البيت الذي جاراه اكثر من 20 شاعر
بسم الله الرحمن الرحيم
السلام عليكم ورحمة الله وبركاته
هذا بيت من الشعر بدعه الملك فهد بن عبدالعزيز رحمه الله قبل فتره من الزمن وقام بعض الشعراء بمجارة هذا البيت
حنـا هـل العوجا ولابـه مـراواه
شرب المصايب مثل شرب الفناجيل
المـلـك فـهــد رحـمــه الله
حنا مريض القلـب نـدرك مـداواه
وندرك على الشدات طيب الرجاجيل
الاميـر سـعـود بــن محـمـد
عادتنـا ماطـال للمجـد نـرقـاه
وصيـةٍ معنـا لجيـل بعـد جيـل
الامــيــر خالـدالـفـيـصـل
تاريخنـا بالـدم يـامـا كتبـنـاه
والليوم صار مداده الـورد والهيـل
الامير بـدر بـن عبـد المحسـن
وان كابرونـا مالنـا نـد نرضـاه
الا السحاب اللي به الويل والسيـل
الشاعر طلال الرشيـد رحمـه الله
حنا سنام المجـد والعـز والجـاه
وفرسانها لا ركبوا الجيش والخيـل
الامير عبدالعزيز بن سعود بن محمد
قمنا بشرع الله وذدنا عـن حمـاه
دستورنـا القـران ماعنـه تبديـل
الامير خالـد بـن سعـود الكبيـر
صغيرنـا يولـد ومجـده بيمـنـاه
الله خلقنـا للصعيـبـات تذلـيـل
الاميـر سعـود بــن عـبـدالله
درب الخطر بقدامنـا كـم وطينـاه
ماهمنـا العثـرات ونعـدل الميـل
الامـيـر خـالـد بــن يـزيـد
نرفع شعار الدين والبيـت نحمـاه
فيمـا فعلنـا ماعلينـا مداخـيـل
شاعر الوطن خلف بن هذال العتيبي
حنا الذرى من حده الوقـت ينصـاه
من فضل من رد ابرهه راعي الفيل
الشاعر احـمـد الـنـاصـر الـشـايـع
افضـل طريـق للعدالـه رسمنـاه
للناظرين اوضح من الجدي وسهيل
الشاعر رشــيـــد الـــزلامـــي
كم فعل طيب نفعلـه مـا حكينـاه
نبي رضا من نـزل الذكـر تنزيـل
الامير عبدالرحمـن بـن مساعـد
من يفعل اللـي بالملاقـى فعلنـاه
ومن مثلنا بالفضل من غير تفضيل
الامـيـر سـعــد ال سـعــود
حنا الى لحق الخطر منتهى اقصـاه
نقلـط عليـه مجرديـن المساليـل
الشاعر عـبــدالله بـــن عــــون
يشهد لنا الاجرب وشامـان زكـاه
وشلفا فهد والرمح والخيل والليـل
الشاعر غـازي بـن دخيـل بـن عـون
نظامنا شـرع العـدل والمسـاواه
اللي تنزل به على النـاس جبريـل
الشاعر فـيــصــل الــريــاحــي
نشري ثمين المجد لو غلى مشـراه
في ساعة فيها السبايـا زعاجيـل
الشاعر راشـــد بـــن جـعـيـثـن
سرنا بدرب المجد حتـى وصلنـاه
احرار ماتفـرض علينـا الاقاويـل
الشاعر صــيـــاف الــحــربــي
حنـا علمنـا فـالمنابـر رفعنـاه
في كل دوله غير دولـة اسرائيـل
الشاعر حـبــيــب الــعــازمــي
حنا الدروع اهل السيـوف المحنـاه
ريف الضعيف ودرة فـي نهرنيـل
الشاعر مـسـتــور الـعـصـيـمـي
منقوووووووووووووووووووول
وشكرا
رد: البيت الذي جاراه اكثر من 20 شاعر
شكرًا لك أخي القصير ....... على هذا النقل الموفق بكل ماتعنيه كلمة موفق.
بارك الله فيك .
رد: البيت الذي جاراه اكثر من 20 شاعر
القصير
يعطيك العافيه
بيوووت جزله من شعار كبار لهم اسماء لامعه بالساحه الشعريه
والله يرحم الملك فهد ويسكنه فسيح جناته
رد: البيت الذي جاراه اكثر من 20 شاعر
يعطيك العافيه اخوي
وسلمت يداك على النقل
رد: البيت الذي جاراه اكثر من 20 شاعر
الاخ الفاضل/ القصير
شكرا لك على هذا الاختار الجميل والرائع....
امل قبول مروري.....
رد: البيت الذي جاراه اكثر من 20 شاعر
القصير .. تشكر على نقل هذه الروائع
رد: البيت الذي جاراه اكثر من 20 شاعر
أبيات ولا اروع من شعراء كبار بحق ..
