يالربع القصير وينه
شل برقع الطير يا ناقله هده==خله مع الجو يكفخ على فاله
يالله عسى صاحبي ماطفت ناره==في منتدى الرد ماعاد له طاري
لي صاحبن غايبن صار له مده==ماسمعت صوته ولا شفت مرساله
مشتاق له ودي آجدد الغاره==وين انت يالقرم يا واف الاشباري
عرض للطباعة
يالربع القصير وينه
شل برقع الطير يا ناقله هده==خله مع الجو يكفخ على فاله
يالله عسى صاحبي ماطفت ناره==في منتدى الرد ماعاد له طاري
لي صاحبن غايبن صار له مده==ماسمعت صوته ولا شفت مرساله
مشتاق له ودي آجدد الغاره==وين انت يالقرم يا واف الاشباري
اقتباس:
المشاركة الأصلية كتبت بواسطة الماهر
ياناقل الطير يا ناقله وده=لا تطلقه قبل ماتعرف منزاله
صاحبك والم ولازال في داره=لازال في موقعه بايعن شاري
مريت طيبة ومكه بعد جده=يوم أنت رحت العبيلة وشواله
يالله عسى رميتك تاصل الشاره=وتصير لي جار واقول ياجاري
حط المعاميل بالخرج والعده ==باكر ترانا مع الشمس رحاله
لازم تكلم لنا عمدة الحاره== محتار صاحبك بالوضع محتاري
وصل الخبر والخبر عننا رده==بالك تقول الخبل راح ماقاله
الجار له حق واجب على جاره==وانكان ماقمت له ودع اجباري
اقتباس:
المشاركة الأصلية كتبت بواسطة الماهر
الضيف لا جاء العرب ينلزم حده=يا مرحب فيه لاصار في حاله
والعمده يدري والايام دواره=وإن كان ماحلها جتك الأ خباري
بعض الأنابيب ياذيب منسده=والسوق ما ينقرب غاب دلاله
ناقف مع الجار في يمين ويساره=واساعدالجار في سر وجهاري
الضيف لاجاء العرب ماعنه صده==ولا كل من قال انا افلان يعناله
والطيب بالسوق مارخصت اسعاره==والشيخ من قبل ما فزعك داري
اوقف مع الجار باليسر والشده==والجار يفداك بالروح واعياله
لاحول السيل ماسد محداره==خلك سواته ولا تقرب الذاري
اقتباس:
المشاركة الأصلية كتبت بواسطة الماهر
العامل اليا نشط جددو عقده= واليا كسل جعل مافالكم فاله
الطيب بالسوق و الناس تختاره=دهنه وعوده يعطرك يالساري
حنا سوى في بحر ظاهرن مده=ما نعبره غيري بجهود قتاله
والسيل سيل و لا بانت اثماره= الماء غدى في بحر والبحرجاري
الماهر والقصير
صح الله ألسنتكم وطيب فالكم
طارووق جميل وأنا ماسك الصفه
متابعين لكم
عميلي اليوم وده ولا وده==يفزع وكنه تخوف من اظلاله
يقول جبار من قوم جباره==والظاهر انه من اللي ذكر عاري
واعدني الذيب ياقف معي ضده==الهرج واجد ولا شيفت افعاله
والطيب طيب الفعل عندي اسراره==ماجلب بالسوق مع كل عطاري
اقتباس:
المشاركة الأصلية كتبت بواسطة الماهر
مسكين مسكين ماشي في يده=لا تحرجه ثم يعطيك من ماله
اصبر وخليك من ناس صباره=واشكي همومك على الخالق الباري
لا تكتب خطاب من دون مسوده=واقرأ جواب الخصم وافهم اسؤاله
دام انت راضي ومسكنك في الغاره=طيع الأسدلاتضيعك الاشواري
مسكين من قال قولن مهو قده==هذاك ودوه للطايف اشوى له
ماهيب لحية سواليف واطراره==انا معك جاهزن ماطفت ناري
اونس بحلقي من البربسه غده==هيا على العد ناقف على جاله
انهض نبي ناصل القايد ازياره==دامك رفيقي ترى مالك اعذاري
وين الشياله وينهم
اقتباس:
المشاركة الأصلية كتبت بواسطة الماهر
خلك معي ند يا قف معا نده =واللي بعيد عنك مالك وماله
ياشاعرن ضاع ما دل مشواره=لا قول كاتب ولاقول له قاري
شاعر لكن لابدأ باح في سده=وإن طول الليل يامكثر اقواله
ترى البحر طالباً ناس بحاره = وانته لخوض البحر مانته بضاري
بعض المخاليق دمعه على خده==والهم والغم والحزن يبراله
ايكبس النور واعمتني انواره==عن الحقيقه يبي يعمي ابصاري
ماتستحي منه يامسندي بده==تراي ماني على صاحبي عاله
خلك يميني وانا آجود الطاره==واصدح بصوتك جديدات الاشعاري
اقتباس:
المشاركة الأصلية كتبت بواسطة الماهر
دام ان مزح الرجل بان من جده= حنا عرفنا عمامه و من خاله
بحاري لكن ما معه سناره =وان شاف حوت البحر جاه دواري
ماتستحي منه خله على حده=للي يعرف الشهر بأول هلاله
أنا يمينك على الخير"ي" وانهاره=ماني من اللي غريبين الاطواري
شكرا جزيلا اخي القصير وارجو المعذره إذا بدر مني خطأ
والى لقاء قريب إنشاء الله
اقتباس:
المشاركة الأصلية كتبت بواسطة الماهر
أخي الماهر اشكرك وارجو المعذره إذا بدر مني خطأ
تحياتي