الكلمه اللي قلتها يا اريش العين=وش مقصدك يالترف عطني جوابك
وش قدرك للكلمه اللي تقولين=كيف القدر يازين بالدرب جابك
قولك لفاني زود الجرح جرحين=رميتني يازين باوسط عذابك
قصدك موده والاقصدك تشقين=والا تبي بالجوف تطعن حرابك
عطني الصراحه من شفاياك يازين=لا تودع المجبور يطرد سرابك
ترى الحقيقه منك يازين تكفين=مشكور الى انك قلتها من إعذابك
قلب العناء من سبتك لاعه البين=يرجي مطركم يوم خايل سحابك
وده بشوفك كان تقدر توافين=على بساط الود يطلب عتابك
عذري معك من غاية الشعر بيتين=نبي نجس النبض ونطق بابك
هاذي سلوم اهل الهوى والمحبين=أكرر المطلوب عطني جوابك
وهي من قصائد ربيع العمر
مع تحيات
اخيكم محمد ظاهر الميهوبي البلوي
