.
.
قصيدة من قلبي ..
لثله من الناس / الناس
ولا تمت لي بأي صله حسيه
يا عاطف * الجرح ملّ الجرح وايامي=على الرّصيف البشر قلبي يوزّعها
بأطراف أكبر مدينه سور بعظامي=ما كِنّي إلا أخاف الخوف يوجعّها
بأحياء / أحيا بس الموت مترامي=وكل عذر بايخ من المسئول يصفعها
شماعة الحزن منهم : هالبلد نامي=ومليون نامي على السكّه نجوّعها !!
يا قاطف الصبح تكفى تقطف أحلامي=لأبسط على دكة المعّوز وأبيّعها !
بالحزن الأيسر أببصم دامه إبهامي=كل سابقه من عَنا جوعي يرجّعها
بالروح : كل الشوارع ترسم أعلامي=بالدم : كنّا وما زلنا نودّعها
ليه التغاضي عن الحاله وأقدامي=كل صبح تصبح على أرضي وتزرعها
الشح شح القلوب السود يا ضامي=مدام ربي على ربعي موسّعها
زكاتهم .. كانت السايل من أقلامي=تملاني بالصوت لجل أرجع وأسمّعها!
العين ما بيدها إلا تخدم إلزامي=للدوله القلب كان العيب نازعّها
يا صاحبي هالحكي لايفسد صيامي=بأصوم لكن صيامي إني أبلعّها !!!!
"اللهــم أرزقنا حب المساكين "
أحمد عايد البلوي ..
20 رمضان 1428 هـ
.
