يعيش ابو متعب حبيب الجماهير

قصيده وطنيه للوالد القاها في حفل استقبال سمو الامير عبدالعزيز بن ماجد
امير منطقة المدينه المنوره عندما زار العلا
واشار إلى ما تحتاجه العلا وضواحيها من الخدمات
ارجو ان تنال اعجابكم

يا الله يامنش المزون المزابير=وبأوامره هبت هبوب الرياحي
يا خالقا خلقه بكل التصاوير=مده ولا مد اليدين الشحاحي
تنصر هل العوجا حماة المظاهير=لطامت العايل بكل النواحي
وأنه يوفقهم لحسن التدابير=ويرفع علم مروري شبات الرماحي
أهل السيوف العوج صنع البواطير=صويبهن يحرم عليه المراحي
الحكم عقب جدود جمله وتعبير=ويعرف تاريخ المملكه كل صاحي
عبدالعزيز اللي بذل نية الخير=وزال الجهل عن نجد والشرك راحي
عدل عوجها بالسيوف البواتير=فوق المهار مسابقات الرياحي
يقفي ويقبل بالجموع الطوابير=نوبا هجاد ونوب شنه صباحي
من اليمن للشام من غير تقصير=وشرق وغرب إنثنى واستراحي
وأسس قواعدها ودق المسامير=ونزح إعداها بمرهقات السلاحي
وعقب ملوكاً تدرس الشور وتشير=ومن شورهم تصبح رجالاً لقاحي
من خصمهم مايقبلون المعاذير=لونه يعاهدهم قليل النصاحي
ويعيش ابو متعب حبيب الجماهير=قايد مسيرتنا نهار الكفاحي
الله يفكه من صدوف الدعاثير=ويمد عمره للجزيره سناحي
الحاكم الضرغام صلب الأشاوير=من صغر سنه ناشياً بالكفاحي
وسلطان قايد طور الجيش تطوير=ومجهز القوات بأحدث سلاحي
قوات بر تدمر الخصم تدمير=وللجو يعبا مصفقات الجناحي
وأسطول بحريه أتعكس التصاوير=قواعد الصاورخ خطر المطاحي
ونايف وزير الأمن ومنظم السير=ومن هزه الشيطان بالسجن طاحي
يحكم عليه الشرع مافيه تزوير=ولا ينفع المجرم كثير الصياحي
يا مرحبا حييت ياضيف يا أمير=تباشرت فيك البلد والضواحي
لك في قلوب الناس حشمه وتقدير=ودليلها الفرحات والإنشراحي
يا أمير نبي منك نظره وتعبير=الله يسدد خطتك بالنجاحي
أرضاً لنا تبغا تعدل تقارير=وكلاً سرح غير أرضنا بالمراحي
وكل الهجر تشكي خراب المواطير=وحنا بظلما والوطن في ضياحي
والخط صحرا كسر الجيب تكسير=إنلاح شاصه والرفارف طياحي
وصلوا على اللي نور الدين تنوير=محمد المختار وجه الفلاحي

ارجو من المشرفين التنسيق لانه لايعمل لدي

ولكم جزيل الشكر

سلطان السميري
صح لسان الوالد واعطيت العافيه على النقل الجميل
لاعدمنا وجود امثالك
وتقبل تحيتي
عبدالله الوحيشي

\شاعرنا المحبوب \سلطان السميري صح السان والدك اطال الله عمره والف شكرلك على

نشرك لهذه القصيده الرائعه التي تعبر عن المشاعر والولاء والحب للوطن ولولات امرنا اعزهم الله ووفقهم -


\-محبك اخووك ابوسامي\

http://www.alamuae.com/gallery/data/media/123/0464.gif
سلطان السميري
يعطيك العافيه على نقل قصيدة والدكم طول الله بعمره
وصح اللسانه على هالقصيدة الطيبه وغايتها الطيبة
وألي شرح فيها أوضاع الديار ونقص جميع الخدمات فيها
أكرر شكري وأعجابي بالوالد
والنعم فيك وفيه

http://www.alamuae.com/gallery/data/media/123/0465.gif

الأخ الشاعر // سلطــــــــان السميري


صـــــــــح لسان الوالد و حفظه الله لكم .. قصيدة جميلة تستحق الإشادة



جزيل الشكر لكم لإتحافنا بها .

اخي سلطان السميري
بارك الله بك وصح لسان والدك الشاعر الكبير الذي يحتذى بشعره وبه كله فهي قصيده ممتعه كيف وهي بامير منطقة المدينه الموره الامير المحبوب فعلا00
فدمت وبيض الله وجهك وتقبل تحياتي

سلطان السميري ،،

صح لسانك ولسان والدك ..

سلمان العرادي