قصيدهـ في شيخ مشايخ بلي عندما زار محافظة العُُلا ..

بسم الله الرحمن الرحيم
قصيدة ترحيبية للشيخ .. سليمان بن محمد بن رفاده شيخ مشايخ بلي عندما زار محافظة العُـــلا ..
للشاعر .. زيدان حمد الميهوبي البلوي

بديت أنا بسم الولي عالي الشان = الواحد اللي ماذكر معه ثاني
رب العباد اللي فرظ خمس الأركان = يمحى الخطايا اليا تلتها الحساني
اللي لنه قال للأمر كُـن كان = يقضي بتصريف الدهر والزماني
بعده هلا ياشيخنا ياسليمان = حنا نتمنى زيارتك بالتماني
ترحيبتاً ترفع على راس مابان = يبرى لها الياقوت والزعفراني
بلي ترحب بك على عز وكيان = كيان مايخترقه الجبخاني
هم عزكم وأنتم لهم عز مزبان = مثل الرعد مقرون بالعقرباني
انتم شيوخاً في دليلاً وبرهان = ماهي سوالف واحداً مسرداني
تاريخكم معروف من ماض الأزمان = بالطيب والحكمة وفعل ومكاني
جدك عفى من السجن ذربين الأيمان = اعفاهم من الشنق والمشنقاني
من ضمنهم شيخ الشيوخ إبن شعلان = ايام حكم الترك والتركماني
باشا وباشات الدول شانهم شان = يفتق مغاليق الحصون المتاني
اشرق وطنا بجيتك والبلد زان = والطير غرد بالفرح والأغاني
وفيكم محافظنا يرحب والأعيان = رجلاً كريم وخاطره مرحباني
حكيم راي وبالتدابير فهمان = مايقبل الغلطه من المغلطاني
ينفذ القانون في عرف وأتقان = دليل حقاً والمخالف يداني
والدين محفوظاً من الرب ويصان = حفاظه الله والله المستعاني
مادنسه من قبل شلة جهيمان = إلا وبواق العهد يوم خاني
من خالف المأمور بالأمر ينهان = مذكور بالقرآن هو والمثاني
والحمد لله ديننا خير الأديان = متبحبحيناً بالأمن والأماني
حكامنا أرسو له قواعد وسيسان = ماهده اللي يعبدون الوثاني
عبدالعزيز مطوع الأنس والجان = ساعة توازن فوق سرج الحصاني
كفى الجيرة شر مشرك وفتان = يوم اكترب حبل الحقب والأبطاني
من باب صنعا اليا مشاريف عمان = خلابها القاسي يعود لياني
شكل لها ابطالاً على الخيل فرسان = لين العلم رفرف بروس المباني
يقضي بها القاضي بتنزيل رحمان = محفوظ عن الشك والمشبهاني
من بعده احفاده ميامين واخوان = حكام عز وعزنا مايهاني
لو حاوله بعض الخون راح خسران = هيهات من يبغى يهد الكياني
وشعاد لويبغون حكم إبن مرخان = صعباً عليهم مثل لحس الأذاني
ماينهدم ساساً له الحق عنوان = والعدل ماهو قصة المعوجاني
سعد فقيه وقبله المسعري خان = ماحصل إلا خيبته والهواني
بالليل مرقدهم تقل بين حنشان = متوقعينا حذفهم بالزناني
حكم هل العوجى معزز بالأيمان = مضمون بيهدي الشريعه ضماني
فهد وعبدالله ونعماً بسلطان = ماهمهم من ثور الطرطعاني
مثل الجبال الشامخه روس ضلعان = سقم الحريب مطوعة كل جاني
في حكمهم نأمن وترتاح الابدان = وللخير لازم يشكر المودماني
من ياكل التمره على زبد ودهان = ماهو بعارف ياكل الديدماني
هذي لها معنى مجود بعرفان = من فسره يامفسرين المعاني
تم الجواب اللي بدا بيه زيدان = وختامها ذكر النبي من لساني
نبينا المبعوث من نسل عدنان = وضح لنا السنه وصوم رمضاني

العذبــ, ابـــو ســـالم هــذا ماعهدنـــاهـ, منـــكـ,

جــزل وماتجيــب إلا الجـــزل .

صــح لســانك ولسـان الشــاعر زيــدان الميهــوبي
.

صح اللسان الشاعر زيدان الميهوبي .

قصيده جميله ويستاهل شيخ بلي ...

سلمان العرادي

بيض الله وجهك .

اقتباس:

---

المشاركة الأصلية كتبت بواسطة ياسر حمدان البلوي

العذبــ, ابـــو ســـالم هــذا ماعهدنـــاهـ, منـــكـ,

جــزل وماتجيــب إلا الجـــزل .

صــح لســانك ولسـان الشــاعر زيــدان الميهــوبي
.

---

ياســـــر حمدان ..

عذوبتي أيها الأنيق لاتطغى على عذوبتك

لك القلب على مرورك الجميل

سلمان العرادي

اقتباس:

---

المشاركة الأصلية كتبت بواسطة أبو أسامه

صح اللسان الشاعر زيدان الميهوبي .
قصيده جميله ويستاهل شيخ بلي ...
سلمان العرادي
بيض الله وجهك .

---

أبو أسامه ..

لاهنت على هالمرور العاطـــــر ..

لك خالص التحايا ..

سلمان العرادي

صح لسانك ابو سالم
ولسان الشاعر
زيدان
ويستاهل ابو عبدالله


دام وجودك



عبدالله

اقتباس:

---

المشاركة الأصلية كتبت بواسطة عبدالله سليمان الوحيشي

صح لسانك ابو سالم
ولسان الشاعر
زيدان
ويستاهل ابو عبدالله
دام وجودك
عبدالله

---

لاهنت يابو سليمان على هالمرور العاطــــــــــر ..

لك القلب ..