السلام عليكم ورحمة الله وبركاته
حتما ًيحتار الشاعر عندما يتصفح هذا المنبر الراقي
بأسمه وبمضونه
وبجميع اعضائه وشعرائه
وقد لا يجد مايليق بهذا المقام الشامخ
ولكني هنا التمس من الجميع العذر
واصافح هذا الصرح الشامخ اللذي شرفني الانضمام اليه
بهذه القصيده وهي من القديم
وأعد الجميع هنا بقصيده تخص الصرح الشامخ منتدى بلي واعضائه
0
0
0
0
من الحاضر الى الماضي من المخذول للمنصـور=أنين وتهنيئه تعكـس مسـار الوقـت برسالـه
كتبها وقتنا الحاضر من الحسره وهـو معـذور=يهني وقتنا الماضي علـى الامجـاد .. عقبالـه
يقول لسان حاله كل مانذكـر شمـوخ عصـور=انـا بالله وش ذنبـي مـدام الوقـت برجـاالـه
انا في يدينكم وامضي واسجل حالتـي بسطـور=واصدرها على إرشيف الزمان وتحفـظ بجالـه
انا التاريخ لكنـي جزعـت وقـام دمـي يفـور=وهو مافـي يـده شـيٍ عشـان يعـدل احوالـه
واقول لعمنا التاريخ سجـل واستـرح مشكـور=اذا ماعزنـا ربـي نطيـح بـكـل محبـاالـه
انـا ياعمنـا التاريـخ مالـي بالحقيـقـه دور=مهمش والمهمـش مـن حياتـه موتـه اشوالـه
امالي شعب لكـن مضطهـد واليـاس دكتاتـور=وعساكر واقعـي تقمـع خيـال الفكـر وامالـه
اسج الرجل لكني احـس انـي بداخـل سـور=واحسب العمر وسنينه واشوف انه علـي عالـه
واعيش بذروة احزان الزمان وخاطري مكسـور=حزين وضايق وقلبـي جريـح وحالتـي حالـه
اكيد ابا انجرح واحزن واضيق شهور بعد شهور=مدام ان واقعي صايـر كـذا والوضـع يرثالـه
ومدام اني رجل فاهم اكيد انـي رجـل مقهـور=تشب بقلبي الغيـره وازيـد الجمـر واصحالـه
اعاني والعنا ماهو عليّـه بـس انـا محصـور=شريكي في عناي اللي علـى بالـي علـى بالـه
وانا شلت الهموم اللي تجاهلهـا العيـون العـور=مدام ان البشر فيهـم ضعيـف وجاهـل ودالـه
او اكون الوحيد اللي كشفـت الخافـي المستـور=او ان الكـل مكتشفـه ولكـن كـلـن بحـالـه
ولا ادري وين قادات الطوابيـر واهـل الشـور=ولا ادري ليش راع القول قـام يناقـض اقوالـه
وصلنا القـاع ونـدوّر تحتنـا للحيـاه جـذور=ورخصنا ليـن صـار يثمّـن الرجـال بريالـه
وصرنا للاسف نخفـي حقايقنـا ورى الديكـور=ودايـم لا تجمعنـا مشـا كلـن عـلـى فـالـه
احد يمشي ورى غايه واحد يمشي وهو مجبـور=واحد له مصلحـه يبغـا عليهـا يرمـي حبالـه
واحد معنا انتسب لاجل يتحقق لـه وعـد بلفـور=ولونـه ينتسـب منـا وفينـا يحسـب حثـالـه
نوايا فاسـده وألـسن لكيعـه ماتهـاب الـزور=يجيـدون الكـلام وهـم عصابـة شـر نشالـه
نشو في ظرف والتمو وصارو بالعـراق نمـور=واكيد اللـي مربيهـم يصيـرو حسبـة عيالـه
يمشيهم على الكيـف ويطيـع المنهـي المامـور=غزى فيهم علـى شعـب العـراق جنـود قتالـه
وصارو يقتلونه طاعه وحقـد وبـدون شعـور=وصار الدم يطربهـم الـى مـن سـال شلالـه
اقولـه بعـد ماشفـت النهـار الكايـد المذكـور=واقولـه بعـد مابـان الخبيـث وبانـت افعالـه
على ايش يغنّو اصحاب النصارى ويرقصو جمهور=مع علوج النصارى واليهـود بـلال يـا لالـه
بعد ماضحـو بقـرم وتحدونـا بكـل غـرور=وهم كانـو عبيـدٍ لـه يطوفـو حـول تمثالـه
وعدّو ذبحتـه قربـان فعـلاً غدرهـم مشهـور=ويموت الكلب ذيله مـا انعـدل وافعالـه افعالـه
تبو من بعد هذا نمـد معهـم للوصـال جسـور=عليهـم لعنـة الله والحقيـر يــرد لامثـالـه
وحنـا ربنـا الله وكتابـه منـبـع الدسـتـور=بحكم القايـد الملهـم والـى مـن قـال طعنالـه
ملكنا الشهـم عبـد الله بحكمـه بيتنـا معمـور=يرفّـه شعبـه ويحمـل همـوم الامـه لحـالـه
من المغرب الى المشرق يعين ولا عليه قصـور=ولا يهتـم فـي راي ابـو وجهيـن واشكـالـه
ولو ماساعده ظرف الزمـن والعالـم المسحـور=عضيده يغني عن النـاس هـذي يـوم يبرالـه
ولي العهـد ابـو خالـد يسـد النايبـه والـدور=وهو العضد الامين بحل ابـو متعـب وترحالـه
ملوكٍ فـي قيادتهـم نفاخـر والشريعـه نـور=على العز وعلى التقوى مشو والخيـر بـا قبالـه
وانا لوني بريطاني او امريكـي وانـا ماجـور=اهني فيهـم الشعـب السعـودي لاخـر اجيالـه
لكن الحمـد لله مسلـم سعـودي بكـل سـرور=سعودي الوطن عـزي واعـزه والبـس بدالـه
ولكن من عوايدنـا تعلمنـا مانرضـى الجـور=والى من شفت اخوي بضيق انا والله ما ارضالـه
واشوف المشكله دايم تجي مـن داخـل الطابـور=واشوف ان اول الطابور مايسأل ويـش يجرالـه
والوم اللي يصب الماء على البارود خوف يثـور=ويبغـا يقنـع النـاس ويهوّنهـا مـن هبـالـه
بعضنا صبرهم زاد وتعـدا وخـش بالمحـذور=يطانـا الـذل ويقولـون عـادي مالـك ومالـه
يقولـو حقـن للـدم وسـلام .. ودمنـا منثـور=وهو مـا يحقـن الا دم بـوش الكلـب واذيالـه
ولكن هيه يـا حفـاد الصحابـه دمكـم مهـدور=تهيّـو للـقـا والـحـرب رجلـيّـه وخيـالـه
وحنا لاتمسكنـا بحبـل الله وصرنـا حضـور=نـرد المعتديـن ويفـرح التاريـخ بـا ابطالـه
طرحت المشكله والحل في تال الزمـن مهجـور=وهـو اول حـل واخـر حـل ولابـد نتهيّالـه
* محمد عوده القويعاني
________________________
