كــشـتة أمـ خـلـف ..
السلام عليكم
أتمنى تكونوا طيبين وبصحة،، حبيت بأول موضوع التقي فيكم يكون ابتسامة==>موافقة حتى لوتكون صفرا(:
قصة كتبتها ولو أعجبتكم وتحمستوا لها وحصلت تفاعل بكمل لوما أعجبتكم آسفة إن ماكان موضوعي بمحله،،
نبدأ بسم الله:
كشتة أم خلف :
يامليحة فكي الباب تفككت حنوكتس من خادمة==>معربه اسمها من مرني لمليحة
=هاديير ماما هادير،ميين دوق باب
"أنا خلف عساتس منتي بخلف أهلي فكي
_هلا هلا بولدي هلا
"سلام يمه شخبارك عساك طيبه وفي هذه اللحظة يمطخ أمه على دماغها بزيك المطقة التي كادت إن تشفط دماغها وضواحيه==>اتعب عالتعليق
_يرضالي عليك ها بشرني ياولدي هو عينت لي وظيفة ولا لأ؟
"يايمة الله يعافيك وش تبغي بالتعب مقصر عليك بشي ناقصك شي؟
_تتمغط غديها تنزل دموعها==>معصي،
ياولدي انابقضي طفش والله إن تمرمر كبدي من أشوف أم مطلق وأم محمد توظفن وانأ جالستن بهالبيت ودي أتسلى ياولد ودي أتسلى عقب أبو خلف ضقت وانأ ميتك إهئئئئ
"بس يمه لاتبكي مالك الااللي يرضيك بالغالية بس وش ودك تتوظفي يميتي؟
_ودي فراشة بإدارة التعليم أو تاجرة براقع ==>ياحبيلهن طموحات مواكبات العصر
"تأمري يمه مايصير خاطرك إلا طيب يلايمة بدخل أنام تعبان
&&&&&&&&
وفي اليوم الثاني يدخل خلف وصوت صراخه يهجج ديره:
"يممممممممممممممة يا يممممممة
_وغمممة تغمك وش بلاك يالسفيه فزعت الحارة
"أبشرك يمه لقيتلك وظيفة وظــ...
_وشهو وظيفة أنت صادز يمه وظيفة كلولــ...
"يممة ادخلي على الله مانيب ناقص ديون زغرتي يوم جبت حليمة وتناثرت ضروسك تقل رصاص لكن يمه ودي تخبريني كم عمرك؟
_هاه والله مدري يمكن ٣ اوثلاثه وواحد وبدت تعد على أصابعها واحد وواحد وواحد يصيرن ثنتين وواحد ووواحدتين يصيرن ثلاث
"كخخخ يممة وشبلاك دقرتي أقول يازينك الكتاتيب حد علمهم واحد اثنين ثلاث
_أقول لاتكثر هرج وشهي وظيفتي
"دكتورةيمة==>يستهبل
_وشهو ها طبيبه لاوخلاقي ماودي ماعينت الاطبيبه لله قولهم ماني موافقة==>صدقت
"إيه أزين مايصير الأم طبيبه والولد طبيبه يممةوالله لولقوك ببلاش ومعاك مليحة وانأ مجان ماخلوك طبيبه،يمه خابرةقبل كنتم تقولوا إنكم ساكنين البر؟
_إي يميتي لبش
"أبشرك كانوا كاتبين إعلان وضايف دليل سياحي بالنفود لوفد مصري واقبلوك وكان تيسرت باتسر تأخذين عفشك وتمرحي بالمعسكر وبعد القابلة تأصلن أنتي والوفد وتدربي بهن بالنفود أسبوعين وشرابك يمه
_يعني أصير الرئيسة وعريفة عليهن!
"إي يمه توريهن البعارين والضبان والغزلان والحباري والحلال
_إي وانأ أم خلف لكن هن وش يرجعن منهي لابتهن؟
"يقالهن مصريات يمه مصريات
_زين زين بس البندق وينه ياحليمة زهبي خيشه القدور وسفطي مدرقاتي ومسافعي واياتس تنسي الديرم وغليوني:cool: ==>ياقدمها قدمااه:D
،هادير ماما والله من قبل طلوع الشمس وأم خلف وخلف يحطوا عفوش أم خلف بالشاص وما أن انتهت صلاة الفجر إلا ولا ترى إلا غبار الشاص
وبالطريق حيث يبعد المخيم حوالي (٢٥٠واط/هيرتزمربع.كلغم)
!==>لادقق
خلف ماسك أمه توصيات وأمه ساحبتن عليه وتشرب غليون
"يمه انتبهي لأوصيك قدورنا لتضيع والديرم حقك ترى يابليت لقيناه ماعاد باقي الامعاك ولاتنامي وبناجرك ماهي بيدك يغدرن بك الحميرات*
وافهقين يمه وسعي صدورهن وانتبهي تعصبي تحسبيهن خلف والله إن يدفننك محدن يدرى بك
_امعصي والله إن بندقي معاي وانأ بنت سويلم إن لأجيب اخبرهن
في هذه الأثناء (هبت ريح الهدوء وساد الصمت)==>أخذت وقتي بهالجملةابعدي مثقفة
،فقطعه صوت أغنية وداعية ياآخرليله تجمعنا وداعيية وجلس خلفان يسمع ويناشق إلى إن وصلوا المخيم....
&&&&&&&&&&
دخلت أم خلف وسنها الذهب يبرق وبناجرها درزن ودراعتها أم ترتر وفصوص وخط الكحل اللي شاق عيونها شق ==>تسمى كشخة
سلام عليكن ياالله إن تحيهن ياهلا بكن يالبناخي هلا وتبدأ تمطق بهالحريم وترصهن رص فرطع ضلوعهن تفرطع وبعد ماتمطقهن تدنق رأسها==>غصب يحبنها عراسها
والشعب الموجود مشبهات عليها
وطبعا مابقت سابع جد تسأل عنه شلونك شلون اهلك وضعافينك والرجال وأحوالكم انتم طيبين و و و الخ
طبعا الوفد كان ٦حريم كانوا جالسين بمخيم==>أبو الخيمة
ولأن صوت نحنحة تغطن ياحريم احم احم بيدخل مدير الشركة إلا أم خلف تنسف البرقع على وجهها وتبحر يمنة وتبحر يسرتن==>خخخ أم اللغة،
الاوالله محدن تغطى ألاهي وتزرط ريقها وتبقق عيناها وتلقي ذيك الخطبة العصماء قدام المدير :
ياقليلين الضمير والأمانة تسذبوا على خليف وتركتوني بينكم يالرياجيل الساعة تنادولي خلف أولدي محرم وإلا والله إن لثور فيكم ببندقي وانأ بنت أبوي تراني قرمة بنت قروم يالرخام ماعاد ألاهي ودكم تغيلون عسى بقعة تصكم جميع
وفجأة يعلوا التصفيييق والتصفيير وإلا الوفد يتراكض كلن تبي صوره مع أم خلف ظنا منهم إنها تقول كلمة ترحيبية باللغة البردقانية نادي المدير أم خلف على جنب وفهمها إنهن حريم وأنهن ظلن كاشفات قدامه لأن له عادات وتقاليد غير عنا وحلفلها إنهن حريم .
سلم المدير أم خلف ددسن غماره وزودهن بمستلزمات الرحلة من خيام وعدة واتفقوا إن بكرة تبدى أول أيام الأسبوعين وتسحيبها بالوفد المصري وصيدها للظبان وتقحيصها بالعالم اللي معها ..
يلا عاااد لاتفشلووني وابي تعليقات ..
:)
تحياااتي ..
