لاحظت أخطاء سلوكية في حياتنا ...
فحبيت أن أوضح لكم الخطأ ... وأحاول أن أصلحه لكم بسلوك تربوي أبوي ...
بسم الله نبدأ ..
خطأ:
عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...
الصحيح :
تمسكه مع ثوبه ... وتصكه بالجدار .. وترفسه مع بطنه .. وحبذا تنهيها بركبة وإلا كوع ...
ثم ..
تقوله شيل الكتب .. ومرة ثانية فتح عيونك يالوح ..
خطأ :
تفتح الإشارة .. ثم يعلق البوري لك االي وراك ... ثم تطالع في المراية ... وتلقاه يهاوش ومعصب ..
ثم تلوح بيدك تتأسف ...
الصحيح :
تنزل له بمفتاح العجل .. أو عجراء ... وتطق القزاز عليه ... وأول مايفتحها ... جرّه مع شعره ...
واجلده لمين يقول العيد الليلة ...
ثم ..
قله مرة ثانية تصير الاشارة خضراء .. تصير حمراء .. تصير زرقاء ... تاكل هوا وتسكت ..
خطأ :
تدخل المحاضرة متأخر ... يقولك الدكتور اطلع برا يامهمل .. ياللي فيك ومافيك ... ويصك الباب بوجهك ..
ثم تروح حزين ...
الصحيح :
تنتظره بسيارتك .. وأول مايحرّك لبيتهم .. حدّه على ماصورة ... والا جدار ... والا حاول تخليه يصدم سيارة ..
ثم ..
طلع راسك مع الشباك ... واضحك ..
خطأ :
جالسين أنت ومجموعة من الشباب ... وعندكم بباسي ... وطلعت تبي تغسل ... فيقوم صديقك ويرج الالعلبه ...
ثم تجي تبي تفتحه .. ثم يطيش بوجهك ... ويضحكون عليك .. فتقول ...
هههههه الله يرجك والله لارد لك المقلب ..
الصحيح :
تمسكه ... مع رجليه ... وتبطحه بالارض ... وتجيب علبة ببسي .. وترجه رجا مبرحا ...
ثم تفتحه بوجهه ... ثم ..
تقوله لاصرت أخوك الصغير ... والا تمون علي .. نكّت معي هالتنكيت ...
وهالمرة بسمح لك عشان خاطر الموجودين .. والا تدري !! ... >>>وش دعووه
ثم عرفط العلبه... وحطّه بجيبه... وقله لاتطلعها من جيبك الا اذا رحنا...
خطأ :
تحلق عند حلاق ... ومتحمس تعلمه سو كذا ... وسوي كذا ... وهو يقولك .. أنا في معلوم ..
أنت بس ارتاح ... وتتركه ... وتلقاه حالقن نص شنبك ... ثم تهوشه هوش ...
وتحاسب وتطلع ... وتقول بنفسك والله ماعمري أحلق عنده ...
الصحيح :
تاخذ الموس ... وتخربط براسه ... وشنبه ولحيته ... وإن حصل تحلق راسه عكس مو شينه ...
ولاتحاسبه ... وحبذا لو جلدته ... (( على حسب الموجودين ... لو ماعنده أحد أجلده )) ..
ثم .. قل بينك وبين نفسك ... ماعمري أحلّق عنده ...
خطأ :
تمشي بالحارة .... مثلا رايح للمسجد ... ثم يجي بزر من هالبزراين ... ويفلقك بحصاة ..
ثم تلعن الشيطان وتعوذ من إبليس ... وتكمل دربك .. تقول بزر ماعليه شرهه ...
الصحيح :
تاخذ لك بلكّه ... وتحلته عليه ... إن ضربته ... فهو خير ونعمة ...
وإن ماضربته ... خذ عصا .. وامسكه واجلده ...
إن صاح خير ونعمة ...
وإن ماصاح .. فاتركه ... ورح صل وانه التزاماتك... ثم ارجع له .. وتفرّغ له ...
أكيد مو متحمل لمين وقت الصلاة الثانية ... وعلى مسؤوليتي بصيح ...http://www.osrt-alula.com/vb/images/smilies/mad.gif
خطأ :
راكب سيارتك مستعجل ... وكل اشارة توقف عندها ... حتى الاشارات اللي مافيهن أحد ..
الصحيح :
حتى لو انت مو مستعجل ... اقطع الاشارة ... الاشارة حطوها للي مايعرفون يسوقون ... ومو جزومين ...
خطأ :
ساكن بالدور الأرضي ... وفوقك ساكن واحد ... وصارت الساعة وحدة ... وأنت بتنام ...
واللي فوق لجّه وصجّة ... ماتقدر تنام ... ثم تروح لهم .. وتدق عليهم ... وتقول لهم ..
ترى سويتوا ازعاج وانا بنام ... ثم ترجع .. وتلقاهم نفس الحالة .. ثم تقول ..
الله يقطعهم ماخلوني أنام .. وتواصل للصبح ..
الصحيح:
دق على محل ستالايات ... وقله نبيك تجي تركّب لنا الطبق بالسطح ... ولاتنسى تجيب الدريل معك ...
لأننا بنركب خمسة .. الليلة بس .. ثم واصل للصبح ...
خطأ :
متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك ...
ثم تقوله ليش ياخي ماتشوفني متابع؟؟
الصحيح :
صكه بالمركأ ... ولحقه بكاسه والا طفاية ... وخذ منه الريموت .. بدون ماتكلمه ... وحط فيلمك ...
وتابعه بصدر رحب ...
ان شاء الله ما طولت عليكم ... <<< خطأ http://www.osrt-alula.com/vb/images/smilies/biggrin.gif
الصحيح:
اذا طولت هذا شيء راجع لى وبكيفى وإلا من قال لكم تقرون http://www.osrt-alula.com/vb/images/smilies/mad.gif
أنتظر ردودكم الرائعه >> خطأ
الصحيح
ترد يعني ترد ولا :mad:
