القضية عانها نفس القضية !!

الأخوة الأعضاء

أعود لكم بعد إنقطاع عن الشعر الشعبي لفترة وجيزة و إليكم المصافحة الأولى بعد الغياب

وقّف شويه و هدّي يا زماني=القضيه عانها نفس القضيه

ساسها عوّد من فلان الفلاني=و البلا مقصود و الذمة بريه
لا نصحته فالمواقيف يعصاني=قلت له : ذيه و قال : ما هي بذيه
قلت له : ما كان يا رجال كاني=و إستمع للعلم دام النار حيه
الهوى سبة جنانك مع جناني=فالحجاز و في وسط نجد العذيه
نطرد الدنيا و نطمح بالأماني=و الأماني كل أبو ها عاطفيه
لين ما أن الوقت يا رجال شاني=و المأسي تكبر شويه شويه
و الهوى لو كان يرحم مودماني=كان رحم قيس الأبي فالجاهليه
و ما غشى قيس الأبي شوفه غشاني=في زمان العولمة روحي شقيه
عشقي اللي كان ما له عشق ثاني=في بلدنا و فالبلاد الأجنبيه
له ودادٍ معتلي بين المحاني=و كان وده في حياته بس ليه
أهتويته في حياتي و إهتواني=و كل واحد مننا روحه رضيه
عشق يا له عشق مصحوب بحناني=الحنان اللي بحدود المنطقيه
لا رأيته إهتني و لا من رأني=تقل كنه حاكم ديار الحميه
و في ثواني آه يا ثقل الثواني=قرّر يغادر و ينحي في نحيه
قلت : عفواً قال : عفواً لا تواني=ما بقى بيناتنا حرف أبجديه
ثم قفى و إمتطى ظهر الحصاني=و قمت أهل الدمع و أصفق يديه
يومها و لليوم و أنا أخوك عاني=و الهموم تزيد ثقلتها عليه
والله إن ما أنساه رغم إنه نساني=سيرته في صبح و ألا في عشيه
وقف شوي و هدّي يا زماني=و علّم الصاحب قبل يجرح خويه
( الهوى لو كان يرحم مودماني=ما جرح قيس الأبي فالجاهليه )

دمتم بخير

أخوكم ناصر بن ناجي الجهني

الشاعر العذب ..

ناصر ناجي الجهني ..

صح لسانك ياخال ..

ارويتني شعراً ورب محمد

أطيب المُــنــى ،،

سلمان العرادي

http://www.qahtaan.com/works/up/uplo...1190923126.gif

والله إن ما أنسـاه رغـم إنـه نسانـي

سيرتـه فـي صبـح و ألا فـي عشيـه

عشق شاعر لقصيدته

تذوقت مشاعر صادقه

خلف تلك الاحرف

التي نثرها قلمك

اخوي ناجي الجهني

ابداع

تقبل مروري

و

سجل اعجابي

الشـــــــاعر ناصر ناجي الجهني
هنــــا للمره الثانيه أسجل اعجابي بقصيده تصافح السماء بشاعريتها . بعد تسجيل اعجابي بها في منتدى جهينــــــــه , شكــرا من القلب الى القلب ونحن بأنتظارك

اخوي ناجي الجهني

تحية لك ياولد العم

ابيات عذبة وسلسة

دمت ودام قلمك

[MOVE="down"]صح لسانك يالذيب[/MOVE]

صح لسانك و النعم بك و بربعك و الله يعطيك العافية .

وقـف شـوي و هـدّي يـا زمـانـي

و علّـم الصاحـب قبـل يجـرح خويـه

الله يعطيك العافيه على القصيده الجزله والله انك امتعنا

وقـف شـوي و هـدّي يـا زمـانـي

و علّـم الصاحـب قبـل يجـرح خويـه

اخوي ناصر الله يعطيك العافيه على القصيده الجزله والله انك امتعنا

الشاعر

ناصر

يااااااااااااااااااااااهلا بك


والف صح لسانك رائع رائع يا ناصر

سجل اعجابي وتقبل مروري

البلا مقصود والذمة برية

:) لافظ فوك ويعطيك العافية:)

صح لسانك اخوي الشاعر ناجي الجهني
وعز الله ان شعرك يجمل

صح لسانك اخوي الشاعر ناصر الجهني
و عز الله ان شعرك يجمل