يبه وينك .. بلسان طلفه .. مصافحه أولى

( عندما يكون الفرح وهم )

يبه وينك
مل الكون من دونك
من نظرة عيونك

يبه وينك
اشوفه طول غيابك
أخذك الغياب ... ولا جابك

يبه وينك
أنا عندي امل للحين
تجي عيني في عيونك
وأسالك يبه أشلونك
يبه مل الكون من دونك
بلا نظرة عيونك

يبه وينك
مع اني اعرفك وين
ولكن عندي أمل للحين
تجي عيني في عيونك
واشكليلك
ومن قلبي أبكيلك
من دنيا العناء
عقب ما كان وياك الفرح
سكني عيوني الشقاء

يبه وينك
يبه يمر العيد بدونك
بلا ضحكتك بلا عيونك
يبه وينهى فرحة العيد بدونك
تصدق بعد فقدة فرحة العيد
يبه الاحزان كل يوم تزيد

يبه وينك
إرجوك علمني وينك
علمني متى رجوعك
جرحني الغياب
وانا انتظر على الباب
مع إني ادري ما ترجع
غريبه بعدها تدمع
عيوني من الالم والمواجع

يبه وينك
مع أني اعرفك وين
ولكن عندي أمل للحين
يبه انا أشوفك نهار وليل
أشوفك بوسط مجلسنا
تمازحنا وتسامرنا
يبه ما عاد بي حيل
وأنا اشوفك نهار وليل

يبه وينك
تقطع القلب بغيابك
كل ليله أسال أحبابك
أسأل أمي عن أخبارك
وأسرارك
تأخذها العبره
وترد بحسره
أبوك ( يافرح )
يبغاك تكبرين
وتعيشي بدنيا الفرح !!
يبه ليش سميتني فرح
دام أنت بتغيب
وتأخذ معاك
مني الفرح
ليه ما سميتني ألم أو وهم ...؟؟

يبه وينك
مع أني اعرفك وين
ولكن عندي أمل للحين
تجي عيني في عيونك
يبه غيابك
خلى بداخلي جرح
ينزف بليا دم
وزاد الهم فوق الهم

يبه وينك
تعال وشوف
كراس مدرستي
ورده من أبله
تزين دفتري
يبه ارجع
يبه مع طلوع الفجر اطلع
مثل الشمس زين دنيتي

يبه ارجوك ارجع
إذا لي خاطر فـ قلبك
ولهت لنظرة عيونك
مع إني اعرفك وين
ولكن عندي أمل للحين
تجي عيني في عيونك

أحسنت على هالكلمات الجميلة

ابداع يعطيك العافيه

طرح جميييييييييييل

يعطيك العافية و شكرا لك

هنــــــا ابدعت محمد بن زايد

.

والى الامام والتوفيق دائما

محمد بن زايد


.

مرحباً بك اخي الغالي
وطرح راقي .. واختيار مميز ..
يدل على ذائقة مميزة تتمتع بها
,
ننتظر المزيد منك
.
ولك خالص الشكر

ابو وضحى

اشكرك على تواجدك

تقبل ودي

محمد الرموثي


الابداع هو حضورك

أشكرك على هذا الحضور

دمت بود

مشعل العصباني

الاجمل من الطرح هو حضورك

أتمنى ان نالت أعجابك

تحياتي

حمود البلوي

تقبل شكري على حضورك في متصفحي

الله يسعدك

محمود الجذلي

هلا وغلا فيك اخوي

الذوق هو تواجد شخص الكريم هنا بين طيات متصفحي


اشكرك من القلب
،،،