يقال المعنى في بطن الشاعر مادام الامر تسلية مامخلي ببطني شي :)
ابشرح لكم معنى بيتين بالكثير حيث اكثر الاعضاء شباب حييل ,,
والردي في فزعته غزوة حريـم=كل وحـدة تـدرق باللـي وراه
ايام الجاهلية والنهب يقال ان النسوان غارن من الرجال هم يغزوووون وينهبون والمسكينات جالسات بخرابيشهن ويسرحن الغنم ويحطبن ...@!@
فراودتهن المساواة حينها ..
فقالن النسوان وحنا ايشفينا (( ماحدى احسن من حدى :cool: ))
تجمعن يابنات ودنا نغزي مثلهم ,, وتجمهرن مجموعة كبيرة ,, وغــــــــــــزن ..
باليوم الثاني وجدن عرب عندهم حلال واجد فرحن بالغنيمة وبدن يسون خطة
فقالت زعيمتهن .. الخطة ..
نصف طابورين ,
عقب ماصفوا طابورين عشان يبغون يبدوا بالهجوم اللي باول الطابور رجعن بالخلف واستممممرن على هالحال رغم حماستهن حتى اوصلن اهلهن ..
وحتى الان لم يسجل لهن التاريخ غزوة غيرها رغم المساااااوااااة :D
والوصولي مثل مسعود الطريـم=مات للحكاكه في بيـر الفـلاه
ايام الجهل والعبودية يقال ان هناك مجموعة عبيد تمردوا
وقالوا نبغى نغزي مثل غيرنا :||angr|: بس الربع اللي احزموا امرهم 3 ,,
وكان زعيمهم اهو ( مسعــود الطــريم ) والاخر مسعد والثالث سعيد وفجوا بهالبراري يدورون من يغزون فوجدوا فريق يملكون الكثير من الحلال
وقالوا بسسس هاذي فرصتنا هجمممممننننننا ,,!!
قال زعيمهم : يااغبياء تهجمون وانتم جوعاء ؟
قالوا طيب وش الدبرة ؟
قال نذهب الى بير بعيد عنهم بالفلاة قالوا ..مشينا .
وصلوا البير ,,
هـــااا وش الدبرة ( ياريس ؟)
قال : الرزيزات ( الرز ) اللي معنا تحذفوهن وسط البير حتى تطبخ في كثرة ويصير لها احكاكة ,, ناكل منها حتى نعود على معازيبنا ,
قالوا : عز الله ان هذي الراي .
قال : نفذوا الخطة وانا برقب عنكم بالتل حتى تنضج الرزيزات والحكاكة ثم اعود .
بعد ان ايقن ان الطبخة انضجت رجــع لهم فأخذوا سعيد ورموه وسط البير حتى يجيب لهم الرز والحكاكة ..
غرق ومااااااااااات المسكين وهم يستنوه .
وعقبه تشاورا بالراي واساله خويه : ليه ماعود سعيد .
قال يااابله سعيد ذاق الحكاكة وغنى طشني بالبير وباجيبه واجيب الرز والحكاكه ..!!
قرط الزعيم بالبير ومات مع رفيقه .
وجلس مسعد ينتظر وينتظر وينتظر وينتـ.......إلخ :D
ولمن ياس قال وخيبه تخيبكم الين مابكم ثقه انا جيعان انتظركم وانتم طبيتوا بالرز والحكاكة .
لكني غير انتقم من سواتكم ,
اروح للعرب واخذهم في طينتهم لمن تطلعوا ماتلقون عرب تغزوهم ..!!
راااح بهاليل ومن جاء خلف العرب بالوادي راح يحفر حتى ياخذهم بطينتهم سمعوا بالحفر واطلعوا عليه :
وش انت يالرجل وش تسوي ؟؟
قال : انا عدو اباخذكم ؟
قالوا : ويوم انت عدو وبتاخذنا ليه تحفر بلوادي ورى البيوت ؟
قال حتى اخذكم بطينتكم .!
قالوا : وليش تاخذنا بطينتنا ؟
قال : نكاية بسعود وسعيد ومايلقولكم اثر .
قالوا : انت وحدك ؟
قال : ايييه .
قالوا : ومصدقن نفسك ودك تاخذنا وانت وحدك ؟
قال : اكيييييييييد
قالوا : عز الله منت ماخذتيس لكن تعال .
وامسكوه واذبحوه .
وسلامتكم ..
