يازين لك بالقلب مسكن ومنزل === وسط الحشا مسكنك ياروح روحي
يانور عيني منك ماوالله امل === مامل من رويا الحبيب المزوحي
واليوم تفاجئني تقول السفر حل === ادعيت دمعي فوق خدي سفوحي
ليه السفر تنويه والقلب معتل == ضمد اجروح القلب ليزيد نوحي
والله اذا سافرت ماكون لك خل === أنسى غرامك لو تزايد اجروحي
لأني ترجيتك حبيبي تمهل === وتعبت وانا اقول لك لاتروحي
لاشك اشوف انك مصمم بترحل === وشفيك ياخلي نويت النزوحي
ماكان هذا حبنا ليه تبخل === اجلس ساعات انكان تكسب سموحي
حاسب ظميرك قبل بالهرج مازل=== قبل ماوادع وهجرك بالنزوحي
وعرف ترى أخطائك عندي تسجل=== صعب القرار الى التخذته ابلوحي
لنك تقول امر علي وتدلل === ماتطلبه انفذه انت روحي
واليوم قلت اجلس ساعات وتمهل == وتقول ماتقدر وظرفك شحوحي
واخر كلام اقول لك لاتعجل === فكر بهذا الأمر ان كنت توحي
ولكم مني اجمل تحيه.
