هذي جزاة اللي يحبـك ويغليـك=هذي جزاة اللي على الغبن صبـار
جازيتنـي بالصـد ربـي يجازيـك=وارخصت دمعي يوم بيّحت الأسرار
مدري جفا هالصد يومي اناديـك=ولا تغلي,, وثقل,, أو قل مقـدار
اول عليك اغار واحن وارجيـك=والحين انا مابيك لو صار ما صـار
النفس طابت منك ماظـن تبغيـك=دامك نويت الصد مع سبق الاصرار
من كثر زلاتـك تعـدد أساميـك=خاين .. اناني .. متقن لكل الادوار
واليوم بانت لي بـوادي مواريـك=انك تبي فرقاي من صنع الاعـذار
لا لا تكلف جعـل ربـي يهنيـك=انا الذي بنهي كلامي وابا اختـار
جازيتني بالظلـم كنـي معاديـك=مثل الذي بالقتل,,,, جازا سنمَّـار
