دربي مع دروب الرجال المشاكيل= قرم وأحب أتبع رجالن قرومي
أهل الوفا والطيب نعم الرجاجيل= نعم الرجال اللي تسد اللزومي
حلوين الألسن مامشوا بالأقاويل= ماهم من اللي يجمعون العلومي
قلوبهم بيضاء بياض الفناجيل =يالله عساها ياإلهي تدومي
وان جا نهار العسر قول ومفاعيل =الشاهد الله باللزايم تقومي
لهم مواقف تنعرف بالتفاصيل= أهل الفعايل طيبيين السلومي
وأهل الردى ما شفت منهم محاصيل =عن دربهم لا شك رجلي تشومي
ماني وانا قاسم رفبق الدعابيل =عيبآ علي أتبع ردي العزومي
لا شك مالي معهم أية مداخيل= مبعد عن درب الرجال الرخومي
