قصائد المرحوم بإذن الله الشاعر عيد عوده العرادي
السلام عليكم ورحمة اللة وبركاته.........اما بعد
هذه القصيده للمرحوم بأذن الله الشاعر عيد عوده ناصرالعرادي الذي رحل عن هذه الدنيا قبل 6 سنوات نسأل المولى ان يتغمده بالرحمه والغفران
مناسبة القصيده:يتوجد فيها على رفاقه عند زيارته لهم وقد كانت الزياره الأخيره له حيث انتقل إلى رحمة الله بعدها وقد كان ملازما لفراشه لمدة سنه بعد اصابته بالمرض الخبيث اعاذنا الله وإياكم من شره
http://www.dewanalarab.com/uploads/38872ebbc5.jpg
القصيده
وصيت ابن ناصر ووصيت زوغان =من اجل ياحامد يجيبوك ليـه
لأني على شوف المحبين شفقان=والله عليم البينه والخفيه
نبغى نجد د عهدنا اللي مضى كان =قدام لا تارد حبال المنيـه
في وسط قلبي للمحبين مســـكان=يبلى بمثلي من يلوّم عليه
لولا المرض ياخوك ماقلت تعبان =لاجيك لونك براس ضبة طفيه
من حكمة المولى ماني بزعــلان=هو خالق آدم من دقايق حصيه
أطلب من المولى فسيحات الجنان=وانه يغفر اللي مضى من خطيـه
العشب في طيبه تفتح ازهاره
هذه القصيده للمرحوم انشاءالله الشاعر :عيد عوده العرادي ومناسبتها يطلب من رفاقه في رفحاء المجيء إلى المدينه
يالشيخ نبغى منك تاتي زياره ............. انته وربعا ياصديقي عزيزين
العشب في طيبه تفتح ازهاره ...............في مدلج الوديان مثل البساتين
قلبي على الاحباب تشتب ناره .............الجاهل اللي لام قلب المحبين
مانسى صديقي لو بعيده دياره.............. البعد بعد القلب وانتم قريبين
ياكيف ابنسى من لطيفا جواره .............اهل الكرم والجود والمذهب الزين
اطلب من المولى عزيز اقتداره ...............لو انكم تاتون يالربع عجلين
نبغى الوناسه مع امزوح وعياره ...........مازال حنا يافتى الجود حيين
المـوت حـق وكلنا باننتظـاره .........ياما فرق بين الاخو والخليلين
ترى ابو عواد رهـن الاشاره ......... مطلوبكم ياتي على الخشم والعين
سلام مني عد من دق طـاره ............واعداد مايذن لفرض المصلين
