أحــــــــــــلامي

مساكم الله بالخير والرضى


قصيدة متواضعة بعنوان ( أحلامي ) أرجوا أن تنال أستحسانكم

تعالي يا بعد ملي يا كل الزين ووصوفه=تعبت أناجي أحلامي ونادي وأنت ماتوحي

تعبت أردد أحلامي وعيد الحلم وشوفه=تعبت أشوفكم طيفاً يجي لحظات ويروحي

متى شوفه نظر عيني وتلامس كفي كفوفه=متى ضمه على صدري وأقول أبري لي جروحي
متى شيله وسط عيني وخلي رموشي تحوفه=وضمه حيل وشمه وقول اليوم خذ روحي
وقول العمر من دونك يضيع ولابه حسوفه=كفاني عمري الفايت قضيته عايش بروحي
يا بعد أمي وأبوي انتي عليك الروح ملهوفه=يا ريح المسك والعنبر ياريح الورد لي فوحي
أبيك تكون لي دنياي وروح بروح مكتوفه=تراك إن رحت يا كلي أموت ولابها أمزوحي

	عندي ملاحظة بسيطة بالمعاينة تظهر القصيدة منسقة ومن احسن مايكون وعند الحفظ وإدراج المشاركة تظهر لي القصيدة من دون تنسيق ما أدري وين الخلل بصراحه

ارجوا من المشرفين التعقيب

الشاعر // الصعــــــــــب ..


لا شك أنها قصيدة جميلة و تسلم يمينك ..


لكن أستبيحكم العذر في أن أنتقد هذا البيت //


يا بعد أمي وأبوي انتي عليك الروح ملهوفه


يا ريح المسك والعنبر ياريح الورد لي فوحي



هنا أخي الكريم مُبالغة غير مستحبــــــــــة لو عممت المعنى أفضل


من أن تخصص ( الأم و الأب )..



ننتظر المزيد .. شكراً لكم .

الصعــــــب ..

حللت أهلاً ووطئت سهلا أيها العذب ..

حضور ينسينا الغياب ومعاني تأسرنا بقرائتها

أطيب المُــنــى ،،

سلمان العرادي

هلا فيك اخوي مشرف الادبية

صراحه النقد كان متوقع وهذا دليل على تذوقك للشعر
تسمع اللي يقول المعنى بطن الشاعر : أنا هنا بكلمة ( يا بعد ) لم أقصد الفدا كما هو مشهور عن هذه الكلمة ولاكن قصدت الترتيب أي أن محبتها تأتي بعد أمي وبعد أبوي


شاكر لك مرورك الجميل

سلمان العرادي حيا الله البناخي أنا اللي سعيد بوجودك وتفاعلك لك مني أطيب التحيات وعساك على القوه

بارك الله فيك وصح لسانك أيها الأخ الغالي
وين الناس منقطع لك فتره فقدناك
أخوك الزاد

صح إلسانك ويعطيك العافيه على هالدرر

تقبل تحياتي

تعبت أردد أحلامي وعيد الحلم وشوفه

تعبت أشوفكم طيفاً يجي لحظات ويروحي

:|for you|: صح لسانك على الابيات الرائعه:|for you|: http://www.majdah.com/vb/uploaded2/24147_1157830352.jpg

هلا فيك ابوصالح
وين الغيبه
صح لسانك
ننتظر الاجمل كنت حاس انك شاعر
ولايطول غيابك
تقبل مودتي وتقديري

عبدالله

أبيك تكون لي دنياي وروح بروح مكتوفه

تراك إن رحت يا كلي أموت ولابها أمزوحي

صح لسانك يا الصعب

القصيدة مافيها شك

جزلة ونابعة من الصميم

الله يعطيك العافية

وننتظر جديدك

تحياتي لك

الله يمسيكم بالسرور والرضى جميعاً
بالبدايه حاب أشكر كل من رد وشارك وتفاعل مع الابيات ومن دون ذكر إسماء فالجميع كان بغاية الذوق والطيب

وحاب اقول كلمة لأبو سليمان عبدالله
أخوي أنت أكثر واحد عارف ضروفي وعارف وشو اللي ما يخلني أتواجد بالمنتدى بإستمرار
راحت حياتي وأنا أخوك بالخطوط صايرن أبن ابطووطه على غفلة

من الجوف إلى تبوك ومن تبوك إلى الوجه ومن الوجه إلى العلا ومن العلا إلى الجوف وهلم جرى .......هههههههههههه دائرة مغلقة الله وكيلك .
بس عاد يا شباب اللي له حاجه ولا غرض يبي يرسله أبد تروني بالخدمه أنا ناوي أغطي على شركة فيـــدكس وأخسرهم التوصيل بالمجاني ههههههههههههه

أشـــــــــــــوفكم على خير

يا راكب اللي ماتونا بممشاه ,,,,,,,,, عجلاً بمشيه والمسافه طويله
جيباً موديل اللفين تو ما شريناه ,,,,,,,,, سواقه اللي حالفاً ما ياويله
من وادي السرحان مشيه ومبداه,,,,,,,,,واللي مشى بالخط واحد دليله
يقص دومه والاضارع تعداه ,,,,,,,,, توه مشى باقي دياراً مهيله
ومن أبو عجرم ياخذ الدرب يسراه ,,,,, ميقوع وبسيطه ليا أم النخيله
ومن الحوي ايلين فجر يتخطراه ,,,,,,, مسافه يا ناس ماهي قليله
ومن القليبه مفرق الدرب يمناه ........ اليا تبوك الخير وأهل الجميله
مالي بها يا كود حاجه ومقضاه ,,,,,,,,,, ومر أخوي وأسلم عليه وأمر الصناعيه تخبرون لازم قطع غيار للسيااره ههههههههههههههههههه عاد تخبرون أنشغلت بالسياره وما كملت القصيده سامحونا على القصور .

فهد العرادي ..

صح لسانك ولاهنت يابعدي وياليت تكمل القصيدهـ

سلمان العرادي

اخي //
الصعب
قصيده جزله وقمة العذوبه
وبالنسبه لملاحضة مشرف الأدبيه أنا ماأتفق معاك بالتبرير
بس مدام يابعد معناها من بعد
ليش ماقلت من بعد
دام الوزن يستقيم فيها كمان
على العموم القصيده قمة الروعه
لك خالص الود

الأخ الصعب

صح لسانك يامبدع ونتمنى إبداعك القادم

وقول العمر من دونك يضيع ولابه حسوفه

كفاني عمري الفايت قضيته عايش بروحي

حياك اخوي سلمان وإن شاء الله نكمل القصيده وترى النور في اقرب فرصه


ماجد القحم هلابك أخوي وشاكر لك تفاعلك ومشاركتك الجميله وبعدين ياخي لاتحرجني مشيها لا أدقق بالحيل ههههههههههه


قلبي الكر : هلابك والله وهلا بأهل الكر كلك ذوق ياغالي