومهارتهم اللي أزعجنا فيهازيدان
هنا سالم قال : انتم صحوا خويكم وتقهووا وبعدين شوفوا لعيبتكم

بريني أظن ان ما خسارة غير مشواركم من شاف اكششهم الطايره
ما احترى عندهم اللعب وجيهم مهي وجيه لعيبة كوره
ونزل سالم عزبته وشب ناره وحكربرادي شاي مقوصم يهبل
وزيدان مرتكي ويطالع في خطوات عمل الشاي بأستغراب واضح
وقال : تصدق يا قوقل أن عندنا بتبوك شاهينا فرق عن شاهيكم
قوقل : ههههههه ويزهم على رشيد تعال تعال واسمع زيدان وش يقول
رشيد : هاه وش عنده
قوقل : زيدان يقول أن شاهيهم مهو مثل شاهينا
رشيد : كيف يااخوي شاهيكم يفرق عن شاهينا

زيدان : أصلاً أحنا عندنا بتبوك الشاهي لما يحطونه بالبرادي مهو مثلكم يحطونه
بايديهم
قوقل : هاه اجل كيف !!!!
زيدان : يحطونه بخريطات مربوطه بحبل صغير وبطرفه كريتينات صفر
وطعمه يجنن و يهبل
رشيد وقوقل يطيحون على ظهورهم من شدة الضحك أي والله
خرايط
وهنا أحرندب زيدان فلاحظه سالم فقال : اللي يضحكم وش ؟
أنتم وش عرفكم باللبتون !!!! خلصونا تقهوو وانهجوا
عنا بسرعه ماطول رئيس النادي معيض
هو والدكتور فايز لاهين عنكم بخويهم
أشوفه من عقب البعيثران بس يحدر
ويسند مع هالتلعه
وبعد مده من الزمن حضروا معيض والدكتور فايز ومسؤل التغذيه
الرقيقيص وطلب رئيس النادي من قوقل ورشيد أن يستعرضوا مهاراتهم
بعد أن أعطاهم الملابس الرياضيه فراحوا ورا الجيب يغيرون ملابسهم
ولما حضروا ولن رشيد مطقم بالفانيله الرياضيه وسرواله الابيض العادي
وتارك الشورت الرياضي يقول ما يقدر يركض به
أما قوقل مطقم باللبس الرياضي وتارك البوت يقول ما يعرف
يلعب الا وهو حفيان
طبعا رئيس النادي الا هو معيض ما يدري وين يقرط روحه
هو يقنع رشيد بلبس الشورت ولا يقنع قوقل بلبس البوت
ولا يركض هو والدكتور يم خويهم مسؤل التغذيه
اللي جادته بيضا مقفي مقبل مع هالتلعه
وبعد جدال وعتب مع زيدان بشأن اللعيبه قال زيدان : عطهم فرصه
اللبس مهو مشكله يتعودون عليه بالنادي انا كنت اول مثلهم والحين
ما اعرف العب الا وانا كاشخ بــطقم ديداس كامل لكن عطهم فرصه
وبعدين احكم عليهم
وهنا احضر معيض الكوره وطلب .........
فتفاجأ..................
فطش عقاله ..........................................
فأستغرب الدكتور فايز .................
فقال مسؤل التغذيه ................. كانت هذه مقتطفات
من أحداث الحلقه الثالثه
وووبس خلاص



هذا المسلسل برعاية

مزارع قرية ابو راكه لتمور والفواكه


يتبع أن جاز لكم المسلسل




واحداث هذا المسلسل وشخوصه أبدن لا تمت

للحقيقه بصله وهو من وحي خيال الكاتب


أخوكم أوسكار الهرفي

يعطيك العافية

أخوي اوسكــــــــــــار الهرفي

على هذا الابداع المتميز

وننتظر منك المزيد

وتقبل تحياتي

اوسكااااااااااااار
ابداع في ابداع
( طبيب النادي دكتور فايز )
( رئيس النادي معيض )
( مسئول اعاشة النادي الرقيقيص )
(اما رشيد وقوقل صدقني رايح يبدعون وخاصة قوقل اذا لعب وهو حااااااااااااااااااااافي

)

أوسكار واصل الآبداع

فاأنت تستحق المتابعه والتصفيق

الى الآمام يامبدع

زيدان : يحطونه بخريطات مربوطه بحبل صغير وبطرفه كريتينات صفر
وطعمه يجنن و يهبل




مبدع أبداع جميل أخي الغالي أوسكار
مسلسل روعه

سالم : يوم انه ما يعرف لقشوعنا ولا يقدر يلهمها سوو له شاهي
ومصوها به 0000سلمت مبدعآ متميزآ فسر فنحن معك الى الامام يافتى عروس التمور (ابــــــــــــــو راكه) -بس قل لقوقل اذا شفته بالحلقه الثالثه يفتح عيونه زين لايصدم السيارات دوبه منشغل بهلاغبر المسجل يحط شريط ويطلع شريط ماهو يم الطريق

الكشف الطبي
سالم : هذول واعرفناهم لكن هذاااااك اللي بالحوض متمدد
منهو اhttp://www.9q9q.org/index.php?image=n3C573NoLpLK1Zلله يعطيك العافيه اوسكار

الله يعطيك العافيه يا اسكار بس يا اخوي ترى سالم لعيب كوره بس يستحي قليل الصبوح دور له شورت طويل

اوسكار الهرفي

يعطيك ألف عافية يابعدي ..

والله ودي اقول لك مبدع فانها لا تناسبك بل انت الابداع بحد ذاته ..

وشكراً لك على الدعاية عن تمور ابوراكه والمرة الجاية اذا ارتفع سعر التمر

راح اعطيك الف نيرة من قيمة التمر ..

ودمت بخير وعافيه

اوسكار

حقيقه ابدعت واجدت في حلقات هذا المسلسل واخشى ان لا يتحول الى
عودة عصويد ..الشهير ..

المهم ..

زيدان وقوقل ورشيد

لا توصي حريص فيهم اصبر كم شهر وتلقاهم يلعبون في سنغافوره طبعا

يلعبون (شيزة ) ..........

.......

يعطيك العافيه وفالك الاوسكار الذهبي

[center][size="4"]اوسكار

وهنا احضر معيض الكوره وطلب .........
فتفاجأ..................
فطش عقاله ..........................................
فأستغرب الدكتور فايز .................
فقال مسؤل التغذيه ................. كانت هذه مقتطفات
من أحداث الحلقه الثالثه

لا تطول علينا

الا على فكرة مين المدرب ( واحد يدور له على شغل )

http://www.alamuae.com/gallery/data/media/123/0464.gif

أخي // أوسكار الهرفي

قمة في الأبداع دائماً
وكتاباتك متابعة من قبل الجميع وممتعة جداً و نحن بأنتضار البقية

اقتباس:

---

ولن رشيد مطقم بالفانيله الرياضيه وسرواله الابيض العادي
وتارك الشورت الرياضي

---

:D

اقتباس:

---

أما قوقل مطقم باللبس الرياضي وتارك البوت يقول ما يعرف
يلعب الا وهو حفيان

---

:D

اقتباس:

---

قال زيدان : انا كنت اول مثلهم والحين
ما اعرف العب الا وانا كاشخ بــطقم ديداس كامل

---

:D
الصراحه فريق تحفه وأتوقع أن رشيد وقوقل
سوف يمتعونا بلعبهم بس عاد لو يطقموا مثل تطقيمة زيدان
بالديداس يوم انه بتبوك.....:D ....بيصير اللعب أجمل
أوسكار متابعين لك للأخر

خخخخخخخخخخخ

<< السالفة بكوم والدعاية بكوم

شكلك متاثر بالتلفزيون السعودي

.

اوسكار ..

الله عليك بس .

واما ابو عايش مسؤؤل تغذية ..:eek:

عادل الهرفي

تميزي هو مرورك الكريم
والابداع يتجلى بتواجدك انت وبقية الاعضاء
شاكر لك هذه الكلمات ودمت بخير






قوقل


من ناحية انكم بتبدعون انت ورشيد فبتبدعون
بس انتظر الحلقه الثالثه وشف سعركم كم يوصل عندما
تلعبون لابسين لكم بياتين
وشاكر لك هذه المتابعه والتعليق الجميل








شاهين النوايف


متابعتك هي ما اطمح إليه
واشادتك شهاده اعتز بها
دمت بخير وعافيه

نواف عواد البلوي

جميل منك هذا المرور
والاجمل منه هو تعليقك الرائع
دمت بخير وعافيه





سالم عيد الهرفي


شاكر لك هذا المرور الكريم
والتعليق الاكثر من رائع
دمت سالما وبخير






ابو عادل الهرفي

تعليقك ومرورك محل تقديري
واحترامي دمت بخير وعافيه

مفلح ناصر الهرفي

الله يعافيك ويبارك فيك

بالنسبه لسالم فانا داري عنه انه لعيب
كوره ماردونا في زماناتوه وادري بعد عنك انك حريف بلوت
بمشب السليمانيه



سعود الهرفي

اولا ابارك لك بمناسبة الخطوبه
واشكر لك مرورك وتعليقك الجميل
ودمت بخير








معيض الرموثي


الله يعافيك ويسلمك
كلماتك واشادتك اعتز بها ايما اعتزاز
وفالك الصفقه الناجحه باللاعبين الفلته
زيدان ورشيد وقوقل






البلدوزر



حزم حقايبك وخلك على ركبه ونص وانتظر الحلقه الثالثه

وترى ما يسرك

شكرا لك ولمرورك الكريم




الفواز


ابداعي الحقيقي هو بتواجدك انت وبقية الاعضاء
وتعليقك هو الاجمل
دمت فائزاً بكل خير





محمد بن سالم البلوي

شاكر لك هذه المتابعه
وهذا التعليق المرح
طابت اوقاتك بكل خير





محمود الجذلي

يا اخي على وقتنا كان ما في غير
التلفزيون السعودي نتأثر فيه
الله يذكر مسلسل استراحة مرزوق
وسمعه بالخير كنت هاك الوقت جذيع ما يسرحونه
بالبهم من يوم اسمع ربابة سمعه وهو يقول أستراااحة
مرزووووووق وسمعه .... أتقدم وساااااايل الراااحه
وانا نقزت لو اني بسابع نومه واذا بدا المسلسل ماارمش حتى
الارماش لو يقطعون من لحمي ما أزحط ما حط شبر
عن محلي


محمود شاكر لك مرورك ودمت بخير

ادري جايه بالوقت الضايع هاها هاها

يعطيك العافية يا اوسكار ونتمنى المزيد من المسلسلات الشيقة

الاعصار

الاعصار
يسعدني تواجدك وان تكون اول اطلاله لك هنا
ومرحبا بك بين اخوانك في بلي وننتظر منك
اعصارا يجلب معه كل مفيد لهذا المنتدى
وشكرا لك
الشامخه
؟؟؟؟؟؟؟؟؟؟؟؟؟؟