" خبــــل عنــزه "
شاعر الاثاره
شاعر الجدل
شاعر الجنون
http://www.ss9ss.net/up/uploads/e7b4ec751e.jpg
\
يا ابليس انا واياك ربع ورفاقه
ومن بينا ميثاق و عهود و صكوك
انته تورديني دروب الحماقه
وانا ليا ضيعت قمت العن ابوك
ياذا العور وان كان مافيك طاقه
مالك عذر وانته على المتن معكوك
عندي على درب المهالك لياقه
على الندى و الكسب يا ابليس مشروك
و الك الفخر يا بو البلا والشقاقه
اني انا شاعر ملك كان مدروك
شاعر ابو متعب صليف الطراقه
على زعيم من ورى الناس محروك
يا ابليس تدري وش حلاة الصداقه
اني ليا ضيعتها جيت للبوك
وغديت بين المحفظة و البطاقة
واتشكلت فرتك ميات وشيوك
و الغيت عندي ماتسمى علاقة
ما تنبنى طبعا على عطني و دوك
كثرت هروج مدورين الخناقه
يبون فتحت باب ما هوب مصكوك
واللي قهرني صدق ان اللواقه
مهوي وفارغ و فاشل و صعلوك
اسمع هديل و قل ما شفت ناقه
و متن الجرب مبعد و مهمل و متروك
و الله ما اندا الا على اربع عماقه
و انا وريث ملوك و اخاطب ملوك
عبدالله و سلطان و أكبر شقاقه
نايف وزير الداخلية وانا اخوك
و الرابع محمد وسيع نطاقه
ولي عهد ديار مبرك ومبروك
ما هو بغصب الا بطيب و لباقه
و تظن فيني وثق ما هو بمشكوك
شاعر طغى ما نيب شاعر اناقه
و الشعر اعلكه شب ما اعلكه علوك
أكثر ما احبه بالحياة الطفاقه
واكره ما اشوف الحر لا صار مملوك
و ياللي تعكز بي بعد جتك اعاقه
سلام وانته تدري بقافية اوك
يعني ابرفعها و اعرفك طباقه
ما تدري ان البيت واضح و محبوك
اقدر اوطيها عليك بسياقه
لكني اكبر منك مير انت غروك
لمير خذلك وردة وسط باقه
و دوج بسوق الفيصيلة و هردوك
و خلك قريب من صالون الحلاقه
و ليا شربت الببس لا تلحقه كوك
حنا هل الوجه و قوم الرواقه
اهل الدلال اللي بها الهيل مدكوك
ويلان من ويلان ساقه بساقه
في نجد و اليا شملت عرعر و تبوك
ومافيه حدٍ حد وايل و عاقه
روس مع العربان ما حنا بوروك
الورع منا لا لعب بالتفاقه
يرمي لحم ما يرمي عصي و جيوك
خبل عنزه مقفى العدو في نياقه
و افتكها و لا انت خبل و مفكوك
اليا اكلنا ما نحب الذواقه
نشبع و لا نترك للأنذال متروك
بسيوف ارهى من سلاحك بطاقه
وبأشبار أطوي من خطاويك ببلوك
ما حكتها ولا احب الحواقه
ربعك لهم بالمجد درب و محيوك
سلطانهم لا حل ذرى رواقه
شالوا ثقيل الحمل مير انت خلوك
الشعر حنا حاسبين احتراقه
عندك يوم ان اللي بجنبك تحدوك
الشعر انا ما جيت احسب اوراقه
جاني على لوكي و جيته على لوك
أكبر فخر للشعر اني نطاقه
و اكبر فشل للشعر من يوم رزوك
\
/
