سبعة أبيات من شاعر هذيل عبدالله المسعودي رحمه الله

يلسانـي احـذر عـن فمـي لاتعـدا && قدام لااعضك على الضرس والنـاب
احـذر تـودي هرجـة(ن) مـاتـودا && اذا بـدت قالـوا لـك النـاس كـذاب
اللـي تعـشـا بالـكـذب ماتـغـدا && واللي تعالجبـه مـن السقـم ماطـاب
واحذر ثـم احـذر بالـردي لاتجـدا && حاجتك ماتقضا وسـرك مـع البـاب
مـن يـوم مايفهـم حقيقتـك صـدا && واصبح يسولف بك مع الناس الاجناب
عـز الله انــي تـبـت وابتـعـدا && توبة نصوح(ن) عند دروب الخطا تاب
واحدي عن اصحاب الـردى واتحـدا && خله يقولون العـرب مالـه اصحـاب
منقول

سلمت يمناك على النقل واتحافنا بهذه الحكم

يلسانـي احـذر عـن فمـي لاتعـدا && قدام لااعضك على الضرس والنـاب
احـذر تـودي هرجـة(ن) مـاتـودا && اذا بـدت قالـوا لـك النـاس كـذاب

وياليت يكون عند كل واحد هذا المبدأ

تقبل مروري

ابوظميان
شكرا على مرورك
اخوك القصير

السلام عليكم ورحمة الله وبركاته .................................................. ........


يا أخي ويا ابن القبيله / القصير ............انا حسب وجهة نظري الخاصه واتوقع انها وجهة نظر اي شخص ينتمي للقبيله (بلي) انه يتمنى انك تنشر قصائد لي ابنا القبيله والشعراء اللي ينتمون لقبيلة بلي افضل من انك تنشر قصائد ناس يعتبرون هم الاشهر باالساحه الشعريه على ان عندك باالقبيله شعراء كبار ولكن عدم نشر قصائدهم مني ومنك ومن ابناء القبيله يعتبر عيب منا كاابناء قبيله ارجو من الله ثم منك انك تهتم بشعراء قبيلتك افضل وانا لا ارى ان هولاءالشعراءينقصهم الشهره لكي تزيده انت يااخي شهره.................





تقبلوا تحياتي
اخوكم /قرنـــــــــاس العصباني

اخي القرنا س العصباني وفقك الله
رسالتك وصلت
وكل عام وانت بخير

اشكرك اخوي / القصير
على تفهمك وجهة نظري



اخوك / قرناس العصباني

القصير

الله يعطيك العافية على هذا الطرح ولاختيار

وسلمت يمينك ايها الرائع

,

ولك مودتي وتقديري

,

تسلم يا القصير
ابيات جزله 0 الله يعطيك العافيه