لعيون راشد منقرة مبدع القاف

السلام عليكم و رحمة الله و بركاته

تحية للشاعر / راشد فرحان منقرة البلوي ,,

نجم اضاء في سماء أبو ظبي .. و حمل معه اسم قبيلته .!

اسال الله له التوفيق ,, و فاله البيرق .

وتحيه لكل من وقف معه وسانده في هذه المسابقة ..,


.
.


لعيون راشد منقرة مبدع القاف
..............................تزيني باجمل حلل يا القصايد

حوّلك درة زينوها بالاصداف
.............................و نظّم حروفك مثل نظم القلايد

جديد نظمك خالطه نظم الاسلاف
.......................مثل الزهو من فوق خضر الجرايد

ياكن بين ابياتك الغر ميلاف
..........................من ضامره صارت بيوتك فرايد

له مع جميل القول والشعر ميقاف
.........................مابه صعيب و لا على القرم كايد

ينزل كما غيث(ن) على الارض هتاف
.....................ويصعد كما صقر(ن) شمخ للنوايد

في شاطي الراحة كثير البشر شاف
.........................وشلون راشد لاعذب القول رايد

نسل الحرار اللي صعيبين واصلاف
...............................حماية التالي نهار الشدايد

يوم القبايل بينها حرب واخلاف
...........................سعد الذي صاروا لربعه سنايد

باسم بلوي راشد علا راس مشراف
..........................يا عزوتي في ديرة الشيخ زايد

رجواك يا منزل تبارك والاحقاف
.........................ياللي جعلت الخلق عايش و بايد

راشد عساه لبيرق المجد خطاف
.........................يرجع لنا في بيرق المجد عايد


.
.

الشاعر / فالح عايض السميري

.
.

ابو عمر سلمت وسلم قلمك


بارك الله فيك واكثر من امثالك

وصدقني استاذي اليوم يوم كل شاعر في الوقوف الى جانب

شاعر قضاعه وشاعر بلي راشد بن فرحان البلوي

وماهي غريبه على شاعر بحجم ابو عمر هذه البادره الاكثر من رائعه

مرتا اخرى بارك الله فيك واكثر من امثالك

استاذي فالح

صح الله لسانك .. ويستاهل راشد

مرة أخرى الف ألف شكر لك على هذه القصيدة

الشاعر/ فالح السميري

ابداع راشد سبب رئيسي في تهيض مشاعر انسان عادي
فكيف اذا كان هذا الانسان شاعر..
سلمت وصح لسانك... وماعليك زود>>على قولة دارين

الشاعر فالح السميري صح لسانك
ويستاهل راشد وأسال الله لهُ التوفيق

سلمت يمينك يالسميري
ويستاهل الذيب رااااااشد

صح السانك

الشاعر / فالح السميري

ولله درك

ويستأهل شاعر قضاعة ونتمنى له كل التوفيق

دائما انت مبدع يابا عمر ودنا ان لاتنقطع عن مثل هذه الدرر
محبك ابو محمد

يرفع الراس والله يوفقه في الجايات

صح لسانك يا فالــح ..

والله يبيض وجهك على هالقصيده

بيض الله وجهك يأبو عمر