مسكين ياحالن

السلام عليكم ورحمة الله وبركاته

مسكين ياحالن شكى غدر الايام=مـــاله غير الصبر يطفي لهيــبــــه
متغربلن مابين شعاع وظــــــلام=جاهل رفيق المصلحه عن حبيــــبه
طالت شقاوينا على درب الاحلام=وبخافقي ونات واهات دنيا غريــبه
الطيب في بعض البشر حــــــرام=وان طبت به صارت لك معيبـــــــــه
محنا من اللي يكرر ويعيد الكلام=حنا نراعي ظروف الناس الصعيـبه
وش مابقى غير تطبيق الاحكــام=والقاعده كل خلق الله تدري بــــــــه
ماحدن طلع من ظهر ابوه عــلام=لازم تدقه دنياه والحيره تصيـــــــبه
صرنا نشوف بخافي الوقت الغام= نبعدها وتجي من غيرها مصيـــبه
ابنصحك ياقلب لايروح فيك الهيام= ترى الدنيا خاينه ماهي صحيبـــــه
حظي ردي دايم الدوم دوام= مدام شي فيها والسنين تذيبـــــــــه
يالله يارحمن ماغيرك احد دام= ياعظيم الصفات صفات لها هيـــــبه
انك تيسر دروبي بكل الاحكـــــام=وتجنبني طريق الشر بكل اسالــــيبه

وسلامتكم

الشاعر: عبدربه عوده الحمري

المعذره على عدم تنسيق القصيده بالشكل المطلوب بس ودي اتسحر وهذا اللي عجلني اهم شي القصيده نالت اعجابكم
تحياتي

صح لسانك ولسان الشاعر عبدربه الحمري على هالقصيدهـ الجزله ..

صح بدنك اخوي سلمان ولاهنت على المرور
تحياتي

صح إلسانك أخوي عبدربه على هذا النظم الجميل وسلامي لك ولوالدك وإخوانك أجمعين وكل عام وأنتم بألف صحة وعافية .

صح بدنك اخوي حمري القريات وانا اخوك ودي اعرف انت من منهو من عيال من
وتحياتي

هذا اخوي الصغير يكتب ومايدقق بالكتابه ماعليش على المصطلحات الافغانيه بس ودي اسئلك ياخوي حمري القريات انت منهو
وتحياتي

الأخ / عزوتك بلي

محاولة جيدة والقصيدة قد تحتاج لمزيد وزن تقبل رأيي فوزن البيت الأول يختلف عن وزن ماتحته

تقبل تقديري ونقدي فبدون المصداقيه لن نحقق شيئاً

تابع إبداعك وانا من متابعيك

والسلام عليكم

هلا اخوي محمد بس ياليت تطرق لي عن عيوب القصيده
وبالنسبه للبيت الثاني لو تلاحظ نفس الطريقه في البيت الاول او بالاصح نفس التفعيله
ويبدو عليك عدم الاستطلاع على القصايد فحكمت على ان الشطر الاول من البيت الاول خمس كلمات
والبيت الثاني من الشطر الاول من البيت الثاني اربع كلمات هذا اللي خلاك تقول الكلام هذا
ياخي هذا بحر وانا امشي على اللحن بالقصيده
واذا عندك انتقاد نتقبله بكل سعة صدر بس يكون الانتقاد صحيح مو انتقاد مو واضح
اذا عندك شي قوله
ومنكم نستفيد
تحياتي

وعلى فكره ترى انا ماني عبدربه الشاعر بس من المعجبين فيه ويوم قلت الكلام هذا ياخوي عيد دقيت على عبدربه قال لايوجد قصيده ماتخلي من العيوب وانا القصيده ملحنها وجت معي كذا
بس انا بما اني من اخوياه واعلم بالشعر الشي الكثير من البحور والاوزان والتفعيله قلت هذا الكلام
تحياتي

عزوتي بلي يبدو ان الاخ عيد لايوجد عنده ثقافة بالشعر ولا يعلم فنونه
راي الخاص
وصح لسانك قصيده بقمة الروعه
تقبل تحياتي

صح بدنك اخوي محمد الحمري ورايك والله في مكانه تعرف وش المشكله انه اخونا عيد يقول القصيده يختلف وزن البيت الاول عن باقي الابيات ولم يخبرني بالخلل اللي في القصيده
تحياتي

يعطيك العافيه اخوي عزوتي بلي وكلن له وجهة نظر ياخوي عندك محمد يقول القصيده فيها عيوب مايحتاج تعصب وتجرح فيه كلامه ناخذه بعين الاعتبار وانا لاافقه بالشعر الشي الكثير انما مايطري علي اكتبه ولحنه واقول هذي قصيده ولك مني جزيل الشكر ولابد ياخوي عزوتي بلي ان ماتزعلك
الاراء لكي تكسب حب الناس والعذر والسموحه ان جاء مني او من اخوي عزوتي بلي قصور
تقبلو تحياتي