ناحت هدى وأخاف لا تموت عزه=والامر واضح ياعرب كل الازمان
لبنان ناحت وأنتخت دون غزه=تى أصبحت في حالها مثل لبنان
يالله أنا طالبك نصرك ترزه=تظفي علينا الامن في كل الاحيان
حتى يجينا يوم وللكل فزه=فزت جهاد النصر من كل الاوطان
أول جهاد النفس في كل حزه=بعد التمسك دين في خمس الاركان
روح الموده بيننا من معزه=والحسد يرحل من ضماير بالانسان
وتبقى المبادي ثابته منٌ يهزه=الا اعتدال النفس في طوع رحمان
والحقد يرحل والروابط تجزه=جزة فساد الحقد مع كل شيطان
ونوحد قلوب(ن)بعيداً مدزه=روس(ن) توالف والضماير لها شان
بالعلم والايمان نلحق مفزه=نفز من هذا التخاذل ونسيان
هذا كلامي من ضميري وأدزه=ماهمني بالله واحد ولا أثنان
ما عاد فيها حل يا كود لزه=على عدو الله بالعلم وأيمان
ونعدل التفكير مع كل خزه=نظره بعيده والتكاتف لعدوان
صلاة ربي عد ما اهتز هزه=غصن(ن) تهزه ريح من بين الاغصان
على النبي المختار والدين عزه=محمد رسول الله من نسل عدنان
