كيفكم وشلونكم
..
بعد مشاورات وعدة محاولات من الشباب لراعي الباص انه يوصلهم على حدود لبنان بحمامتين وقالوله الشباب ان الحمامتين هذه تقدر تسافر للصين وترجع لك كم يوم وافق السواق
ركب محمود وصدآح وحمدآن الباص وجلسوا آخر شي
محمود : اخيرا لبنان بالله ياحمدان وش شعورك اوصفه لي بما لايزيد عن خمس اسطر << متأثر الولد بالاختبارات
حمدان : << مفهي ولاهو فالدنيا
قدام محمود وصدآح وحمدان جالسين ثلاث شبان
:: الأول ::
عواض ابو راس
:: الثاني ::
سعد الاعرج
::: الثالث كان رئيسهم :::
ابو فرج
:::وكان بينهم هذا الحــوآر ::
عواض ابو راس :
ياخي انت حمار ما تعرف تسرق ..
سعد الاعرج : يارجال على تبن انت اكثر واحد يفقع بوجهه ابو فرج انت تذكر ذيك المره يوم ندخل البنك ونسرق وبدال ماتاخذ الكيس اللي فيه الفلوس اخذت الكيس اللي فيه معاملات قديمه حقت البنك؟؟
شوي وهم يتنااقشون صحى ابو فرج من النوم وكان معصب مررره..
ابو فرج : اسمع انت وياه يالمخفات انا ماجمعتكم من الشارع عشان اصرف عليكم .. انا جبتكم عشان تساعدوني وتسوون اللي اقولكم عليه ولاترى بافقع وجيهكم واللي مايعجبه يشرب من البحر
عواض ابو راس : سم طال عمرك انت تامر واحنا نطامرانت أشر بس قل ابغى تجيبون لي فلان واحنا نجيبه لك يزحف انت ....
شوي ماتشوف غير النعال((وانتم بكرامه)) طااااير طرااااااااااااااااخ<<<صوته بوجه عواض
ابو فرج : يلعن شكلك انت لك عين تتكلم اصلا هالمشاكل كلها ماجت غير منك ومن راسك...
اسمعوا انا باعطيكم اخر فرصه بالعمليه الجايه .. اللي يفشل فيها راح اعلقه بالمروحه الين يجي يومه ويموت
ابو فرج : جاااااااهزين ؟؟ اقول الهدف والخطه ؟؟
كلهم مع بعض : جاااااهزين ياكبتن<<خخخخخخخخ صح يالاعبين نادي الاتحاد كركركركر
ابو فرج : شوفوا المهمه راح تكون على مراحل متفرقه , المراحل باختصار هي
اولاً : نوصل لبنان << تكفى
ثانياً : ابغاكم تجمعون لي كل اشرطة وحفلات الفنانه نانسي عجرم
عواض ابو راس : اخسس يامعلم ناوي على نانسي هااه طيب طيب الله لنا <<مسوي يموون
شوي ماتسمع غير طاااااااااااااااااااااااخ <<صوت شي صفق بوجه عواض من سرعته ماقدرنا نتعرف عليه كركركركركركر
سعد الاعرج : طيب يامعلم انا عندي فكره ,,,
ابو فرج :اسلم ياحمار وش عندك<<<لازم يخرب اخلاقه معهم كركركر
سعد الاعرج : وش رايك بما ان الهدف حلوو وصاروخ ويخق معه اكثر الشباب وودك تصير عنده شراب العائله ....
ابو فرج :صاروخ جعله يشيل رجلك الثانيه يالافدغ وانا ماعرف نانسي عشان تقول لي هالكلام؟؟؟
سعد الاعرج : لا يامعلم ادري انك عارفها بس فكرتي دام انها عندها فلوس ايش رايك نصورها بالجوال ونهددها ونخليها تدفع لنا اللي نبغى بدون سرقه ولا شي ؟؟
ابو فرج : اخسسس يالاعرج كيف طلعت منك هالفكره قود؟؟
انقهر عواض لان ابو فرج مدح سعد فحب يدخل نفسه بالسالفه ...
عواض ابو راس : ونقدر يامعلم يعني لو نجحت الخطه اننا نهدد بعدها وائل كفوري وهيفاء وهبي وان شاء الله مع الايام نشتهر ويصير اسمنا ((عصابه ابو فرج لتهديد الفنانين)).
ابو فرج : تراب بس يالافدغ <<<والله مالومه خخخخخخخخخخخخخخ
محمود: ول ول ول ول وش جابنا عند هالمجرمين
صدآح : ياولد بيروحون يقابلون نانسي
حمدان : صدآح وش قصدك يعني هاا << على باله نانسي شي ينأكل كركركر
صدآح : على تبن انت ، اقول محمود ماودك نرقم نانسي ..؟
محمود : قسم بالله لو اكلم الحجه اللي تحت بيتنا ماعاد اسلم على اهلي مو ارقم نانسي << يلعن ابو الحرمان كركركركر
صدآح : اسمع انا عندي خطه ندخل مع العصابه هذه ونتعرف عليهم
محمود و حمدان : ايه ايه كلمهم بالله
صدآح يكلم أفراد العصابة
صدآح : اقول يابو الشباب
ابو فرج : هلا وش تبغى ..؟
صدآح : سمعتكم تتكلمون عن نانسي وتهديدها ، ترى كلنا في الهوى سوى انا رايح هناك لمهمة قتل اليسا لأنها خانت خويي سالم << مايعرف يكذب كركركركر
ابو فرج : طيب وش اسويلك يعني وش تبغى ..؟
صدآح : لا بس بنخاويكم انا وخوياني هناك
ابو فرج : ليش خلفت امك انت وياه ..؟
طيب لو فرضنا بناخذكم كم تدفعون ..؟ << ابو الابتزاز كركركركر
صدآح : ترى اللي معاي هاذول ناس تاكل الاخضر واليابس لايغرك اشكالهم فدغ
سعد الاعرج وعواض ابو راس يطالعون بنص عين في محمود وحمدان ويتهامسون : ياخي ولا واحد فيهم مزيون كل واحد تقال ركبة حمار على الطريق
ابو فرج : خلاص تم بس تسوون كل اللي اقولكم عليه
صدآح : تم
:::::: في بيروت :::::
حمدان : هلاا والله وانا اقول ليه سموا لبنان ام وابو الدنيا من هالبلاوي اللي فيها
محمود : صدأآأآأح شكلنا رااح نشبع من الفلوس حنا نحسب لبنان مافيها غير نانسي وحده وانا بكل شارع اشوف نانسي <<أي بنت لابسه جنز يعتبرها نانسي كركركركر
ابو فرج : أقول ياصدآح يالله وقفلنا سياره فيها بنت تسوقها عشان نعرف مقدرتكم انت والمهبل اللي معك << اختبار صعب
صدآح : أبشــــر ، حمدآن وقف سيآره فيها بنت تسوقها
يروح حمدان وسط الطريق ويلاقي عجوزه يادوب تمشي رايحه لسيارتها
حمدان : أقول وش رايك يالعجوز توصلينا على طريقك << يعنني عارف خطوط لبنان
العجوزه : ايه تكرم ولووووو انت بمسابة ( مثابة ) ابني
حمدان : اما لو اني ابنك ماكنتي تشوفين وجهي كله الوان يالحمرا
العجوز : شوو حماارا شوو ..؟ بتضرب قليل ادب
حمدان : اقول طسي مسويه نفسك وشايفه نفسك عليا عشان معك سياره ابو ريالين << العن ابو الوصف
احمدي ربك اني متحمل الحياة معاك عشرين سنه ياخاينه انقلعي انتي طالق طالق << تحمّس الولد
رجع حمدان للعصابه وكل واحد منبطح على الرصيف واللي يطرّد الورعان ويسوي نفسه وحش
ابو فرج : هاا يالغبي وش سويت ..؟
حمدان : طلقتها الله يلعن شكلها ياخي لمتى الواحد وهو كذا يازين الحريه
طرررررررررررررااااااااااااااااااااخ تسمع صوت علبة بيبسي في وجه حمدان
صدآح : ياورع الحق على اللي يعتمد عليك يالغبي ، أسف يا ابو فرج
ابو فرج : يارجال وسع صدرك مانقبل اسف من الحثاله << الأخلاق صفر كركركر
راحوا الشباب وشافولهم سياره وركبوا فيها
شوي وقف ابو فرج السياره ونزل هو والشباب...
ابو فرج : لو سمحتي يا لبنانيه ...<<<مسوي ذوق الحين هو راسه اللي كنه عفريته
البنت : شووو شوو بدك تفضل خيووو <<<يااي ماتحمل باادوخ
ابو فرج : حبيت حبيت حبيت ...<<< ماهي راضيه تطلع
عواض ابو راس : حبيت اسلم عليك واخذ اخبارك<<<مسوي يرقع كركركركر
ابوفرج : ياحقير كل تبن ماهو وقت دلاختك
لو سمحتي يعني حبيت اعرف شلون نوصل لبيت نانسي عجرم؟؟؟
البنت : ههههههههههههههههه يااي شوو بدكم فيها؟؟ <<وانتي شوو حشر اهلك؟؟ كركركر
ابو فرج :احنا ملحنين ونبغى نوريها كم اغنيه عندنا<<<صح ياذكي
البنت : شوفوا اللي بعرفو انها ساكنه بحاره الفنانين يعني بعد هالشارع بشارعين ..
راحوا الجميع من عند البنت متوجهين لبيت نانسي وهم بالطريق قااام ابوفرج بيسوي فيها انه حق بنات قدام المعوقين اللي معه خخخخخخخخ ومشى عليهم سوالف وقصص .. وهم صدقوا المهفف
المهم راحوا الشباب لحارة الفنانين
شوي الا ويشوفوا مريام فارس طالعه من البيت
ابو فرج : هلاااااااااااااا والله ببنت فااارس
سعد الاعرج : ياكبتن تبغى انزل اصورها واهددها اني بانشر صورها بالنت ؟
ابو فرج : كل تبن ياافدغ ذي فنانه يعني صورها منتشره بالنت كله يعني لو تقول بصورك بتنسدح لك على الكبوت عادي ياخي ذي شغلتها <<فاهم غلط خخخخخخخخخخخخخخ
صدآح : ايه عادي حتى انا مرره .........................
ابو فرج : أقول انطم يالثور
حمدان ومحمود يضحكون بشويش خايفين من صدآح << ياقلبي عليهم بريئين كركركر
نزل ابو فرج يبغى يسأل عن بيت نانسي عجرم
لو سمحتي يامريام <<مسوي يعرفها من زمان
مريام: عفوا بيتنادي الي انا؟؟
ابو فرج : ايه لك بسالك وين بيت نانسي عجرم؟
مريام : وانا شوو دخلني فيها؟؟ تستطفل منك لها <<شكلها والله اعلم متضاربين مع بعض <<وش حشر اهلك انت خلك بالقصه خخخخخخخخخخخ
ابو فرج : اقول بنت لاتنافخي لاقسم بالله اشب نار بكشتك هذه يا أم كشه يالله قولي وين بيت ناانسي بسرعه ...وطلع ولاعه من جيبه <<اخسس يالقوي
مريام : هونيك هونيك عند السياره الزرقاء
ابو فرج : يالله انقلعي انتي وكشتك
ابوفرج ابو فرج ابو فرج <<<صوت محمود
ابو فرج : وش تبغى ياحقير؟؟ ماتشوفني جالس اشبك مريام؟؟؟ <<<يلعن ام النصب اللي كذا كركركر
محمود بالقوه يتكلم : شف شف اللي وراك لاتفوتك ...
ويطااالع ابو فرج الا ويشوف نانسي عجرم طالعه من بيتها...
حمدان : يعني هذه في بيتها حمام .؟
محمود يمسك راس حمدان ويصفقه بالددسن : ياخي انت لمتى يبقى تفكيرك محدود << احلى يابو تفكير راقي تعجبني يامحمود كركركركر
ابو فرج : يلعن شكلك ياحقير انثبر لاتتكلم وتعرفنا نانسي الحين<< اكبر همها نانسي انت وشلتك المعوقين كركركركر
طلعت نانسي من بيتها وراحت بالسياره ومشوا وراها الشباب بالسياره وقفت عند كازينوا (( مرقص)) نزلوا الشباب وقال لهم ابو فرج اليوم ابغى اخليكم تفلوووووووون امها على حسابي لان بكرا راح نطلع كل اللي صرفنااااه
عواض ابو راس : اقول يامعلم الحين الجوازات وجوالاتنا وبطاقاتنا وين نحطها؟؟
صدآح : ....... هاهاهاها ياخي حطها بالدرج حق السياره وقفل عليها ولايكثر ياخي تراك أزعجتنا بجوازك من يوم طلعنا وانت ماعندك سالفه غير هالجواز اللي يسمعك يقول مطلع معي راشد الماجد
محمود وحمدان يضحكون : ياخي العالم هذه اللي ماراحت لبنان دايم كذا مبزر << احلى ياللي كل اسبوع فيها
عواض ابو راس : يامعلم انا سمعت اللي يضيع جوازه مايطلع برا السعوديه خمس سنوات وانا صراحه ماابغى انحشر بالسعوديه << بيقهر محمود وحمدان
سعد الاعرج : هههههه تكفى ياللي كل شهر بديره يارجال انت حدك الشرقيه واذا خربتها رحت جده كركركركر
وصلوا الشباب واول ماوقفوا السياره قابلهم لبناني قال لهم بدكم اغسل لكم السياره؟
قال ابو فرج ايه وعطاه مفتاح السياره الدلخ ودخل المرقص
جاء اللبناني طبعا اول مره يقابل اغبياء مثل هالاشكال شغل السياره وراح فيها كركركركركر
::::::: داخل المرقص :::::
حمدآن :
وش الرجه هذه يازين الربابه ياخي ماعندهم ذوق الخواجات هاذول ..
أبو فرج : حمدآن حبيبي قلبي انت
حمدآن بكل انشكاح : هلا يا معلمنا
أبو فرج : اقسم بالله لو عطيتك بركبتي قلبتك طاسة لبن انقلع هناك يا متخلف << واله مالومه ياناس خخخخخخ
محمود : شوف ياولد البنت هناك كيف حلوه
ابو فرج : يالثور هذا رجال مربي شعره << محمود ماعمره شاف شعور طويله .. دايم مكينه على الخمسه بالكثير.كر كر كر
..
المهم والشباب يستنون نانسي تأخرت عليهم
أبو فرج : قم ياثور ياصداح إسأل هالعامل متى نمرت نانسي
..
صداح : أبشر
ويقوم الدلخ .. ويسأل عن نانسي .. ويقولون لهم .. إنلغت فقرت نانسي .. لأنها إعتذرت ومشيت
وطيران يطلعون الشباب من المرقص يدوروا سيارتهم ماحصلوها<< طبيعي مابتحصلونها
راحت الجوازات عليهم وفلوسهم وكل شي لهم
عواض ابو راس : قايل لك يامعلم خلني اخلي جوزاتنا معنا بس دلاختك يامعلم ضيعتنا انت وراسك اللي كنه راس معسل
ابو فرج : اخرس ياوقح ...
محمود: اخرس انت وابوك وخشمك يالغبي مسوي فيها معلم علينا وانت مابراسك يالمعوق انت بدال ماتجلس تسوي فيها معلم علينا رح قصر من خشمك اللي شوي يدخل فمك ولا شنبك لعن ابو شكلك كل ما تسولف معنا يطلع من شنبك صرصور يالوصخ
حمدان : أي والله انك صااادق يامحمود مسوي فيها معلم وكبتن وهو مابراسه تقلع يالله انت وخشمك اللي كنه ملقاط شيشه يالتعبان
صدآح : ياشباب مافي مشكله اقرب دباب نسرقه ونرجع الحارة وش فيكم على خوينا ابو فرج << يعنني يصلح العلاقه
وهكذا تفرقت شلة ابوفرج ولم يتقابلوا بعدها الا عند السفاره السعوديه عشان ترجعهم بلادهم وبعدها كون عواض ابو راس بالشراكه مع سعد الاعرج ومحمود وحمدان والسائق الرسمي بالدباب صداح عصابه صغيره سموها
(( حمامنا يسرق الروح لا طار)) << ينعن ابو الاسم الاهبل كركركر
اما أبو فرج فقد أٌحيل الى المحاكمه بتهمة الابتزاز....
::: مايستفاد من القصه :::
1- الإبتعاد عن اللعب مع الأشخاص ذوي المكانه العاليه والرفيعه .. مثلي أنا ومحمد الرموثي
وعلى قولت القايل .. لاتلعب بالنار .. تحرق أصابيعك .. << مدري وش دخلها بالسالفه خخ
2- مو كل حمام يطير .. بعض الأنواع .. بس يهز
3- الهياط الفاضي ماله أي داعي << إفهموها
4- مافي أحلى من السياحة الداخليه جده والشرقيه
5- إذا انت انسان ماعمرك سافرت خارج المملكه لا تسافر الا ومعاك واحد خبره لأن مثل هالاحداث واقعيه تحصل دايما
6- لاسافرت وخمبقت هناك لا تجي وتسولف عن خمبقاتك بالعربي خلي الطابئ مستور لأن الحديث حول المغامرات تشجع غيرك من ضعاف النفس على السفر
7- خليك معتدل .. ما ابغى اشرح أكثر
8- اللي بيزعل من كلامي وبيتنقدني او ينتقد شي معين في القصه يرسله على الإيميل المعروض
:
:
:
:
تصميم :
كم كم
تصوير :
كم كم
سيناريو :
كم كم وواحد من الشباب
حوار :
كم كم
مكساج :
كم كم
مكياج :
كم كم
إضاءه :
كم كم
كلمات و الفاظ :
حارة كم كم خخخخخخخخخ
جميع الحقوق محفوظه
:
:
:
:
أطيب المنى
