ياسحاب روحي من غرايب روحي =هاجسن لي مات ياسحاب حي
ياسحابه امطري والعاين الله =كاتب الله الشقا على الشقي
ياسقى الله دار ليلى العامريه =لين رمش اعيونها الاسدلي
اعصفي يامزون غداق البرد =واركدي فوق المظارب واهتلي
وارتوي يادار مجنون العيون =وان ورد غدير روضك رحبي
من نزيل الصدر يغار الجمى = او من احجاج العين نجمن يختبي
اغسلي من بارد الماء مبسمه =وانضحي نضح القلم من انملي
قولي له ياريح نسمات الصبا = في قرار الروح جمرن يلهبي
لو يشم قيس طرقة طرحته=عفى عن المسك من عنق الظبي
لو تضم ايديه سرجوف الظبا = ينتثر من لمستك ياامعذبي
البارحه البارحه ياقسوه =ياثقله البارحه علي
البارحه شعرت ان عذب اللمى= كل الاماكن حولها تشتاق لي
سألت ليلي وينه مضجعه=راح الليل ليل ماقال لي
من هالحياه اللي سكني وازفره=كما سكن في هالة الشمس ضي
يادار ليلى وين معسول الحشى =جنوب نجم اسهيل والا شملي
ان كانت النجوم الردايف تدركه =دخيل ربي اخبريه ابمهجعي
قولي هدووء الليل حيلي مخجله=اسامر الاشعار والهم لي
على ضليل الريش يازف النوى =سلام من جبران لعيون مي
