قصيدة من فلاح الشمري لأحمد العصباني

س1

.


كنت عند أخي و زميلي مسلم العصباني فذكر لي قصة وفاء رائعة بين الأخ الكريم / أحمد بن سالم العصباني البلوي و الأخ الكريم / فلاح بن شايش الشمري .. حيث تجاورا فترة من الزمن فأرسل الأخ / فلاح شايش الشمري هذه القصيدة لأخيه أحمد سالم العصباني البلوي ..

مني لأبو عبدالعزيز سلام = ما هب نسناس الهبوب وشام
حرٍ عن المرقاب يا شاف صيده = وانجال عن روس الهضاب غمام
و اعداد ما صلوا هل الدين بالحرم = و ما كبر المسلم عليه وصام
واعداد ما ساروا بالاشواط و انثنوا = واعداد ما لف الحجيج احرام
سلام من قلبٍ صفى صافي له = رفيقٍ ليا جار الزمان حزام
رفيق من المعروف يمد كفه = يمد العطاء من دون كاف ولام
يمد العطاء من خاطر سامح به = عليه من حوش الجميل وسام
بذل لي المجهود و المال و العطاء = يعطي بكفٍ ما عليه كمام
و انا ما طلبت و تجملت سابقاً = لولاه طيب ما عليه الزام
احمد يحوش الطايلات بكفه = يا صار بين الطيبين اقسام
احمد يحوش الغانمات و مجلسه = تلقى به رجالي طيبين حشام
تلقى رجال ما بهم كل قاصر = عصم الشوارب فزعة الجهام
كل يقول الطيب عندي ومعدنه = طيب الخوال و معدن العمام
بلي لهم بين القبائل منزل = بين القبائل ذروة و سنام
لهم على المعروف ميراد جمه = على العدود الراسيات مقام
حماية للضيف و الجار و الخوي = يا طار عن بيض البنات لثام
هذي عوايدهم و هذي فعولهم = ايضا ليا جار الزمان كرام
ركبوا شداد الطيب من فوق ضمر = و الطيب حطوا به رسن و خزام
مني لهم ما رفرف الطير بالهواء = سلام ما رف الجناح و حام
لهم نرفع التمجيد في كل مجلس = مثل ما رفع بالساريات اعلام
لهم احمد العصبان حصل غنايم = تمحى السنين و ما كسب له دام
رجل فهيم و قل ما حكيت مثله = انشهد انه من الطيبين امام
ملكني بالمعروف و الطيب و الكرم = مثل ما ملك خمس الحواس منام

بيّض الله وجهك يا بو نادر على هذا الموضوع .

والشيخ / أحمد بن سالم العصباني ( أبو عبد العزيز) . رجل كريم ويستاهل الطيب والذكر الحسن .

وألف نعم بقبيلة شمر .

وصح لسان الشاعر ,.

لهم احمد العصبان حصـل غنايـم

تمحى السنين و ما كسـب لـه دام

رجل فهيم و قل ما حكيـت مثلـه

انشهد انـه مـن الطيبيـن امـام

ملكني بالمعروف و الطيب و الكرم

مثل ما ملك خمس الحـواس منـام

ابونادر السلام عليكم مشكور على القصيده
صح لسان فلاح الشمري
ابو عبدالعزيز يستاهل كل خير

قصيدة وافية من وافي لشخصية تستحق واكثر
يستاهل ابو عبدالعزيز المدح وهو أهل له

بيض الله وجهك اخوي موسى

نقل موفق أبو نادر

أبو نادر تسلم على النقل يعطيك العافية

مشكور مشكور أخي الغالي ابونادر
على النقل
يستاهل ابو عبدالعزيز
ولك مني خالص الود التقدير