يتعرض اكثرنا الى مواقف في حياته اليوميه اما سعيده او تعيسه ..
ومنا من يكبت ومنا من يفضفض.. وها انا اليوم احببت ان افضفض لكم..
لانكم انتم من يستحق الثقه..
موقف من عدّة فصول ..
اترككم معه.
ثاع القصيد لخاطري فزعة انسان=غنى لحون الشيل والسامريه
للصاحب اللي حسبته مثل الاخوان=لا غاب ذكره دوم يطري عليه
جيته وانا للقياه بالحيل ولهان=ماهمني المشوار..روحه وجيه
دقيت بابه قاصدً شوف(ذيبان)=وطلع رسول سايق الرجل ليَه
قلت السلام..ازهملي اخوك(سلطان)=وكنَه يجامل يوم رد التحيه
وجهه تقلب عدَة اشكال والوان=يومي نشدته عن مرابيع خيَه
ونظرة عيونه للمكاتيب عنوان=كني اشوف الرد كلمه رديَه
شيطان صنفه..واتفق معه شيطان=والناتج المعروف خطه دنيَه
قال:..ترى رفيقك موعده قرَب وحان=مشغول فكره بين هذي وذيَه
ومن سفرته مابعد جا الى الان=مثلك فهيم اوضاع ماهي خفيه
وقلت:..
عسى السلامه تتبعه وين ماكان=وصَل سلامي واعتبرها وصيَه
واقفى وقلت بعالي الصوت يافلان=انت تعرفني ..ولا مشبَه عليَه
قصدي يزول الشك وآصك بيبان=تفتح على مشراف درب الزريَه
وابعد عن المنقود في قدر الامكان=واتبع رفيع الشوف واكون زيَه
وعوَد علي وقال في طولة لسان=لاما اعرفك..ولاعندي للعرف نيَه
وابل كلامه انطلق مثل نيشان=كلمه وخلَت داخل القلب كيَه
والحين فمَي بأكثر الهرج مليان=لا صار مثلك من بدا بالخطيَه
والكلمه اللي تنطلق دون ميزان=سمٍ دخل بالقلب من ناب حيَه
لا تحسب اني يومي لك جيت عمسان=قصدي اخلي هالعلاقه قويَه
طاروق شعري يطرب الانس والجان=يسكن قلوب(ن) دون اذن وجهيَه
هذا قصيدي رتَب الوضع قيفان=يقدَم(عتابي) مع حروفي هديَه
وان كنت مني يابيض الوجه زعلان=آسف وكل(ن)..يبتعد عن خويَه
علي البلوي..
