قصيدة :يامن يخــبرني عن اهداف بابطـــين

اعزائي اقدم لكم هذه المتواضعه على عجل عسى ان تنال شي من ذائقتكم
يامن يخبرني عن اهداف بابطين=الشركه اللي تو ظاهر خبرها
اسمع بها ماشفتها شوف بالعين=اسمع ولاادري وين موطن اديرها
الاسم غربي والله اعلم من الصين=والشكر لله مير محدن شكرها
ابنشد اللي بالتفاصيل دارين=يعطي حقائقها ويكشف اسررها
ويخبر اللي ينشده وين ومنين=والسالفه لوطولت يختصرها
اصحابنا اللي بالموشر فهيمين=محللين النقطه اللي كسرها
وين انت ياشاكر وراع البعارين=وين انت ياعواد لاتحتضرها
وين انت يالقعقاع عطنا المضامين=وضح لنا امانها من خطرها
وين السميري لايحط العناوين=لانه من اللي كلمته نعتبرها
يمكن ولايمكن تراها تخامين=احدن تقفاها واحد في ظهرها
نبغاء الكلام اللي عليه البراهين=ذمه وامانه والعرب تنتظرها
نبغاء نصائح من هل العرف والدين=نصائحا باللازمه نفتكرها
كثروا علينا مطففين الموازين=ناسا ادمرها وناس اتعمرها
المرجفين الخائنين الخفيفين=هذا ينوخها وهذا نحرها
وهذا يدحرجها على ايسار ويمين=وهذا يقطع لحمها مع وبرها
والمشكله كان انها فرع للجين=ياثقل طينتها على من سبرها
تكفون ضعنا بين بكره وبعدين=والعين عافت نومها من سهرها
دون المكاسب ليتنا نسدد الدين=رحنا بها ان كان ماالله سترها
وان روحت عدنا لهاك البعارين=نجلب صعوبتها ونحلب ادررها
سفائن الصحراء اركاب السلاطين=الله في اكتابه وصفها وذكرها
البل عطايا الله طوال الذراعين=ماهمها زين ارضها من وعرها
راضين بأمر مكون الكون راضين=علام مافي برها وابحرها
00 0 وسلامــــــــــــــــــــــتكم000

شاعرنا الكبير
البابطين سهم جديد في السوق
مؤشراته مالها مصداقيه
عنده كم نسبه بس المخاطره فيه عاليه شوي
مع العلم ان سوقنا مايحكمه شي

ابوعاطف
مالومك والله يعين الخسرانين

كثروا علينـا مطففيـن الموازيـن=ناسـا ادمرهـا ونـاس اتعمرهـا

صدقت صح لسانك
ولواني من اهل السوق
قدمت لك كل التوصيات الطيبه بس؟؟؟؟؟؟؟؟؟؟؟
ولاعدمنا وجودك

عبدالله

هذا ماعند أهل الدين والله أعلم ,,,,,,,,,,,,,

حكم الاكتتاب في شركة البابطين للطاقة والاتصالات

سؤال رقم118
ما حكم الاكتتاب في شركة البابطين للطاقة والاتصالات؟
http://69.20.50.243/shubily/split.jpg
الجواب
الحمد لله والصلاة والسلام على رسول الله، أما بعد:

فإن نشاط هذه الشركة في تصنيع أبراج الاتصالات والكهرباء وأعمدة الإنارة وغيرها. ووفقاً لنشرة الإصدار فإن الشركة قامت بتحويل اتفاقيات التمويل بينها وبين البنوك إلى اتفاقيات موافقة للشريعة إلا أنه لا يزال لديها بعض الودائع والقروض السابقة التي لم تتخلص منها إلى الآن. وبلغت الفوائد المستحقة على تلك القروض خلال هذه السنة حوالي (8) ملايين ريال، أي ما يقارب ( 2%) من مجموع مصروفاتها البالغة (436) مليون ريال.

وبما أن نشاط الشركة مباح، وعقودها الحالية مع البنوك مجازة من هيئات شرعية فالذي يظهر هو جواز الاكتتاب فيها، لاسيما أن أموال المكتتبين ستدفع للمؤسسين البائعين ولن يصرف شيء منها في سداد تلك القروض.

وإني أحث القائمين على هذه الشركة وغيرها من الشركات على المبادرة إلى تنقية جميع معاملاتها من العقود المحرمة أو المشبوهة؛ فإن جواز الاكتتاب للمساهمين لا يعفي القائمين عليها من إثم أي معاملة محرمة يأذنون بها ولو قلّت، فالله قد حذرنا من الربا وتوعد من تعامل به بحرب منه ومن رسوله صلى الله عليه وسلم. نسأل الله يوفقنا إلى ما يرضيه، وأن يجنبنا أسباب سخطه وعقابه. والغرض من هذه الفتوى تبيين الوضع المالي للشركة من الناحية الشرعية ولا يقصد منها التوصية بالاكتتاب من عدمه فتلك مسؤولية المستثمر. والله أعلم.

أسال الله أن ينفع بمانقلنا

الشاعر الكبير // عبد الكريم الصويدر .... صح لسانك



قصيدة جزلة و رائعـــــــــــــــــة .

دون المكاسب ليتنا نسـدد الديـن
رحنا بها ان كان مـاالله سترهـا

صدقت .. صح لسانك

الشاعر عبدالكريم الصويدر

صح لسانك

وليتني أقدر أفيدك بالأسهم وشركة بابطين

لكن أخوك لقى من الخسائر مايكفيه لترك المساهمات والاكتتابات

الى الابد

تحياتي لك

أبو عاطـــــف ..

صح لسانك وسلم بنانك وعلى شأنك ..

أطيب المُــنــى ،،

سلمان العرادي

\الرائع الغالي الشاعر الكبير \ابوعاطف\ جميل في احساسك كعادتك \علمت عن كثير ممااجهله عن الاسهم والحمد لله- من خلال هذه القصيده واعذر من يتأوه منها\
صح السانك وشاكر خير من يستجار به بعد الله ابوسليمان فله المواقف المجربه وهواهل للشدائد واهل المدح وانت اهل الجزاله ومن ذكرتهم باالقصيده يستاهلون \ دام توفيقك وتوجيهك الصائب\

محبك ابوسامي\
م

//
\\
ابوعاطف
//
صحـ, لسانكـ,
\\
كفانا الله شر الأسهمـ,
//
.

اخواني واحبائـــــــــــــــــــــــي كل من:-
شاكر العصباني
عبدالله الوحيشي
نواف البلوي
مشرف الادبيه
ابو فالـــــــــــــــح
شاهين النوايف
سلمان العرادي
حمودالبلوي ابو سامي
ياسر حمــــــــــــــدان
الف شكر لكما على هذه الردود الجميله والغاليه على القلب فلكما اجمل التحايا ودمتم بالقلب

دون المكاسب ليتنا نسـدد الديـن

رحنا بها ان كان مـاالله سترهـا

صح لسانك يا ابو عاطف

افتكوا من الاسهم وريحوا بالكم

دمت بهذا الشموخ

تحياااتي لكـ

محمد الرموثي,,

السلام عليكم ورحمة الله وبركاته
أبو عاطف
بطريقة أو بأخرى لم يتجه مؤشر الألم لدي بإتجاه الأسهم
عندما قرأت هذه القصيدة التي أبدعت كعادتك في حياكتها

لك مني كل التقدير

http://www.alamuae.com/gallery/data/media/123/0464.gif

الشاعر القدير
عبدالكريم الصويدر
أبو عاطف

صح اللسانك وماشاءالله عليك
والله يرزقك من أوسع ابوابه

اليوم مع الأسف في ناس ماعاد يهمهم حلال والأ حرام المهم يبي يعوض ويسدد قرض البنك

اقتباس:

---

المشاركة الأصلية كتبت بواسطة عبدالكريم الصويدر

كثروا علينا مطففين الموازين=ناسا ادمرها وناس اتعمرها
المرجفين الخائنين الخفيفين=هذا ينوخها وهذا نحرها
وهذا يدحرجها على ايسار ويمين=وهذا يقطع لحمها مع وبرها
00 0 وسلامــــــــــــــــــــــتكم000

---

http://www.alamuae.com/gallery/data/media/123/0465.gif

إكتتبنا فيها يا ابو عاطف والشكوى لله

وصح لسانك والله يرزقك بالحلال

أبيات جزلة جزلة

وشهادتنا مجروحة فيك

انت شاعرنا

تحياتي لك

ابنشد اللـي بالتفاصيـل داريـن=يعطي حقائقها ويكشـف اسررهـا
ويخبر اللي ينشده ويـن ومنيـن=والسالفـه لوطولـت يختصـرهـا

ابو عاطف صح لسانك على هذه الرائعه

اولاً اعتذر عن التخر في الرد لسبب الانشغال

وبخصوص بابطين سهم جديد وانا اتفق مع اخي ابو سليمان

اخوانــــــــــــــــــــي الاعزاء
كل من :-
محمد الرموثــــــــــــــــــي
ابراهيم عواد التلفيـــــــــــه
الفــــــــــــــــــــــــــواز
سلطان البـــــــــــــــــــــوي
عواد سلامه الرموثـــــــي
بارك الله بكم جميعا وانني شاكرا ومقدرا ردودكم الجميله التي اعتز بها وبكل حرف كتبتموه والتي اعتبرها وسام شرف فتقبلوا خالص تحياتي وفالكم التوفيق انشاء الله

صحـ لسانكـ وعلا شانكـ وسلم بنانكـ

لاهنتـ

ابو عاطف


اقف هاهنا
اتأمل كل سطر
واسجل بكل
حرفا دون اعجاباً

بوح رائع وراقِ


لك كل التقدير والاحترام


دمت بخير

,

اخي وعزيزي محمود الجذلي
لاهنت يالغالي على كلماتك التي نعتز بها ونفتخر فمن هنا نقف لك ولك اجمل التحايا
ودامت ايامك عامره بالمسرات

السلام عليكم ورحمة الله وبركاته
هذي اول رد واول مشاركه لي في هذا المنتدى
وانا معجب بصراحه فالشاعر عبد الكريم الصويدر
وصح الله لسانك يا شاعرنا وبلتوفيق ان شاء الله
كحيل الطرف

اخي كحيل الطرف
اولا هلا وغلا بك بين احبابك وعزوتك
ثانيا تسلم على ردودك الجميله والغاليه على القلب

دون المكاسب ليتنا نسـدد الديـن رحنا بها ان كان مـاالله سترهـا

صح لسانك وأسال الله أن يرزقك الرزق الحلال