قصيدة غزلية جميلة جداً

يا مل قلباً هام من كثر الاحزان=يخفق كما الشيهان طرق الجناحين
قلب العنا ما لاق والفكر حيران=روابعه تزداد من روعة البين
قلب العنا يا ناس بالحب هيمان=وأهل المحبه من قديم معنين
قالوا علامك ناحلاً قلت هويان=داي ودواي وعلتي داعج العين
اسباب علي بايناً للملا اعلان=من فرقة المحبوب ذقت الامرين
بلاي غرو ناعس الطرف فتان=واف الخصايل كامل الحسن والزين
الزول عود الحور أو مطرق البان=او غصن موزاً ناعماً بالبساتين
ابو عيوناً كنها عيون شيهان=تصيب بسهوم المحاجر نياشين
وأبو ثمان كنها حب رمان=وأبو نهوداً ناعمات تقل تين
ادخل على الله ما كشفها للاعيان=لاشك شفت امثالهن بالدكاكين
الله وكبر يوم طلت بفستان=بدراً تعلا فوق كل المزايين
غرو سقاني بالهوى سم ثعبان=حبه طعني بالحشى بغير سكين
بيني وبين صويحبي صار هجران=وارجيه بين الحين والحين والحين
اذكر عهود الحب يا سيد الاحسان=لاعل ما طاوعت هرج البغيضين
وإن كان ما تذكر وداداً لنا كان=أعطيك مدلول العهد بالبراهين
وأن كنت مني ياريش العين زعلان=العفو لاتكوي ضميري بنارين
اليوم جيتك من ورى وادي نجران=شفي بقربك غايباً عدة سنين
قالت ظلمت وكل ما قلت بهتان=بيني وبينك سابقاً ما جرى شين
أنا عفيفه ما تشقيت بإنسان=ولاني من اللي يعاهدن الغلامين
تيهت قصدك يافتى وأنت غلطان=وأظن غرك يوم أحاكيك باللين
دور على خلك ولا لك بنا شان=واعرف هدف ممشاك من وين لاوين
وإن كان خلك للمواثيق ما صان=هاذي مواضيعاً تهمكم الاثنين
لا صار ما تبنى على صلب سيسان=تنهار بك كنه جدار من الطين
قلت أشهد انك بايق العهد خوان=بقت العهود ولا تعرف القوانين
سحرت قلبي في طلاسم سليمان=وعاملتني يا زين في سلم لينين
ونكبتني يا شوق نكبة حزيران=وغصبتني غصب اليهود للفلسطين
وتجور بيه جور تيموز لعمان=ونفيتني نفي اليمن للسلاطين
وعملت ضدي حق نقض الامريكان=وعزلتني كعزلة الامم للصين
وخليتني يا صاحبي مثل لبنان=متمرجحاً ما بين لندن وبكين
وهزمتني كما انهزم جيش الالمان=وسلمت لك تسليم هتلر لبرلين
لاشك مانقبل على النفس خذلان=ولا يقبلون الجور كود الرديين
يا بايعاً ودي ببخصات الاثمان=من باعنا بدرهم نبيعه يقرشين
خلك تولي مثل ما قال راكان=نشوم عنك ونقتدي بأبن حثلين
القى سواك من الغنادير غزلان=غرو مصافي من رعابيب الادنين
نهت ودنك وانقلب وجهه اللوان=وبان الغضب في مستهل الحجاجين
هلت سكايب دمعته فوق الاوجان=قالوا العفو توي تذكرت هاللحين
والله ما قصدي جحوداً ونكران=ومن تاه يعود النظر بالتفاطين
لا شك شفت الشيب في عارضك بان=وأنكرت كيف أنه يشيب ابن عشرين
عند البداية ما عرفت أنك فلان=ومن التغير ما عرفت أنت أبن مين
ما قال ابن عبار في نضم قيفان=نضمت من غاية ضميري تلاحين
وسجلت في شعر الغزل فيك ديوان=واكملتها يا ناعم العود ستين

طبعاً القصيدة أطول من ذلك وهي ستين بيت ولاكن هذا ما وجدته منها مع العلم اني أجتهدت كثيراً لكي أجدها كامله ولاكن دون فايده

القصيدة للشاعر الكبير : عبدالله أبن عبار العنزي وهو من اهل الشمال

قصيدهـ رائعه وجزلهـ صح لسان شاعرها \\ سلمت يمين ناقلها

تحياتي لك
وليد البلوي

ما أدري ليه القصيده تظهر بهذاااااا الشكل الهزيل مع العلم اني حين المعاااااينه ظهرت جميله ومنسقة ما أدري وين العله .................................!!!!!

أخي الكريم / الصعب

عوداً حميداً ، إشتقنا لك

إختيار رائع للشاعر إبن عبار

و شكرا لك

اقتباس:

---

المشاركة الأصلية كتبت بواسطة الصعب

ما أدري ليه القصيده تظهر بهذاااااا الشكل الهزيل مع العلم اني حين المعاااااينه ظهرت جميله ومنسقة ما أدري وين العله .................................!!!!!

---

أخي الغالي عند النقل من منتدى أو من ملف word تظهر بالشكل الذي لاحظت و حتى تظهر بشكل مناسب إحفظها في المفكرة على شكل txt ثم إنقلها هنا و اعمل لها التنسيق المناسب .

يعطيك العافية

شكراً لك لاطلاعنا على هذه القصيده الجزله ..

واستئذنك بنقل القصيده إلى موقعها المناسب

وليد البلوي الله يسلمك من كل شر ياارب شاكر ومقدر لك تعليقك الجميل مع التوضيح أني أحفظ القصيده عن ظهر قلب ولم انقلها من موقع أخر .


اخوي : موسى بن ربيع البلوي تشتاق لك العافيه والرائع هو انت بردك الجميل

حيا الله موسى بن ربيع المشكلة اني كتبتهااااااا كتابه لحد ما تورمت أصابعي لاكن الحمد لله ما راح تعبنا خسااره

حيا الله سلمان هلا وغلا ولاشكر على واجب تستااهلون كل جزل وبعدين وانا اخوك أبد أنقل ولا تشااور وانا أسف أذا وضعتها في غير مكانهاا تخبر اخوك بدوي وما يعرف الترتيب والتكتيك اهم شي قصيده في صفحة قصيد ههههههههههههههه

الصعب

دائما ً صعب بإنتقائه وروعته

أنت رائع بالفعل
ياصعب

وصح لسانك
ولسان إبن عبار الغني عن التعريف