همسة عواطف
عشقي خفي وأخفيه عن كل عشاق=عشق بدوي مابين عاشق ومعشوق
ياليت قلبي ما عشق يوم وأشتاق=لكن لشوفه يهتف القلب ويتوق
ينام في عيني ويسهر بالاحداق=يسهر معي في ليل هتان وبروق
مره معي واحيان ضدي ولا باق=بعده وقربه خوف من خاف محقوق
ينثر على اشجان ورده بالاوراق=ياخذ بدلها قلب شاعر وطاروق
ان غاب عني قلت باقي بالاعماق=اشوف زوله كل ما لاح مخلوق
أدري لنا قلبين والكل تواق=قلبي وقلبه قلب واحد بمعلوق
اذا خفق عندي بعد ذاك خفاق=همسة عواطف دم قلبين وعروق
من حد عرفي لاق زوله وما لاق=الا بعيني يهمس الشوق ويلوق
من حب شال ولا يفكر بالاذواق=يبقى عزاه اليوم في خاطري شوق
لا شك بين الناس تفريق واوفاق=يكفي شعورالحب وآخايله فوق
همسة عواطف من مشاعر وترياق= حب(ن) تمكن مابقاء لوعته ذوق
