ألغاز واتحداكم جميع....

بسم الله الرحمن الرحيم

السلام عليكم ورحمة الله وبركاته

كيفكمـ إن شاء الله تمامـ ..

هذي الغاز اتحداكم حلها

الاولـــــــــ(1)

انشد ك عن رجلا اخذ من البيض ثنتين
يرقد بينهن وكلا يشوفه
لا اخذهن بدعه ولا اخذهن على الدين
والكاف لتوضيح اول حروفه
واظن البلوي وضحـه لكــم زين
والذكي منكم ماضني يطوفــه

الثانيـــــ(2)

يا ويش شيخا كل همه ركوع وسجود
جسمه نحيل ودمع عينه جاري
ملازماللخمس والناس في هذا شهود
يعمل طوال العمر في خدمة الباري

الثاثـــــــ(3)
ويش رجلا يندبونه في المواقف الخطيره
والمعارك خاضها والبطن مليان اطعونه
جاء منها بالغنيمه ياعسى في الامر خيره
هو جزاء من خاض بالميدان قاموا ينطلونه

الرابعــــ(4)

انشدك عن غذرى باسم رجال
لو يجتمع كل البشر ماقدرها
حراسها رجلين ماهم عقال
لا كن لا يمكن تعدى اديرهـــا

الخامســــ(5)
انشدك عن رجلا كبيرا مقـــامـــــه
يامر وينهى دون رجلين ويدين
احيان الناس تبغى منه السلا مــــه
تمشي في دربه في جميع الميادين

السادســـ(6)
سيــــــف سحبتــــــــه يا فتـــــــى في يميـــني
واليا سحبتــــــه تعجبــــــك لمحة إضواه
عـــده على الخطـــــــار والغانــــــميـــني
تراء صعبة ردة الســــــيف بخــــــاه

تبي الصراحه ألغاز تعجيزيه أشوف ما أحد رد على الالغاز,,,



مشكووور أخوي على التحدي ..

اخوي البلوي مساكـ الله بالخير اعتقد ان اجابة السؤال الثاني أصبع اليد والسؤال الثالث الرصاص اتمنى اني وفقت& تحياتي& محمد العثماني

عارف حل الألغاز كللللللللللللها
وترى ماهو شطاره مني
لكن كلها مرت علي وعارف حلها

لكن ما أبي أحرق عليك ىالألغاز

احدهم السيف

الاخ سيف اعتقد ان أكثر الناس عارفين الحل لكن عاد مادام
مأحد منزل الحل دونك الحل

1- الكربون
2- القلم
3- القصدير
4- نجمة سهيل (الجدي)
5- التقويم
6- حليب الناقه

وبعدين ياليت تطرح لنا كل مره لغز واحد ويكون من صنع تفكيرك ويديك
أو على الاقل ماسبق وان طرح بالمنتديات

اللي يتحدى يجيب من راسه جديد مايجيب الغاز اكل عليها الدهر وشرب
مع اطيب تحياتي

الأخ / سيف عاكف

يعطيك العافية

الأول - الكفن

جاااااااااااااااااري التفكير

السلطـــــــــان

اقتباس:

---

المشاركة الأصلية كتبت بواسطة الماهر

اللي يتحدى يجيب من راسه جديد مايجيب الغاز اكل عليها الدهر وشرب
مع اطيب تحياتي

---

شي طيب من كاتب الموضوع انه يذكرنا بالألغاز القديمه لكي نتذكرها ويعرفها الجيل الحالي ............ وعطنا شي من راسك يا اخ الماهر اذا عندك جديد؟؟

مع الشكر للجميع

مشكووووووور اخوي عاكف على هذي الالغاز الحلوة
( قديمك نديمك لو الجديد اغناك)
واللي ماله تراث مايسوى وهذي الالغاز تراث قديم
بس ممكن تغششني وتقول لي الحل