آه كم هو قاسي الزمن على كبار السن الذين كانو يعيشون أجمل اوقاتهم بالألفه والمحبه
شاعرنا هنا صور هذه القسوه في هذه الدرر 00هي لكم
هذي السنه شرٌابة البن غيٌاب=أملى دلالي واتقهوى لحالي
ساعات كني سامع ٍ دق في الباب=وإليا فتحت الباب وإلياه خالي
صد وجفا وغياب مجهول الاسباب=بالرخص باعوني وانا كنت غالي
دار الزمن وأثره كما قيل دولاب=طالع ونازل بين ميل وعدالي
يبدي القمر بحساب ويغيب بحساب=بيض الليالي بين سود الليالي
العام كنه فيه خلان وحباب=نتقاسم اللقمه ونص الريالي
واليوم صرنا نلتقي مثل الاغراب=رد السلام ولانشد كيف حالي
ياقلب لو ابديت له لوم وعتاب=ماله مع الحي المقفي مجالي
وإن قلت له هذا بلا ابوك يا عقاب=لاحاسبك مكسب ولاراس مالي
عبدالله علي الطلحي
