رد الشاعر / بدر موسى جزاع على أسعد السحيمي

قصيده رد من الشاعر بدر موسى جزاع إلى أسعد السحيمي

يقول أبن موسى ألي من صلب جزاع = كلام لانته سامعه أو قريته
ياذيب يالي عاوي ٍ من ورى ضاع = بظهر لك ألي بالضماير كنيته
ياكثر ماخويت أحرار وأسباع = مهنى ردي ّ الخال لامن نخيته
الذيب مايترك خويّه إلا جاع = خص ٍ لمنك يم بيته لفيته
وأنا عطايه ماهو بكتف وإذراع = يفحمك يأسعد إلا من جاريته
من صحبتك مادّور اليوم الانفاع = ماغيره المعبود ألي رجيته
وجذع ٍ عروقه على النبع سياع = مايهمه لو إنك بفاسك لحيته
ياصاحبي مين ألي برايه راع = وألا أنا مافيه حق ٍ هفيته
طرد الولع عندي يشفي بي أوجاع = ورفقة خوي العز لامن طريته
عند القنص دايم كما طير سجّاع = إما عطاني براي وألا عطيته
ياذيب جر أعواك وإملا لنا أسماع = جر العوى مادام ليلك سريته
حنا هل الحيزا وللحق قطاع = وألي دعاني بحق للحق جيته

الشاعر / بدر موسى جزاع الميهوبي

وأنا عطايـه ماهـو بكتـف وإذراع
يفحمـك يأسعـد إلا مـن جاريتـه


حسبي الله عليك يابدر:||astes||:




وجذع ٍ عروقه علـى النبـع سيـاع
مايهمـه لـو إنـك بفاسـك لحيتـه


من أجمل الابيات


عند القنص دايم كما طيـر سجّـاع
إمـا عطانـي بـراي وألا عطيتـه

ياذيب جر أعواك وإملا لنا أسمـاع
جر العـوى مـادام ليلـك سريتـه

حنـا هـل الحيـزا وللحـق قطـاع
وألي دعانـي بحـق للحـق جيتـه


ومليون نعم


أخي الغالي والشاعر العذب / بدر موسى جزاع


قد لايعلم الكثير أنني الاخ الأصغر لك ..


برغبه منك وضعت هذا النص ..

وليعلم الجميع انني أنا وأنت واحد



دمت لي وللشعر يابو مهنّا


محبتي ..

أسعد السحيمي

شكــرا اسعد السحيمي
على هذه الكوكبه الجميله من الابيات الجزله
وصح لسان شاعرهــا

أخي أسعد

يا ليت كما أتيت لنا بهذه القصيدة أن تأتي لنا بصاحب القصيدة

نريد أن نقرأ له هنا


شكرا لك أخي

و عساكم دوم متحابين و على الخير مجتمعين

أولا
اسعد انت زااااااد غلاك
وللأمانه وافي بالنقل

حنـا هـل الحيـزا وللحـق قطـاع=وألي دعانـي بحـق للحـق جيتـه

وهنا تسلم ابن العم بدر

تدرون لكم الاثنان حب وغلا ووفاء محمد ظاهر
تقبلوا المرور والمداخله ان سمحتم
ود لأسعد وبدر مدد لا يحصر بعدد

الشاعر العذب .. أسعد السحيمي

لك الشكر من القلب لاتحافنا بهذه الابيات الجميله ..

أطيب المُــنــى ،،

سلمان العرادي

اخي اسعدالسحيمي

تحية من القلب

لاغرابة ذيب جاوب ذيب

وابداع عانق ابداع

سلمتما على هذا الود واالعتاب الراقي والشعر الجميل

وتقبلا مني كل الود والإعجاب

شكرا لك يا ...أسعد على النقل المميز ....
اما أبو مهنا ونعم وهذى ماهي غريبة علية فأبوة شاعر وأجدادة شعار ......ونعم بخوالي .ولي العز والفخر بهم . ابو مهنا نبي المزيد زي ماقال الاخ / موسي ربيع وهذا الانسان تعجز الكلمات عن شكرها وتقديرها لة فهو راع الأولة في كل شي الله يحفظة ذخرا للقبيلة ...وشكرا للجميع

الله يعطيكم العافيه وصح لسان كل واحد فيكم والاخ/ بدر الميهوبي غني عن التعريف وامانة انا من الناس المتابعين لقصائده وهو صاحب امكانيات كبيره جدا وانت اخي / اسعد كذلك اتمنى لكم كل التوفيق ....

(( وفالكم حب كل ابناء القبيله ))

اقتباس:

---

المشاركة الأصلية كتبت بواسطة موسى بن ربيع البلوي

أخي أسعد

يا ليت كما أتيت لنا بهذه القصيدة أن تأتي لنا بصاحب القصيدة

نريد أن نقرأ له هنا


شكرا لك أخي

و عساكم دوم متحابين و على الخير مجتمعين

---

اخي موسى صاحب القصيده محجوز
ياغالي تحياتي وودي لك ياموسى بالذات
لك قدر كبير في قلوبنا