ما بقى في صبح يومي وجه مشرق يا بدر=لا تعاتبني ونفسي ملّت مِّن إعّتابها
ما بقى من أحمد اللي تذّكر إلا ما ندر=أشكي الداري .. وداري تشتكي لأبوابها
ليت هذا الباب ما هو باب ومّكمّل جدر=يمدي أركان المحبة ما بكت غيّابها
صاحبي .. حاسب غياب وجيه في حكم القدر=غابت .. وغابت وجيهٍ ما حسبت إحسابها
أوّل .. أجمعكم قبل لا أحس في ضيقة صدر=كيف أجمعكم وصدري ضيقته غنّابها
كيف أجمعكم من المنفى تحت ظل السدر=لين غيم الذكريات يبلّ حزن إترابها
قبل .. تضحكنا قلوبٍِ تشتكي ظلم وغدر=صار .. تضحكنا قلوبٍ وافيه لأحبابها
جاهل.. اش يعني غياب ؟ أوهم أو ضيق وكدر=لين نفسي عن حياتي لاذت بمحرابها
آآآه منّا ..وآآآه منك .. ومن عتابك يا بدر=غنّ للقرية : .. بنحّيا لرّجعوا غيّابها
أحمد عايد البلوي
جريدة الإقتصادية ــ بالمحكي .. 5/12/1428هـ
http://www.aleqt.com/news.php?do=show&id=108066
.
