((مقدر اعيش الواقع المر بسكات))

((مقدر اعيش))


_____________

مقدر اعيش الواقع المر بسكـــات = غصبن علي من جور الايام ضايـق
بيني وبين افراح عمري مسافـــات = تعوقني بالحيل عنها عوايـــق
شيبي وهمي والضلوع النحيـــــلات = من غربتن بالعمر مابه وفايـق
ظربة عمر منها الجوارح عطيبــات = ولجل الرجى جربت كل الطرايــق
ورد الأمل في زحمت الياس مامــات = يحييه دمعي به رموشي غرايــق
بدايه اجاوب صرخة العمر بأهـــات = مادام حظي من عنى الوجد ذايق
ياليت خلي راح مع فايتن فــــات = أقفى ولا شب بظميري حرايــــق
أقفى عن أطلال(ن) فقدت به علامـات =جو الهوى فيها من اعوام رايق
يوم أعتذر وارسل على الخد عبرات =ألحق على جرح الضماير لحايـق
مظلوم أنا وقت الظروف الصعيبـات =ولاجي بروحي ماكان لايـــــــق

.
.
.
وسلامتكم


((منقول))

عابر الحره


سلمت

ومشكور على النقل

ولكن :

ليتك جبت اسم صاحب هذه الرائعه

كان يااااااااااا سلام

______________________________

اخي عايد السميري اسعدني مرورك العاطر..
والبنسبه لصاحب الكلمات ماعندي فكره عن اللي كتبها..لأنها قديمه لها حوالي 25 سنه .. ودمت بخير

يعطيك العافيه
أخوي على نقلك الرائع
وصح لسان من قالها

حقاَ قصيده رائعه ونقل اروع
شكراَ عابر الحره

عابر الحرة

سلمت يمينك اخي الغالي على هذا الطرح // النقل

ولك خالص لشكر

.

اخوتي...

أبوالعطاء,,

محمد السافري,,

محمود الجذلي,,

شكراً لكم من الاعماق على مروركم العاطر ودمتم بخير وسلامه..

** الكلمات .. لشاعر من حائل، نسيت أسمه.. وسوف ازودكم به عن قريب..
وطبعاً الكلمات تغنى بها الفنان /عبدالله السالم من حائل..

اخي حماد أبوشامه,, صدقت بكل ماقلت,, وياليت تزودنا به نحن بأنتظارك...
ولك جزيل الشكر لمرورك ودمت..بصحه وسلامه..

السلام عليكم
حبيت اذكركم بأن كلمات قصيدة مقدر اعيش الواقع المر بسكات
وغناها الفنان المعتزل/عبدالله السالم..
وهي كلمات للشاعر / فهيد السلطان.

وشكراً لك يالعابر على ذوقك الرفيع الرائع ..ولكم فائق تحياتي وتقديري..ودمتم بخير